د ټولګټو وزارت مسوولان وايي چې د ۳۷۵ میلیونه افغانیو په ارزښت د کندهارښار-سپینبولدک ترمنځ د څه باندې ۳۹ کیلومټره سړک د جوړېدو چارې پیل شوې.
د چارواکو په وینا، دغه سړک چې ۳۹.۶ کیلومټره کېږي، د نهو میاشتو په موده کې ورغول شي.
د کندهار کرنې، اوبولګولو او مالدارۍ ریاست مسوولان وايي چې د یاد ولایت شاوليکوټ ولسوالي کې زرګونه بزګرانو ته د غنمو اصلاح شوی تخم او کیمیاوې سره وېشل شوې.
اصلاح شوی تخم او کیمیاوې سره د ملګروملتونو د خوړو او کرنې نړیوال سازمان په مالي ملاتړ، پر بزګرانو وېشل شوی دی.
د هېواد سوېلختیځ پکتیا کې چارواکي وايي چې دغه ولایت کې د راکېټ مرمۍ چاودنې له امله یوه ماشوم خپل ژوند له لاسه ورکړی او پنځه نور ټپیان دي.
د پکتيا امنيه قومنداني مسوولانو په وینا، پېښه «يکشنبه، سلواغې اوومې» ناوخته د اريوبځاځيو ولسوالي اړوند سیمه کې د راکېټ مرمۍ چاودنې له امله رامنځته شوې.
د ميدانوردګ د کرنې او مالدارۍ ریاست مسوولان وايي چې په دغه ولايت کې سږکال ۱۵۰زره متريک ټنه د مڼې حاصلات ترلاسه شوی چې د تېرکال په ترتله ۲۵سلنه لوړوالی ښيي.
د ټولګټو وزارت وايي، د افغانستان، اوزبیکستان، قرغزستان او چین ترمنځ د اورګاډي اقتصادي دهلېز د همکارۍ تړون د ۲۰۲۵ کال تر پایه وغځېد.
د یاد وزارت د مسوولانو په وینا، یاد تړون اوزبیکستان ته د دغه وزارت د اوسپنې پټلۍ د مرستیال محمد اسحق صاحبزاده د سفر پر مهال تمدید شوی دی.
د کابل یوشمېر اوسېدونکي بازارونو کې د خوراکي توکو د بیو لوړېدو څخه شکایت کوي او وايي، دې وروستیو ورځو کې د افغانیو پر وړاندې د ډالرو بیې لوړېدو سره، د خوراکي توکو بیې هم لوړې شوي دي.
د افغانستان د بانک مسوولان وايي چې سبا «دوشنبه، سلواغې اتمه» به «۲۵» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (یکشنبه، سلواغې اوومه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا دوشنبه «۲۵» میلیونه امریکايي ډالر لیلام کړي.
خوست کې ډاکټرانو تازه پرېکړه کړې چې دې ولايت کې د شته دولتي او خصوصي ښوونځيو له ټولو ښوونکو به د درملنې پر مهال هېڅ فيس نهاخلي.
خوست کې د ډاکټرانو د اتحاديې مشر ډاکټر عبدالحکیم ځدراڼ وايي، دا پرېکړه یې، له دې امله کړې چې له يوې خوا د ښوونکو اقتصادي لاسنيوی او له بل اړخه ټولنه کې د دوی د خدمتونو درناوی وشي.
د بهرنیوچارو وزارت د اسلامي امارت د مشر شیخ هبتالله اخندزاده او د قاضي القضات د نیولو په اړه د جرمونو د نړیوالې محکمې د څارنوالۍ د غوښتنې په غبرګون کې دغه غوښتنه غیرحقوقي او ناعادلانه بللې.
د کډوالو او بېرته راستنېدونکو چارو وزارت سرپرست مولوي عبدالکبير وايي، اوسنی نظام ورته ګران دی او نهغواړي نړۍ سره یې، ښکېل کړي.
نوموړي دغه څرګندونې خوست کې د یوې دیني مدرسې په فراغتغونډه کې کړې دي. عبدالکبیر ټينګار کړی چې سرپرست حکومت له نړۍ سره په «کشمکش کې ښکېلتیا» نهغواړي او په وینا یې، ټولو سره د مثبت تعامل غوښتونکي دي.
یوشمېر متقاعدین د خپل تقاعد پر نه ورکړې نیوکه کوي او وايي چې د خپلو کورنیو د لومړنیو اړتیاوو د برابرولو توان نهلري.
حبيبالله چې د کورنيو چارو وزارت په چوکاټ کې تقاعد شوی وايي، په دې سوړ ژمي کې هېڅ نهلري او په وینا یې، چا یې غږ نهی اورېدلی. خو یوشمېر نور متقاعدین له اړوندو ادارو غواړي، هر څومره ژر چې کېږي، د دوی د تقاعد حقوق دې ورکړي.
د خوست په مرکزي زندان کې په لومړي ځل د تخنيکي او مسلکي زدهکړو ادارې له لوري د حرفوي زده کړو مرکز پرانيستل شوی دی.
د حرفوي زدهکړو دغه مرکز کې به ۶۰ زندانيانو لپاره د برښنا په برخه کې زدهکړې ورکړل شي او شپږ مياشتې به دوام وکړي.
هېواد کې د انټرنټ لوړې بیې او ټیکنالوژۍ برخه کې د شته ستونزو سربېره یوشمېر ځوانان بریالي شوي چې دې برخه کې ښې لاستهراوړنې ولري.
د ټیکنالوژۍ په دې لاستهراوړنو کې ځوانان پر دې توانېدلي چې د مالي مدیریت، حسابدارۍ، د ژبښوونې او درماني خدمتونو برخو کې په ملي او نړیواله کچه اپلېکېشنونه جوړ کړي.
ایران کې یوشمېر افغان کډوال له ایراني چارواکو غواړي چې له هغه هېواده د افغانانو د جبري ستنولو لړۍ ودروي.
دوی سلامونطدار ته وویل، دا چې د ایراني امنیتي مسوولانو له لوري ونهنیول شي، د خپل ژوند لومړنۍ اړتیاووې په پټه پوره کوي.
د لوګر چارواکي وايي چې د دغه ولایت د دولتي ځمکو د غصب مخنیوي کمېسیون د پرېکړې له مخې، په مرکز پلعلم او خوښۍ ولسوالي په دولتي ځمکو جوړ شوي لسګونه هستوګنیز کورونه ونړول شول.
د لوګر د بدنې روزنې او ورزش امریت چارواکي وایي چې د دغه ولایت په مرکز پلعلم کې د ۱۲ غوره لوبډلو ترمنځ د والېبال سیالي پای ته ورسېدې.
د دغه ولایت د بدنې روزنې او روزش امریت امر انجینیر مزمل نعیمزي سلاموطندار ته وویل، په دغه سیالیو کې د ولایت په کچه د والېبال ۱۲ غوره لوبډلو ګډون کړی وو.
