سعودي عربستان د اسراییلو د لومړي وزیر هغه څرګندونې په کلکه رد کړي چې ویلي یې و، فلسطین دې په سعودي عربستان کې جوړ شي.
د اسراییلو لومړي وزیر بنیامین نتنیاهو له ۱۴کانال رسنۍ سره مرکه ویلي چې سعودي عربستان ډېره شاړه ځمکه لري او هلته دې د هېواد په توګه فلسطین جوړ کړي.
د اسراییلو لومړی وزیر بنیامین نتنیاهو وايي چې سعودي عربستان پراخه تشه ځمکه لري او کولای شي، یو فلسطین هېواد پهکې جوړ کړي.
نتنیاهو له ۱۴کانال رسنۍ سره په مرکه کې ویلي: « سعودیان کولای شي چې سعودي عربستان کې یو فلسطینی هېواد رامنځته کړي، دوی شاړه ځمکه ډېره لري.»
د پاکستان په کوربهتوب د یاد هېواد، سوېليافریقا او نیوزیلنډ کرېکټ ملي لوبډلو ترمنځ د درې اړخیزې یو ورځنیوسیالیو لوبلړۍ، لومړي سیالي نن پاکستان او نیوزیلنډ ترمنځ ترسره کېږي.
ټاکل شوې چې یاده لوبه نن ماسپښین ۱:۳۰ بجې د پاکستان په لاهور ښار کې پیل شي.
د اوکراین ولسمشر ولودیمیر زېلېنسکي وايي چې د شماليکوریا سرتيري په کرسک کې بېرته د جګړې لومړۍ کرښې ته ورګرځېدلي دي.
له دې وړاندې داسې راپورونه خپاره شوي و چې روسیې د شماليکوریا سرتېري له دې سیمه دوی ته د درنو تلفاتو ته د اوښتو له امله اېستلي دي.
د پاکستان د پنجاب ایالتي حکومت په دغه ایالت کې پر «کاغذپرانۍ» یا پتنګ الوزولو باندې بندیز لګولی دی.
د پنجاب اسمبلۍ تېره میاشت په رسمي ډول «پنجاب کې د کاغذپرانۍ الوزولو منع قانون» په نوم قانون تصویب کړ چې پر بنسټ یې، د کاغذپران الوزونکو، تولیدونکو، لېږدونکو او پلورونکو لپاره د بند موده او درنې جریمې پهکې ټاکل شوې دي.
مالیزیا د امریکا ولسمشر ډونالډ ټرمپ هغو څرګندونو ته غبرګون ښودلی چې غواړي فلسطینیان بیامېشت کړي او پر غزې ولکه ترلاسه کړي.
د مالیزیا د بهرنیو چارو وزارت «پنجشنبه، فبرورۍ شپږمه» په یوې خبرپاڼه کې ویلي چې د فلسطینیانو د جبري بېځایه کېدل، قومي تصفیه، له نړیوالو قوانینو او د ملګروملتونو د ګڼو پرېکړهلیکونو سرغړونه ده.
د ایران ولسمشر مسعود پژشکیان د اوپیک غړو هېوادونو څخه غوښتنه کړې چې د تېلو تولیدونکو هېوادونو باندې د امریکا د احتمالي بندیزونو پر وړاندې ودرېږي.
په بنګلهدېش کې زرګونه اعتراض کوونکو د یاد هېواد مخکینۍ لومړۍ وزیرې شیخ حسینې کور ته اور اچولی او ویجاړ کړی دی.
اعتراضکوونکو وروسته له هغې د مخکینۍ لومړۍ وزیرې کور ته اور واچوه چې نوموړې پر ټولنیزو رسنیو یوې ویډیو کې له خپلو پلویانو غوښتنه وکړه چې د لنډمهالي حکومت پر وړاندې ودرېږي.
سعودي عربستان د غزې په اړه د ډونالډ ټرمپ وروستیو څرګندونو ته په غبرګون کې وايي چې د فلسطین هېواد له جوړېدو پرته به هېڅکله اسراییلو اړیکه ټينګه نهکړي.
پر اوکراین د روسي ځواکونو د بریدونو له امله د یوه تنګي ځوان په ګډون پنځه کسان وژل شوي او ۵۵ نور ټپیان دي.
دغه کسان د اوکراین په بېلابېلو سیمو کې ټپیان او وژل شوي دي.
د پاکستان خېبرپښتونخوا ایالت اړوند سوېليوزیرستان کې پر امنيتي پوستې د وسلهوالو برید له امله څلور سرتېري وژل شوي او اووه نور تپیان دي.
پېښه بېګاه شپه ۱۱ بجې، د سوېليوزیرستان د شکتوی تحصیل په شرکۍ سیمه کې رامنځته شوې. ټپیان روغتون ته د درملنې لپاره لېږدول شوي دي.
د روسیې پلازمېنې مسکو کې د یوې چاودنې له امله اوکراینی بېلتون غوښتونکی لوړپوړی پوځي قومندان ارمن سرکیسیان وژل شوی او څلور نور کسان ټپیان دي.
پېښه دوشنبه، فبرورۍ درېیمه د مسکو شمال لوېدیځ «الپهپاروسا» سیمه کې کرملین ته په ۱۲ کیلومټرۍ کې شوې.
د سرپرست حکومت ویاند ذبېحالله مجاهد وايي چې ا.ا اجازه نهورکوي چې یو ځل بیا امریکا د بګرام اډه ونیسي.
نوموړي دغه څرګندونې دوشنبه، سلواغې ۱۵مه پر اېکسسپېس کړي او زیاته کړې یې ده چې هېڅ داسې هوکړه نشته چې پر بنسټ دې بګرام اډه امریکا یا چین ته ورکړل شي.
پاکستان کې د روان کال د تېرې جنورۍ میاشتې پرمهال د وسلهوالو بریدونو او نښتو له امله د یاد هېواد ۵۲ امنیتي سرتېري وژل شوي دي.
په پاکستان کې د پیکس «انسټيټيوټ اف کنفلکټ اېنډ سيکيورټي سټډيز» په نوم څېړنیز بنسټ له لوري په خپور شوي راپور کې ویل شوي چې د امنیت ضد ډېری پېښې د یاد هېواد په خېبرپښتونخوا کې شوي دي.
د امریکا ولسمشر ډونالډ ټرمپ د کاناډا او مکسیکو ترڅنګ دغه هېواد ته د چین پر واردېدونکو سوداګریزو توکو نوې ګمرکي تعرفې لګولي دي.
ټرمپ شنبه، فبرورۍ لومړۍ نېټه د یوه فرمان په لاسلیکولو سره د کاناډا او مکسیکو پر سوداګریزو توکو ۲۵سلنه ګمرکي تعرفه لګولې.
روسیه کې چارواکي وايي چې پر دغه هېواد د اوکراین د ډرون بریدونو پرمهال د اټومي انرژۍ یوه بټۍ هم په نښه شوې.
مسکو ویلي چې د اوکراین له لوري د انرژۍ زیربنا د لږترلږه ۱۰۰ ډرون بریدونو لاندې راغلي دي.
