پاکستان کې د وسلهوالو بریدونو پر دوام، په تازه نښتو او بریدونو کې څلور سرتېري وژل شوي او یوشمېر نور ټپیان دي.
په لومړۍ پېښه کې چې د پاکستان د بلوچستان ایالت په قلعه عبدالله کې شوې، وسلهوالو د اېفسي ځواک پر یوه مرکز ډلهییز برید کړی او دوه سرتېري یې، وژلي دي.
د روسیې ملاتړی او د بېلاروس مشر الکساندر لوکاشینکو د یاد هېواد په ولسمشریزو ټاکنو کې بریالی اعلان شوی دی.
دغه ټاکنې چې د لوېدیځو هېوادونو له لوري له شرمه ډکې بلل شوي، لوکاشینکو پهکې په غوڅ اکثریت له نورو څلورو نوماندانو مخکې دی.
د ترکیې چارواکي وايي چې د دغه هېواد په شماللوېدیځ، په یوه هوټل کې د لګېدلي اور له امله د مړو شویو کسانو شمېر ۷۶ ته لوړ شوی دی.
اور له لرګیو جوړ هغه هوټل کې لګېدلی دی چې سلګونه مېلمانه د چکر لپاره دې سیمې ته ورغلي او یاد هوټل کې اوسېدل.
د روسیې ولسمشر ولادیمیر پوتین د امریکا نوي ولسمشر ډونالډ ټرمپ ته د لوړې مراسمو مبارکې ورکړې او هیله یې، ښودلې چې نوموړی به پر خپلو ژمنو عمل وکړي.
غزه کې د اوربند ټينګښت سره هممهاله روغتیايي چارواکي وايي چې تر خارو-ډبرو او ویجاړیو لاندې د ایسار پاتیو جسدونو د راوېستلو هڅې روانې دي.
د دوی په وینا، تر دې مهاله ۹۷ جسدونه له خاورو او ډبرو رااېستل شوي او وېره ده چې لاهم ګڼشمېر جسدونه تر خاورو لاندې دي.
د بهرنیوچارو وزارت وايي چې امریکا کې افغان بندي، خان محمد د یاد هېواد له لوري خوشې او نن سهشنبه، سلواغې دویمه هېواد ته راستون شوی دی.
د یاد وزارت ویاند ضااحمد تکل پر خپله اېکسپاڼه په یوې خبره کړې خبرپاڼه کې ویلي چې یاد افغان د امریکايي بندیانو په بدل کې خوشې شوی دی.
غزه کې د اوربند د اعلان پر لومړۍ ورځ له بشري مرستو بار ۶۳۰ لارو اجازه وموندله چې د غزې بېلابېلو سیمو ته مرستې ولېږدوي.
یادې لارې تر ډېره د غزې هغو سیمو ته لېږدول شوي چې د تېرو څو میاشتو راهیسې د اسراییلو تر کلابندۍ لاندې وې او سخته جګړه پهکې روانه وه.
د حماس او اسراییلو ترمنځ د شوي اوربند له مخې، بېګاه ځايي وخت ۱:۰۰ بجه د درېوو اسراییلي مېرمنو بدل کې ۹۰ فلسطینیان خوشې شول.
دغه ۹۰ فلسطینیان چې ډېری یې، مېرمنې وې، د سره صلیب موترو کې بېګاه ناوخته د لوېدیځې تړانګې رامالله ښار کې خپلو کورنیو سره یوځای شوې. په خوشې شویو فلسطینیانو کې ۶۹ مېرمنې او ۲۱ تنګي ځوانان دي.
د کلمبیا چارواکي وايي چې د یاد هېواد په شمال کې د یاغي ازاد ملي پوځ او یوې بلې ډلې ترمنځ د سولې خبرو له ناکامېدو وروسته د نښتو پرمهال ۸۰ کسان وژل شوي دي.
یادې ډلې په شمالختیځ «کاټاټمبو ایالت» کې پر خپلې یوې سیالې ډلې برید کړی چې له امله دې سیمه کې د تېرو درېوو ورځو راهیسې ۸۰ کسانو خپل ژوند له لاسه ورکړی دی.
نایجیریا کې چارواکي وايي چې د تېلو ټانکر چاودنې له امله د وژل شویو کسانو شمېر ۸۶ ته لوړ شوی دی.
د روانې اوونۍ د شنبې پر ورځ د نایجیریا په دیکو ایالت کې د پټرولو یو ټانکر چپه شو او خلکو ترې تېل وړل چې پرمهال یې، چاودنه رامنځته شوې.
د پاکستان پخوانی لومړی وزیر عمرانخان او د هغې مېرمن بشرا په ۱۴ او ۷ کلونو بند محکوم شوي دي.
خان همداراز یو میلیون پاکستانۍ کلدارۍ «۳۵۰۰ ډالره» او بشرا بيبي بیا ۵۰۰۰۰۰ کلدارې جریمه شوي.
سرچینې واي چې ټاکل شوې راتلونکې یکشنبه ټېکټاک ټولنیزه رسنۍ په امریکا کې خپل فعالیت وځنډوي.
د چین ټېکټاک دا مهال په امریکا کې شاوخوا ۱۷۰ میلیونه کارونکي لري.
د حماس او اسراییلو ترمنځ د اوربند هوکړې وروسته، ایران وايي چې دغه اوربند د فلسطین مقاومت لپاره «ستره بریا» ده.
د ایران سپاه پاسداران په یوې خبرپاڼه کې ویلي چې د فلسطین لپاره دا یوه ستره بریا ده او د اسراییلو له لوري د اوربند هوکړې د احتمالي سرغړونې په تړاو یې، خبرداری هم ورکړی دی.
د اوکراین پوځ وايي چې روسیې د دغه هېواد لوېدیځې سیمې پر کروز او بالېسټیک توغندیو وېشتلي دي.
پوځ زیاتوي چې پر دې سیمو روسي ځواکونو ۴۳ بالېسټیک او کرویز توغندي او ۷۴ ډرون بریدونه کړي دي. روسیې کې چارواکو منلې چې یاد بریدونه د اوکراین د تېرې ورځې د بریدونو په غبرګون کې شوي دي.
هندي رسنۍ وايي چې د یاد هېواد د بالوود سینما ستوری سیفعلي خان په خپل کور کې شپږ ځایه په چاقو وهل شوی او دا مهال روغتون کې بستر دی.
د هند ANI رسنۍ راپور ورکړی چې نوموړی بېګاه ناوخته په خپل کې د یوه کس له لوري په چاقو وهل شوی. په راپور کې ویل شوي چې د نوموړي دوه ټپونه ژور دي.
که څه هم غزه کې د اوربند ټينګښت لپاره منځګړو د حماس او اسراییلو ترمنځ هوکړې ته د رسېدو خبره کوي، خو له بېګاه راهیسې د اسراییلو بریدونو له امله ۴۴ کسانو خپل ژوند له لاسه ورکړی دی.
بېګاه شپه ناوخته منځګړو اعلان وکړ چې اسراییل او حماس غزه کې د اوربند پر ټينګښت هوکړه کړې. له دې اعلان وروسته غزه کې ګڼشمېر کسان لارو او کوڅو ته راووتل او د اوربند نمانځنه یې وکړه.
