د کندهار امنیه قومنداني د تروریزم ضد مدیریت چارواکي وایي چې د تېرې میاشتې په اوږدو کې یې د هدفمند امنیتي عملیاتو پرمهال یې، یوشمېر وسلې او پوځي مهمات نیولي دي.
د دوی په وینا، له وسلو سره یوځای یې، شمېر کسان هم نیولي دي.
د زابل اړوند د سیورې او شینکۍ ولسوالیو د لویې لارې د ترمیم او محافظتي چارو د یو لړ رسمي مراسمو په ترڅ کې پیل شوې.
په دې اړه جوړو شویو مراسمو کې د ولایت مقام د دفتر رییس مولوي قدرتالله بدري، د ټولکټو چارو رییس مولوي رحمتالله حسن، د عامې روغتیا رییس ډاکتر میرویس افغان او یوشمېر نورو مسوولانو ګډون کړی وو.
د ملګروملتونو پراختیايي پروګرام وایي چې د افغانستان په ځینو ولسوالیو کې د ښځینه سرپرستو کورنیو شمېر تر پام وړ زیات شوی او اوس تر ۲۶سلنې کورنیو، ښځې مشري کوي.
د لوګر د څرخ ولسوالي په ابجوش کلي کې د اوبورسولو یوه پروژه د نږدې اووه میلیونه افغانیو په لګښت چې په ۲۴ میاشتو کې بشپړه شوې، ګټېاخیستنې ته وسپارل شوه.
د لوګر د والي ویاند صدیق احمدصدیقي سلاموطندار ته وویل چې یاده پروژه د یونېسف په مالي ملاتړ، د کلیو بیارغونې او پراختیا ریاست په همغږۍ او د خلکو په ګډ مشارکت جوړې شوې ده.
د نورستان د کانونو او پټرولیم ریاست مسوولان وايي چې د دغه ولایت دواب ولسوالي کې د ازادې بولۍ له لارې ۸۷۸۵ کیلوګرامه قیمتي او نیمه قیمتي ډبرې د ۱۱۱ میلیونه ۵۵۷زره افغانیو په ارزښت وپلورل شوې.
سمنګان کې له ویجاړونکې وروستۍ زلزلې نږدې یوه میاشت تیریږي او د هوا په سړېدو سره خیمو کې د زلزلهځپلو لپاره ژوند کول هم سخت شوي دي.
د دغه ولایت د فیروزنخچیر ولسوالي هغه کورنۍ چې په کلونو خوارۍ او غریبۍ یې کورونه اباد کړي وو، زلزلې په یوه شپه ونړول.
د میدان وردګ ولایت د بدني روزنې او ورزش امریت مسوول ذبیحالله وهاج سلاموطندار ته وویل چې د بهسودو ولسوالي د ورزشي کمېټې په همکارۍ د فوټبال لس غوره لوبډلو ترمنځ پیل شوې سیالي چې دوه اوونۍ وړاندې یې پيل شوی وې، نن د نسل ظهور لوبډلې په اتلولۍ پای ته ورسېدې.
د هرات محلي چارواکي وايي چې د حکومت د مشرتابه لهخوا د پاکستاني درملو د وارداتو د بندیز له فرمان وروسته، د هرات د درملو جوړړولو کارخونو د بازار اړتیاوو د پوره کولو مهم رول پر غاړه اخیستی دی.
د دغو ځوانانو له ډلې ۱۳ یې رسمي خبریالان، دوه یې یوټیوبران، درې یې ازاد شغل لري او څلور نور زدهکړیالان دي.
د دغه راپور موندنې ښيي چې د ۲۲ځوانانو له ډلې، ۱۳یې، په موبایل ویډیو اخلي او نهه نور عکاسي کوي. د پروان اوسېدونکی ۲۸کلن ضیاالدین ضیا چې خبریال دی، وايي، اووه کاله کېږي چې په موبایل خبري عکسونه اخلي.
د بهرنيو چارو وزير اميرخان متقي د ترکيې له سفير جنک اونال سره د هغه د ماموريت د پای رسېدو په مناسبت لېدنه کړې ده. په دې لېدنه کې دواړو لورو د سياسي او اقتصادي اړيکو د پراختيا، دوه اړخيزو موضوعاتو او سيمهييزو بدلونونو په اړه خبرې کړې دي.
د میدانوردګ او لوګر ولایتونو په بېلابېلو سیمو کې د ټرافیکي پېښو له کبله څلور کسانو خپل ژوند له لاسه ورکړی او درې نور ټپیان دي.
لومړۍ پېښه چې لوګر کې رامنځته شوې، د یاد ولایت امنيه قومنداني چارواکي وايي چې په دې ټرافیکي پېښه کې درې کسانو خپل ژوند له لاسه ورکړی او یو بل ټپي دی.
د اطلاعاتو او فرهنګ وزير شېراحمد حقاني پکتيا کې د نښتر په نوم د يو ادبي بهير له لوري د «ازادۍ اتلان» په نوم د ليکل شوي کتاب د مخکتنې په غونډې کې خبرې کولې وويل چې ځوانان او په ټوله کې افغانان بايد د هېچا تر منفي تبليغاتو لاندې رانشي او يوازې اسلامي فکر او احکام ومني.
د هېواد په شمال کې وروستۍ زلزلې تر ډېره هغو کورنیو او سیمو ته مالي زیانونه اړولي چې له وړاندې فقر، وزګارتیا او اقتصادي ستونزو سره مخ وې.
یوه له دغو سیمو د بلخ د شولګرې ولسوالي د «جلوزو» کلی دی.
د دغې سیمې یوشمېر زلزله ځپلو سلاموطندار سره خبرو کې وویل، د شاوخوا درې اوونۍ وړاندې زلزلې یې داسې حال کې سرپناوې نړولې چې له مخکې یې د ورځني ژوند د اړتیاوو پوره کولو وس نهدرلود.
د لوګر افغانۍ سرې میاشتنې ټولنۍ ریاست مسوولان وایي چې د دغه ولایت په مرکز پلعلم او محمداغې ولسوالي کې د افغاني سرې میاشتې ټولنې له لوري د ترکیې په مالي ملاتړ له ۳۰۰ اړمنو کورنیو سره نغدې او غیرنغدې مرستې وشوې.
د اسلامي امارت د کډوالو او راستنېدونکو چارو وزارت اعلان کړی چې ۴۰۳ افغانان د عراق او پاکستان زندانونو څخه خوشې شوي دي.
دغه وزارت نن (پنجشنبه، لیندۍ شپږمه/۲۷ نومبر) په خپره شوې خبرپاڼه کې ویلي چې دغه کسان د روانې اوونۍ په ترڅ کې له یادو دواړو هېوادونو زندانونو څخه خوشې شوي او افغانستان ته ستانه شوي دي.
د لوګر محلي مسوولان وایي چې د اسلامي امارت مشرتابه تازه حکم له مخې، به د خوښۍ ولسوالي د وروستیو سېلابونو له امله په زیانمنو شویو کورنیو د هستوګنې نمرې ووېشل شي.
