د اطلاعاتو او فرهنګ وزارت مرستیال مولوي قدرتالله جمال لوګر ته د یوه سفر پرمهال له چارواکو سره د لیدنې پرمهال ویلي، د یاد ولایت لرغونې سیمې او اثارو ساتنه او بیارغونه د دوی لومړیتوب دی.
د اطلاعاتو او فرهنګ وزارت مسوولان وايي چې د رسنیو لپاره یې د لغاتونو، اصطلاحاتو او لقبونو د معیاري کولو لپاره یوه کمېټه جوړه کړې ده.
دیاد وزارت چارواکي وايي چې دا کمېټه به په رسنیو کې کارېدونکي لغاتونو، اصطلاحاتو او لقبونو د سیمون او معیاري کولو لپاره کار کوي.
هرات کې د افغانستان زعفرانو نړیوال مرکز کې د کتابونو مطالعې او دود لپاره درې ورځنی نندارتون پرانېستل شوی دی.
یاد نندارتون نن سهشنبه، سلواغې ۱۶مه پیل شوی او درې ورځې به دوام وکړي.
سلاموطندار د هنر برخه کې له ۲۳ ځوانانو سره مرکې کړي چې د مرکو پرمهال موندل شوې، دغه ځوانان له بېلابېلو ستونزو سره لاس او ګرېوان دي.
د مرکو پرمهال ځوانانو ویلي چې مالي ملاتړ نهلري، ټولنه کې ورته پام نهکېږي او د کار وسایلو ته د نهلاسرسي ترڅنګ، د خپلو اثارو پلور ته بازار هم نهلري.
هندي رسنۍ وايي چې د یاد هېواد د بالوود سینما ستوری سیفعلي خان په خپل کور کې شپږ ځایه په چاقو وهل شوی او دا مهال روغتون کې بستر دی.
د هند ANI رسنۍ راپور ورکړی چې نوموړی بېګاه ناوخته په خپل کې د یوه کس له لوري په چاقو وهل شوی. په راپور کې ویل شوي چې د نوموړي دوه ټپونه ژور دي.
کابل کې د «ستارههای متحد» په نوم د هنري اثارو جوړ شوی څلورورځی نندارتون نن دوشنبه، جدي لسمه پای ته ورسېد.
دغه نندارتون کې ۴۰۰ بېلابېل ډوله هنري اثار نندارې ته کېښودل شوي وو چې تنظیموونکي یې، وايي، دې نندارتون کې ګڼشمېر ښځو او نجونو ګډون کړی.
د بدخشان د اطلاعاتو او فرهنګ ریاست مسوولان وايي چې دغه ولایت کې د «حکیم ناصر خسرو» مقبرې د بیارغونې چارې بشپړې شوې دي.
دغه مقبره د بدخشان یمګان ولسوالي کې ده چې د لومړي ځل لپاره په معیاري توګه بیارغول شوې.
په دې نظرپوښتنه کې ۶۴۷ ځوانانو ګډون کړی چې ۳۷۰ یې، هلکان او ۲۷۷ یې، نجونې دي. ۸۴.۷ سلنه ګډونوالو ویلي چې ژوند کې یې، د ځان لپاره الګو ټاکلي دي. د دې سروې پایلې ښيي چې د ۷۷.۹سلنه ځوانانو الګو د دوی له لوري او۵۴.۹سلنه بیا مشهورې او پېژندل شوې څېرې د ځان لپاره د الګو په توګه ټاکلي دي.
سره له دې چې هېوواد کې مېرمنې له بېلابېلو ستونزو سره مخ دي، له کوره د وتلو پرمهال مېرمنو سره د نارینه محرم شتون لازميکېدل، هغه مېرمنې چې خاوندان یې، مسافر دي، له ستونزو سره مخ کړي. ویل کېږي هېواد کې د امربالمعروف او نهې عمنالمنکر قانون له توشېح وروسته ځینو ولایتونو کې د ښځو پر تګراتګ محدودیتونه زیات شوي دي.
یوشمېر ښځینه وايي، په بېلابېلو لاروچارو د زېږون ترمنځ واټن کولای شي چې مېرمنو ته ګڼې روغتیايي ستونزې رامنځته کړي. د دوی په وینا، له اومېندوارۍ د مخنیوي لپاره له ګولیو، پیچکاري اوIUD کپسول او لوپ څخه استفاده د دې لامل کېږي چې مېرمنو ته د سر درد، کمحوصلګي، خپګان او اضافه وزن راپیدا کړي.
لغمان کې د اطلاعاتو او فرهنګ ریاست مسوولان وايي چې دغه ولایت کې ۳۰۰ کلن، ۱۳ قلمه تاریخي اثار ترلاسه شوي دي.
د لغمان د اطلاعاتو او فرهنګ رییس مولوي عبدالنور رسولي وایي چې د دې ولایت په علیشنګ ولسوالي میا احب دېرې زیارت کې ۱۳ قلمه تاریخي اثار ترلاسه او د دې ولایت موزیم ته لېږدول شوي دي.
د ژوند ناخوالې شېبې د شعر په ویلو خوږې کوي. د ژوند هره شېبه یې، شعر پورې تړلې او له شعر پرته ژوندکول ورته له تصور لرې دی. «ژوند له شعر پرته امکان نهلري. کله چې یو څوک خوړو سره مینه لري، یا د خوښې رنګ چې تل یې، غواړي، وېکاروي، شعر هم همداسې دی؛ له شعر پرته د ژوند تصویر نهکېږي او ژوند نهشي کولای.»
د پکتيا احمدابا ولسوالي د خواجه علي صاحب زيارت ته څېرمه «يکشنبه، تلې ۲۹مه» د غونځي ګل په نوم مشاعره جوړه شوه چې ګڼشمېر شاعرانو او فرهنګپالو پهکې ګډون کړی وو.
د مسولانو په وينا په ياده مشاعره کې د پکتيا بيلابيلو سيمو څخه شاعرانو، ليکوالانو او عامو خلکو ګډون کړی و.
د کابل د عامه کتابتون مسوولان وايي چې د تېرو درېوو کلونو پرمهال دغه کتابتون ته د ورتلونکو کسانو شمېر کې د پام وړ زیاتوالی راغلی او شمېر یې، له ۸۰۰ څخه ۱۵۰۰ کسانو ته لوړ شوی دی.
د کابل د عامه کتابتون د عامه اړیکو عمومي مدير خالد اوریا سلاموطندار ته وايي، هڅه کوي چې د بېلابېلو پروگرامونو له لارې په ټولنه کې د کتاب لوستنې فرهنګ دود کړي.
د لوګر یوشمېر فرهنګپال سلاموطندار ته وايي چې د پخوا په پرتله دغه ولایت کې د انځورګرۍ او خطاطي هنر کمرنګه شوی دی.
د دوی په وینا، د خطاطي او انځورګرۍ هنر ته د ځوانانو او فرهنګپالو نه پاملرنه، د باتجربه او مسلکي ښوونکو نشتون او د چاپي خدمتونو د مرکزونو زیاتوالی، د دغه هنر د پیکهکېدو مهم لاملونه بولي. د اطلاعاتو او فرهنګ ریاست هرکال د خطاطۍ او انځورګرۍ نندارتونونه او ورکشاپونه جوړوي.
د سېلاب خیریه بنسټ نن (د تلې درېیمه، سهشنبه) په کابل ښار کې د ۳۰ جوړو د ډلهييز واده پروګرام جوړ کړ. د دغه بنسټ مسوول سیداحمد سېلاب وايي، د دغه واده مراسم یې په ټولنه کې د ناوړه دودونو د ورکولو او د ډلهييزو ودونو دودولو په موخه جوړ کړي دي. هغه زیاتوي: «د سېلاب خیریه بنسټ چې له ډېر ولور او بېځایه دودونو سره د مبارزې لپاره ځوانانو ته ډلهييز ودونه جوړوي، نن یې د ۶۰ ځوانانو لپاره چې د بېلابېلو قومونو اړوند دي، د ډلهييز واده پروګرام جوړ کړی دی.»
