د سرپرست حکومت مسوولانو د غور او دایکندي ترمنځ پر لویه لاره د ۱۴ کسانو وژنه وحشیانه کړنه بللې او هغه یې په کلکو ټکو غندلې.
د سرپرست حکومت مرکزي ویاند ذبېحالله م.ج.اهد نن جمعه، وږي ۲۴مه پر خپله اېکسپاڼه لیکلي چې ا.ا.ا دغه وحشیانه کړنه په کلکه غندي او ورسره د ولس د ځان او مال ساتنه خپل مکلفیت ګڼي.
افغانستان کې د ټاپي سترې پروژې چارو پیل سره هممهاله یادې پروژې هېواد کې د کاري زمینو رامنځتهکېدو ته د افغانانو هیلهمندي زیاته کړې.
دغه پروژه دوه ورځې وړاندې د افغانستان سرپرست حکومت او د ترکمنستان لوړوپوړو چارواکو له خوا په رسمي توګه پرانېستل شوه.
لغمان کې د ملګروملتونوملتونو عالي کمېشنري «یواېناېجسيار» د کډوالو او بېرته راستنېدونکوچارو ریاست چوکاټ کې د ۱۸میلیونه افغانیو په لګښت د هر اړخیزه خدمتونو د چمتوکولو ټولنیز مرکز جوړ کړی دی. هغه زیاته کړه چې یاد مرکز به د کډوالو ریاست په چوکاټ کې فعالیت کوي چې پهکې به نابینایانو ته زدهکړې ورکول کېږي.
د بلخ د کډوالو او بېرته راستنېدونکو چارو رياست مسوولان وايي، د هغو ۱۲۵ کورنيو لپاره چې په دې وروستيو کې له ايران او پاکستانه دغه ولايت ته راستنې شوې، د ۱۲۵ کورونو د جوړولو چارې پيل شوي دي.
د مسوولانو په وينا، د دغو كورونو پر جوړولو څه باندې ۴۴ ميليونه افغانۍ لګښت راځي چې «یواناچسيار» لهخوا ورکول کېږي.
د خوست محلي مسوولان وايي چې دغه ولایت کې په شاوخوا ۹۳زره امريکايي ډالرو په لګښت د يوه کانال د جوړېدو چارې پيل شوې.
د یاد ولایت د شملخرم فرعي سينديزې حوزې مسوولان وايي، دغه کانال د اسماعيلخېلو مندوزيو ولسوالي اړوند د «ارخېلو» په سيمه کې يې چارې پيل شوې.
د میدانوردګ چارواکي وایي چې د دغه ولایت مرکز میدانښار کې د «هېوادتولید، د هېواد ویاړ» په نوم د کورنیو تولیداتو درې ورځنی نندارتون جوړ کړی.
جوړي شوي نندارتون کې د چارو ادارې ریسس، د سوداګرۍ وزارت مرستیال، محلي چارواکو او سوداګرو ګډون کړی.
د لوګر د کرنې، اوبولګولو او مالدارۍ ریاست له لوري په مرکز پلعلم او برهکي برک ولسوالي کې پر شاوخوا ۸۰۰ بېوزله مېرمنو چرګې ووېشل
د لوګر د کلیوپراختیا او بیارغونې ریاست چارواکي وایي چې د ماشومانو لپاره د ملګروملتونو ملاتړې ادارې (UNICEF) له لوري د برهکي برک ولسوالي په «مومند» کلي کې د څښاک پاکو اوبو رسولو یوه شبکه جوړه او ګټېاخیستنې ته سپارل شوې.
افغانستان کې د ټاپي پروژې د لومړي فاز چارې له ترکمنستان څخه تر هرات ولایت پورې نن چهارشنبه، وږي ۲۱مه د سرپرست حکومت او ترکمنستان لوړوپوړو چارواکو له لوري په رسمي توګه پرانېستل شوې.
د سرپرست حکومت او ترکمنستان لوړپوړو چارواکو د افغانستان خاوره کې د ټاپي پروژې د پرانیستو مراسمو کې د دغه ډول سترو پروژو د پليکولو پر اهمیت ټینګار وکړ.
د عامې روغتيا وزارت مسولان وايي، افغانستان کې د تېرو ۴۵ کلونو د جګړو له امله روغتيايي خدمتونه غيرمعياري او کمزوري دي، خو په وينا يې، د معياريکېدو لپاره يې هڅې پيل کړي. د عامې روغتيا وزارت سرپرست همداشان وويل، د پکتيا له حوزوي روغتون یې هم ليدنه کړې چې خدامات يې معياري او بشپړ نهدي.
د پکتیا په مرکز او یوشمېر ولسوالیو کې د ۳۲ میلیونه افغانیو په لګښت د څښاک پاکو اوبو لس شبکې جوړې او ګټېاخیستنې ته وسپارل شوې.
د هلمند مرکز لښکرګاه ښار اړوند ناحیو کې په ۳۹ میلیونه افغانۍ د سړک جوړونې درې پروژې بشپړې او ګټېاخیستنې ته سپارل شوې دي. د
د پوهنې وزارت مسوولان وايي چې افغانستان کې له شپږم ټولګي پورته د نجونو زدهکوونکو ښوونځي تر امرثاني تړل شوې دي.
دغه څرګندونې د یاد وزارت مسوولانو نن چهارشنبه، وږي ۲۱مه کابل کې د خپلو یوکلنو لاستهراوړنو د تشرېح پروګرام کې وکړې. دا مهال د هېواد په خصوصي او دولتي ښوونځیو کې څه باندې لس میلیونه زدهکوونکي پر زدهکړو بوخت دي.
د کابل-غزني دویم لین سړک د جوړېدو چارې د سرپرست حکومت د یوشمېر لوړو پوړو چارواکو لهخوا پرانېستل شوې.
د یاد سړک د جوړېدو چارې سهشنبه، وږي ۲۰مه پیل شوې چې له کابله د میدانوردګ سیداباد ولسوالي دښتېټوپ سیمې پورې په پاخه او اساسي ډول ورغول شي.
د ارشاد، حج او اوقافو وزارت مسوولان وايي چې د تېر یوه کال پرمهال دغه وزارت د بېلابېلو مسایلو اړوند څه باندې ۳۰۰ فتواوې صادر کړې دي.
دغه څرګندونې د یاد وزارت مسوولانو نن سهشنبه، وږي ۲۰مه کابل د دې وزارت د تېر یوه کال د لاستهراوړنو تشرېح پروګرام کې کړې دي.
د هلمند د ټرانسپورټ ریاست مسوولان وايي، دغه ولایت کې تر ۹۰سلنه موټر د افغانستان د ټرافیکي او ټرانسپورټي قوانینو خلاف چلول کېږي.
دوی دغه ولایت کې موټرچلونکو ته سپارښتنه کړې چې د یوې نیمې میاشتې په اوږدو کې خپل موټر د افغانستان چپ لاسته واړوي.
