پېژندپاڼه هغه سند دی چې له مخې یې، په یوه هېواد کې د کس قانوني شتون ثابتوي؛ خو افغانستان کې ډېری مېرمنې له دې سند او له خپل رسمي هویت محرومې دي.
سلاموطندار په دې راپور کې له شلو داسې مېرمنو سره مرکې کړې چې پېژندپاڼې نهلري. د مرکو پایله ښيي چې دغه مېرمنې نهشي کولای زدهکړې وکړي، کار وکړي، سیمکارټ واخلي او یا هم بشري مرستې ترلاسه کړي.
د لوګر د امنیه قومنداني د ترافیکو مدیریت له لوري تېره ماښام د مرکز پلعلم اړوند د شهیدانو په چوک او د محمداغې ولسوالي په یوشمېر سیمو کې د ناقانوني لېزري څراغونو د مخنیوي په موخه ځانګړي چیکپاینټونه جوړ کړي دي.
د خوست والي عبدالله مختار وايي چې له نړيوالو سره د اسلامي امارت لهخوا د دوحي تړون پرمهال ژمنه شوې وه چې له افغانستان څخه به نړۍ او ګاونډيانو ته هېڅ ګواښ نهوي او نه به هم ګاونډيان افغانستان ته کوم زیان رسوي.
د لوګر ټرافیکو مدیریت له موټرچلوونکو غواړي چې د کوتل تېرې له سیمې د تېرېدو پرمهال د ترافیک پولیسو ټولې لارښوونې او سپارښتنې په جدي ډول رعایت کړي.
کوتل تیره چې د هېواد د سوېلي ولایتونو ترمنځ له ستونزمنو لارو څخه شمېرل کېږي، د واورې او باران له پیل سره د موټرچلوونکو او مسافرو لپاره په خطرناکه لاره بدلېږي.
د هرات چارواکي وايي چې دغه ولایت کې د یوه خیریه بنسټ له لوري د ۱۳۰ ځوانو جوړو د ډلهییز واده مراسم جوړ شوي و.
د یاد بنسټ مسوول عبدالحق صدیقي وایي چې د هرې جوړې لپاره نغدي مرسته، د ناوې او زوم جامې، د کور د اړتیا وړ ۷۲ ډوله توکي او همدارنګه لومړني خوراکي مواد وېشل شوي دي.
د زابل والي ملا شېرمحمد شریف د ولایتي روغتون په انګړ کې د شاوخوا ۹۰ میلیونه افغانیو په لګښت د دوو مهمو روغتیايي پروژو د بنسټ ډبره کېښوده.
په دې اړه جوړو شویو مراسمو کې د زابل مرستیال والي مولوي سیدالرحمن حافظ، د ولایت مقام د دفتر رئیس مولوي قدرت الله بدري، د عامې روغتیا رئیس ډاکټر میرویس افغان او یوشمېر نورو چارواکو هم ګډون کړی وو.
دغه سروې د ۱۸۰۰ ښاریانو په مستقیم ګډون او د کابل ښار د شلو ناحیو د نږدې ۱۵۰۰۰ اوسېدونکو په غیرمستقیم پوښښ سره، دغه ښار کې د څښاک اوبو ته د خلکو د لاسرسي او د ځمکې لاندې اوبو وضعیت څرګندوي. د دغې سروې پایلې د هېواد پلازمینه کې د اوبو بحران څخه اندېښمنونکی وضعیت ښيي.
د سلام افغانستان رسنیزې موسسې «سلاموطندار راډیو» نن چهارشنبه، مرغومې لسمه، په کابل کې د یوې غونډې په ترڅ کې، د کابل ښار د اوسېدونکو د څښاک پاکو اوبو ته د لاسرسي په اړه د خپلې سروې پایلې رسنیزې کړې.
د هلمند یوشمېر اوسېدونکي وایي چې دغه ولایت کې ډېری روغتیایي مرکزونه د اساسي معیارونو له نشتوالي سره مخ دي.
د دوی په وینا، خټینې ودانۍ، د ځای تنګوالی او د روغتیایي اسانتیاوو نشتوالی، هغه ستونزې دي چې هره ورځ ورسره لاس او ګرېوان دي.
د لوګر د بدني روزنې او ورزش امریت امر انجینیر مزمل نعیمزي سلاموطندار ته وویل، یادې سیالي د ۲۰ لوبډلو په ګډون د لوګر د فوټسال کمېټې لهخوا د یاد ولایت د المپیک، بدني روزنې او ورزش امریت په همکاري ترسره شوې چې ۱۵ ورځې یې دوام درلود.
میدانوردګ کې د ملي دفاع وزارت د پنځمې لوا مسوولان وایي چې د کابل-بامیانو پر لویه لاره د لومړۍ بهسودو ولسوالي د «جاجيګک کوتل» په سیمه کې د سختو واورو د ورښت او توپان له امله بندپاتې لسګونه مساغر ژغورل شوي دي.
د غور د مخابراتو او معلوماتي ټکنالوژۍ ریاست مسوولان وایي، د روان لمریز کال پرمهال په دې ولایت کې ۲۶ نوي مخابراتي سایټونه فعال شوي دي.
په پاکستان کې پر افغان کډوالو د تازه فشارونو له پیل څخه د میاشتو په تېرېدو سره، لاهم زرګونه افغان کورنۍ په دې هېواد کې له سختو بشري شرایطو سره مخ دي.
د قانوني اسنادو نشتوالی، د جبري ایستلو ګواښ، پراخې نیونې او لومړنیو خدمتونو ته د لاسرسي محدودیتونه د ډېرو کډوالو ژوند له جدي ستونزو سره مخ کړی دی.
د هرات ځایي مسوولان وایي، د لومړي ځل لپاره په یوه شپه او ورځ کې د هرات–خواف د اوسپنې پټلۍ له لارې له ۴۸۰۰ ټُنو زیات سوداګریز توکي لېږدول شوي دي.
د ریاستالوزراء اقتصادي مرستیال ملا عبدالغني برادر نن «سهشنبه، مرغومې نهمه، د کابل ولایت مقام مخې ته د موټرو د تګراتګ لپاره د هوايي پُل د جوړېدو چارو پرانیسته وکړه.
د بلخ ځایي مسوولان وایي، د اوزبیکستان له لوري د بشري مرستو جوپه د افغان اړمنو د لاسنیوي په موخه بلخ ته رسېدلې ده.
د بلخ د والي ویاند عطاالله زېد ویلي چې په دې مرستو کې خوراکي توکي، درمل او طبي تجهیزات شامل دي، تېره ورځ د حیرتان په سوداګریز بندر کې ځایي مسوولانو ته سپارل شوې دي.
