۵۵کلن ګلجان چې له درېوو کلونو راهیسې پر سرطان ناروغۍ اخته دی، د خپلې درملنې لپاره د پاکستان کوټې ښار ته ځي.
نوموړی وايي، اقتصادي وضعیت یې خراب دی، خو د درملنې بله چاره نهلري. د هغه په وینا، د زابل په روغتونونو کې د سرطان ناروغۍ د درملنې لازم امکانات نشته او د پاکستان سفرونو یې پر اقتصادي حالت بد اغېز کړی دی.
د لوګر محلي چارواکي وایي چې د کور او ښار جوړولو وزارت له لوري د دغه ولایت په مرکز پلعلم او ولسوالیو کې ۱۳ معیاري سوداګریز بازارونه جوړېږي.
د دغه ولایت د کور او ښار جوړولو ریاست ریيس مولوي مطیعالله ذاهد پلعلم کې جوړې شوې یوې غونډې ته وویل، د مرکز پلعلم په ګډون په برهکيبرک او څرخ ولسوالیو کې ۱۳ معیاري سوداګرېز مارکېټونه جوړېږي.
د پکتيا محلي مسوولان وايي چې روان کال په ياد ولايت کې د حکومتي بوديجې او موسسو په مرسته ۲۷۰ پراختيايي او پرمختيايي پروژې بشپړې شوې دي.
د پکتيا مرستيال والي مولوي انعامالله صلاحالدين نن سهشنبه، سلواغې ۲۳مه یوې خبري ناسته کې وويل چې د يادو پروژو له ډلې ۳۰ پروژې چې ۵۷۶ ميليونه افغانی لګښت پرې شوی، حکومتي بوديجې په مرسته پلې شوې دي.
په دې غونډه کې، د ملګرو ملتونو د ترهګرۍ ضد ادارې، متحده ایالاتو، چین، روسیې او ډنمارک یو ځل بیا د افغانستان له خاورې د ځینو امنیتي ګواښونو د شتون په اړه اندیښنه څرګنده کړه او دا یې د سیمې او نړۍ لپاره یو ګواښ وباله.
د کندهار د مالوچو کروندګرو سلطان سلاموطندار ته وايي چې پخوا به یو من پنبه ۵۰۰ افغانۍ وه، خو اوس یې، بیه ۲۵۰ افغانیو ته راښکته شوې. «پنبه به مو کرله او ډېرې ناروغۍ به وې، د حاصل پرمهالب به یې، په ټیټه بیا راڅخه غوښتله، پخوا ۵۰۰ افغانۍ وه، خو اوس ۲۵۰ افغانۍ ته ښکته شوې چې ګټه نهلري.»
پر سپینبولدک ـ چمن لار د بېویزې تګراتګ بندېدو پر ضد ملتپالو ګوندونو او پرلتکوونکو یو ځل بیا پراخ لاریونونه پیل کړي دي.
پرلتکوونکي وايي، پر دغه لاره د تګ راتګ لپاره د ویزې او پاسپورت شرط، د ولسي خلکو او سوداګرو لپاره ګڼې ستونزې پیدا کړي.
د اطلاعاتو او فرهنګ وزارت مرستیال مولوي قدرتالله جمال لوګر ته د یوه سفر پرمهال له چارواکو سره د لیدنې پرمهال ویلي، د یاد ولایت لرغونې سیمې او اثارو ساتنه او بیارغونه د دوی لومړیتوب دی.
هلمند کې چارواکي وايي چې د یاد ولایت له بېلابېلو سیمو راټول شوي بېکیفیته ۳۱.۵ ټُنه وخت تېري درمل او خوراکي توکي سوځول شوي دي.
د لوګر یوشمیر اوسېدونکي شکایت کوي چې معیاري او بشپړو روغتیايي خدماتو ته لاسرسی نهلري.
د خروار ولسوالي اوسېدونکي حاجي بسمالله سلاموطندار ته وویل، دغه ولسوالي کې معیاري روغتون شتون نهلري او نشي کولای په ټاکلي وخت، خپل ناروغان د درملنې لپاره مرکز پلعلم ته ولیږدوي.
د تاجکستان پلازمېنه دوشنبه کې د افغانستان په اړه د منځنۍ اسیا هېوادونو او اروپايي ټولنې د ځانګړو استازو شپږمه غونډه شوې.
د تاجکستان د بهرنیو چارو وزارت یوه اعلامیه خپره کړې چې پکې ویل شوي، په دې غونډه کې په افغانستان کې د سیاسي، اقتصادي او امنیتي پرمختګونو په اړه بحث شوی دی.
د هلمند په سنګین ولسوالي کې د ۲۶ میلیونه افغانیو په لګښت، ۳۰ بستریز روغتون جوړ او ګټېاخیستنې ته سپارل شوی دی.
یاد روغتون د عامې روغتیا وزارت، د هلمند ولایت مقام او د عامې روغتیا ریاست په ګډو هڅو د «یواېناېچسيار» موسسې په مالي ملاتړ جوړ شوی دی.
د ننګرهار محلي مسوولان وایي چې د دې ولایت په حصارک ولسوالي کې د «وچ خوړ بند» د جوړولو چارې پیل شوې.
د ننګرهار مرستیال والي مولوي عزیزالله مصطفی وایي دا بند د (یواینډيپي) ادارې په مالي لګښت جوړېږي چې ۳۵ ميليونه افغانيو لګښت پرې راځي چې چارې به يې د يوه کال په موده کې بشپړې شي.
د اوبو ذخیره کولو لپاره د کندو اېستلو دغه پروژه د یاد ولایت د کرنې، اوبولګولو او مالدارۍ ریاست په هڅو، د خوراک او کرنې نړیوال سازمان (FAO) په مالي ملاتړ او د بشري خیریه مؤسسې (OHW) په تخنیکي همکاري بشپړه او ګټېاخیستنې ته سپارل شوې.
د افغانستان د فوټبال فدراسیون مسوولانو نن چهارشنبه، سلواغې ۱۷مه کابل کې د یوې خبري غونډې پرمهال، د افغانستان د فوټسال ملي لوبډلې د مشر روزونکي مجید مرتضايي قرارداد د ۲۰۲۵ کال ترپایه وغځاوه.
د پکتيا امنيه قومنداني مسوولان وايي چې د ډنډپټان ولسوالي حسنخېلو کلي کې لېوه د يوې کورنۍ پنځه غړي داړلي دي.
پېښه نن چهارشنبه، سلواغې ۱۷مه، سهار ۵بجې رامنځته شوې. د پکتيا امنيه قومنداني وياند منيب ځدراڼ وايي، دغه لېوه له غره څخه یوه کلي ته راښکته شوی او د درېو مېرمنو په ګډون یې، د يوې کورنۍ پنځه غړي داړلي دي.
د اطلاعاتو او فرهنګ وزارت مسوولان وايي چې د رسنیو لپاره یې د لغاتونو، اصطلاحاتو او لقبونو د معیاري کولو لپاره یوه کمېټه جوړه کړې ده.
دیاد وزارت چارواکي وايي چې دا کمېټه به په رسنیو کې کارېدونکي لغاتونو، اصطلاحاتو او لقبونو د سیمون او معیاري کولو لپاره کار کوي.
