ملګروملتونو اعلان کړی چې په نړۍ کې شاوخوا یو میلیارد او ۳۰۰ میلیونه کسان له یوه ډول نه یوه ډول معلولیت سره ژوند کوي.
دغه سازمان دا څرګندونې نن چهارشنبه، لیندۍ ۱۲مه، ډسمبر درېیمه د معلولیت لرونکو کسانو د نړیوالې ورځې په مناسبت کړې دي.
د کډوالو ستونزو ته د رسېدنې عالي کمېسیون وايي، په تېر یوه ورځ کې ۵زره او ۴۹۵ افغانان له ایران او پاکستانه په جبري توګه ایستل شوي او هېواد ته راستانه کړل شوي دي.
یاد کمېسیون نن چهارشنبه، لیندۍ دولسمه، پر خپله اېکسپاڼه لیکلي چې دغه کسان د هرات اسلامقلعه، د نیمروز ورېښمو پُل، د کندهار سپینبولدک، د تورخم او د بهرامچې د لارې افغانستان ته راغلي دي.
د پروژو د پرانیستې په مراسمو کې د ټولګټو چارو رییس مولوي جنتګل سراج وویل چې په یادو پروژو کې د لوګر ـ ګردېز لويې لارې د ګارډریلونو جوړول، د ترافیکي نښو لګول او د التمور لوړ تناژ تلې لپاره د ۱۵۰ مترو په اوږدوالي کانکریټي سړک جوړول شامل دي.
د بهرنیو چارو وزیر امیرخان متقي وايي چې په دې وروستیو کې د افغانستان او تاجیکستان ترمنځ سیاسي، اقتصادي او امنیتي همکارۍ پر لور د باور فضا رامنځته شوې، خو په وینا یې، ځینې کړۍ هڅه کوي، دغه مثبته فضا زیانمنه کړي.
نوموړي دغه څرګندونې د تاجیکستان د بهرنیو چارو وزیر سراجالدین مهرالدین سره د ټیلیفوني اړیکې پرمهال کړې دي.
د سرپُل د اطلاعاتو او فرهنګ ریاست مسوولان وايي، دغه ولایت کې د وروستۍ زلزلې له امله یوشمېر تاریخي ابداتو ته زیان اوښتی دی.
د عیدګاه جامع جومات، د خشت پُل جومات او امام یحیی او لنګرشاه عبدالله زیارتونه هغه لرغوني تاریخي ځایونه او ابدات دي چې هر یو یې څو سوه کاله لرغونتوب لري.
د سره صلیب نړیوالې کمېټې اعلان کړی چې سعودي عربستان له افغانستان سره یو میلیون ډالر مرسته کړې ده.
دغه مرسته به د افغانستان په کرنې برخه کې د سکتور پیاوړتیا او د خوړو د خونديتوب د ستونزو د کمولو لپاره ولګول شي.
د خوست ولايت مقام څخه نن دوشنبه، لیندۍ لسمه، په رالېږل شوې خبرپاڼه کې ویل شوي چې سبا سهشنبه، لس بجې د خوست په ورزشي سټېډیوم کې پر یوه کس د قصاص حکم جاري کېږي.
د خبرپاڼې له مخې، د اسلامي شریعت د احکامو د تنفیذ او تطبیق په لړۍ کې، د اسلامي امارت قضایي ارګانونه، د علیشیرو او تریزيو ولسوالي اړوند دردونکي پېښې د یوه قاتل په اړه د قصاص حکم عملي کېږي.
د يادو پروژو د ګټېاخيستنې مراسمو کې د پکتيا د کليو بيارغونې او پراختيا ريس مولوي خان محمداحمد وويل چې يادې پروژې د ملګروملتونو د پروژي خدمتونو دفتر«UNOPS» په مالي لګښت او د خلکو په مشرۍ د پرمختګ موسسې په تخنيکي همکارۍ بشپړې شوې دي.
د هرات محلي چارواکي وايي چې د روان لمریز کال په لومړیو اوو میاشتو کې د دې ولایت نزدې ۲۰ میلیونه (۱۹,۹۷۱,۱۸۷) کیلوګرامه وچه مېوه تر شلو څخه ډېر هېوادونو ته صادره شوې ده.
دغو هېوادونو کې اتریش، بلجیم، کاناډا، هالېنډ، جرمني، امریکا، ایران، قطر، ترکیه، هند، عربستان او یوشمېر نور شامل دي.
د افغانستان لپاره د ملګروملتونو پراختیايي ادارې(UNDP) اعلان کړی چې لږترلږه ۱۳زره افغانان پر ایدز ناروغۍ اخته شوي دي.
د ملګروملتونو پراختیايي ادارې(UNDP) دا معلومات نن د دوشنبه، لیندۍ لسمه / دسمبر لومړۍ نېټه د ایدز د نړېوالې ورځې په مناسبت پر خپله اېکسپاڼه خپاره کړي دي.
د لوګر د صنعت او سوداګرۍ ریاست مسوولان وایي چې د ښځینه متشبثینو له لوري درې نوي تولیدي شرکتونه جوړ او په رسمي ډول یې فعالیت پیل کړی دی.
د لوګر د صنعت او سوداګرۍ رییس مولوي شبیراحمد صدیقي، سلاموطندار ته وویل چې دغه شرکتونه د کورنیو خوړو د تولید، لاسي قالینبافۍ او زراعتي پروسس په برخو کې فعالیت کوي.
د سمنګان د خُلم ولسوالي د «حاجيکریم» کلي اوسېدونکی ۵۲کلن رمضاني هغه پلار دی چې له ۲۳ ورځو وروسته لاهم د خپلې ځوانې لور نصیرې په وېر ناست دی.
ده سره داسې مهال مخ کېږو چې د نږدې یوې میاشت ورځې وړاندې زلزله کې د خپلې شهیدې شوې لور له قبر راستون شوی دی.
د بېپولې ډاکترانو سازمان وايي چې د دوی ټیمونه د مزارشریف ښار د ابوعلي سینا روغتون د ظرفیت د پیاوړتیا لپاره کار کوي. د ۲۰۲۳ کال د اګست میاشتې راهیسې، دوی د ماشومانو د ځانګړې مراقبت څانګه (PICU)، د نویو زېږېدلو د ځانګړې پاملرنې څانګه (NICU) او بیړنۍ څانګه ملاتړ کوي. دا څانګې د ۱۴کلن او له دې کم عمره ماشومانو لپاره حیاتي او نجات بښونکي خدمتونه وړاندې کوي.
د دې نندارتون یوه مسوول نظیفالله شیرزی وايي چې په دې نندارتون کې له ۲۰ څخه زیاتو نوښتګرو پروژو او ابتکارات نندارې ته وړاندې شوي چې پهکې د څاڅکي اوبو ورکولو سېسټم، د کارګرو لپاره ځانګړې خولۍ، د ټرافیکي ګڼهګوڼې د کمولو سېسټم او څو نور سافټویرونه شامل وو.
د هلمند د امنیه قومنداني د ترافیکو مدیریت چارواکي وايي چې د دغه ولایت په لویو لارو او ښار کې د ترافیکي سرغړونو د مخنیوي لپاره کلک اقدامات پیل شوي دي.
هغه زیاتوي چې د ترافیکي ټیمونو حضور به لا ډېر شي، څو د بېاحتیاطۍ له امله رامنځته کېدونکې پېښې راکمې او د خلکو د تګراتګ خوندیتوب تضمین شي.
کابل کې د ایران سفارت نن (یکشنبه، د لیندۍ ۹مه/ د نومبر ۳۰مه) د دغه هېواد د ملي امنیت شورا د مشر علي لاریجاني له قوله پر ایکسپاڼه لیکلي چې تهران د دواړو لورو د اختلافاتو د حل لپاره د منځګړتوب او هڅو بشپړ چمتووالی لري.
