د شماليکوریا مشر کېم جونګ اون خپل سیال د روسیې ولسمشر ولادېمیر پوتین ته د نوي عیسوي کال پیغام کې هغه ته د بریالیتوب هیله څرګنده کړې.
د شمالي کوریا دولتي خبري اژانس « KCNA» خبر ورکړی چې کېم جونګ اون په یوه لیک کې خپل «نږدې ملګري» ولادیمیر پوتین، د روسیې خلکو او پوځ ته د نوي کال مبارکي ورکړې.
ټاکل شوې چې د سوریې بهرنیو چارو وزیر اسدحسن الشېباني په خپل لومړي بهرني سفر سعودي عربستان ته سفر وکړي.
نوموړي ته د سعودي بهرنیوچارو وزیر شهزاده فیصل بنفرهان بن عبدالله بلنه ورکړې. الشېباني همداراز لیکلي چې سعودي عربستان سره په هره برخه کې ښې ستراتیژیکې اړیکې غواړي.
د سوېليکوریا چارواکي وايي چې د یاد هېواد د مووان ښار په هوايي ډګر کې یوې مسافروړونکي الوتکې اوراخیستی چې پرمهال یې، ۱۲۰ کسان وژل شوي دي.
پېښه ځای وخت ۹:۰۳ بجې هغه مهال رامنځته شوې چې یاده الوتکه د ځغاستې له لیکې ووته او اور یې، واخیست.
د اسراییلو دفاع وزارت مسوولان وايي چې غزه کې د روانې جګړې له پیل تر دې مهاله لږترلږه ۱۳۵۰۰ اسراییلي سرتیري ټپیان شوي دي.
د دفاع وزارت د بیارغونې ادارې د معلوماتو له مخې، د یاد شمېر سرتېرو او افسرانو له ډلې، ۱۵۰۰ یې، دوه ځلې په جګړه کې ټپیان شوي دي. د یادو ټپیانو له ډلې یې، ۸۷ سرتېري په سر ټپیان شوي چې لس یې ویلچر کې دي.
چین کې د موټر جوړولو «ټسلا» شرکت مسوولان وايي چې په خپلکاره توګه د موټرو تګ یا « Actually Smart Summon» سېسټم یې وړاندې کړی دی.
دغه ځیرک سېسټم د ټسلا اړوند موټرو کې لګول شوی او موټر ته اجازه ورکوي چې د موټرچلوونکي په اشاره تر یوه ځای تګراتګ وکړي.
د پاکستان د کورنیو چارو وزارت مسوولان وايي چې د روان کال د لسو میاشتو پرمهال دغه هېواد کې د بریدونو له امله ۵۷۳ پاکستاني سرتېري وژل شوي دي.
د یاد وزارت د مسوولانو په وینا، د یادې مودې پرمهال ۱۵۶۶ بریدونه شوي چې د ۵۷۳ سرتېرو په ګډون پهکې ۹۲۴ کسان وژل شوي او ۲۱۲۱ ټپیان دي.
د روسیې د ارتباطاتو د څار ادارې «رسکومنډازور» مسوولان وايي چې یادې ادارې روسیه کې د پیام رسولو «وایبر» اپ پر کارونې بندیز لګولی دی.
د یادې ادارې مسوولانو په وینا، دغه پرېکړه یې، د ترهګرۍ ، افراطپالنې او نشهيي توکو پېر او پلور مخنیوي اړوند قوانینو څخه د سرغړونې په غبرګون کې کړې.
غزه کې د اسراییلي ځواکونو د بریدونو پرمهال لږ تر لږه ۶۶ کسانو خپل ژوند له لاسه ورکړی او ۵۰ نور ټپیان دي.
رویټرز خبري اژانس د غزې د روغتیایي مسوولانو له قوله راپور ورکړی چې ۳۳ کسان د بېځایه شویو فلسطینیانو په النصیرات پنډغالي کې د اسراییلو یوه هوایي برید کې خپل ژوند له لاسه ورکړی دی.
ټاکل شوې د ملګروملتونو امنیت شورا نن شپه «پنجشنبه، لیندۍ ۲۲مه» د افغانستان وضعیت ارزونې په موخه غونډه جوړه کړي.
افغانستان کې د ملګروملتونو د سیاسي استازولۍ یا یوناما له لوري د وړاندې شویو معلوماتو له مخې، د دغه بنسټ مشره روزا اوتنبایووا به یادې غونډې ته د افغانستان وضعیت په اړه معالومات ورکړي.
د بېلاروس ولسمشر الېکساندر لوکاشېنکو اعلان کړی چې ټاکل شوې راتلونکی کال د روسیې ولسمشر دغه هېواد ته د اورشنېک توغندي ورکړي.
نوموړي زیاته کړې چې ده له پوتین د یادو توغندیو د ورکړې غوښتنه کړې او په وینا یې، دغه ګام یې، له پولنډ او لېتوانیا سره د احتمالي ترینګلتیا لپاره اخیستی دی.
امریکايی شتمن اېلن ماسک د تاریخ لومړی کس شو چې شتمني یې، ۴۴۰ میلیونه ډالرو ته ورسېده.
ډېلې مېل ورځپاڼې د بلومبورک له قوله راپور ورکړی چې د نوموړي شتمني د مایکروسافټ شرکت له بنسټاېښودونکي بېل ګېټس او امازون بنسټګر جېف بېزوس څخه خورا زیاته شوې.
د امریکا موټرجوړولو «ټسلا» شرکت وايي، د روان کال ډسمبر میاشتې د لومړۍ اوونۍ پرمهال یې، چین کې ۲۱۹۰۰ برښنايي موټر پلورلې دي.
چین کې د یاد شرکت څانګې ویلي، دغه پلور د روان ۲۰۲۴کال د څلور ربعو په پرتله تر ټولو لوړ پلور دی. چین کې د ټسلا «Model Y» تر ټولو ښه او په لوړه کچه پلور لري چې تېرکال یې، ۵۵۶۰۰۰ موټر پلور شوي.
د اسراییلو لومړی وزیر بنیامین نتنیاهو سهشنبه، دسمبر لسمه د فساد اړوند محکمې ته حاضر شو او وویل چې د خپلو سختو امنیتي تګلارو له امله تر څار لاندې دی.
د امریکا پوځ وايي چې په عدن خلیج کې د حوثیانو له لوري د دوی پر بېړیو د شویو بریدونو مخه یې نیولې.
د امریکا مرکزي قومنداني «سنتېکام» چې منځنی ختیځ کې د امریکا پوځي فعالیتونه څاري، ویلي، دوو کښتیو له یمن توغول شوي توغندي او بېپېلوټه الوتکې په نښه کړي دي.
د اسراییلو پوځ وايي چې د تېرو ۴۸ ساعتونو پرمهال یې، سوریه کې ۴۸۰ بریدونه کړي دي.
دغه بریدونه د سوریې ځواکونو اړوند د وسلو تولید مرکزونو، د هوايي دفاعي سېسټم او جنګي بېړیو لهمنځه وړو لپاره شوې دي.
د اوکراین په ژاپورېژیا ښار کې د روسیې د توغندیز برید له امله د وژل شویو کسانو شمېر شپږ ته لوړ شوی او ۲۲ نور ټپیان دي.
د ژاپورېژیا والي اېوان فیدوروف پر خپل ټېلېګرام ویلي چې برید کې ۲۲ کسان ټپیان دي او په وینا یې، سیمې ته د بېړنیو مرستو ډلې لېږل شوي دي.
