بلوچستان کې چاودنه؛ لس کسان وژل شوي
د پاکستان په بلوچستان ایالت کې د یوې چاودنې له امله لس کان کیندونکو خپل ژوند له لاسه ورکړی دی.
چاودنه نن جمعه، فبرورۍ ۱۴مه هغه مهال رامنځته شوې چې یاد کان کیندونکي د جمعې لمانځته روان وو.
د پاکستان په بلوچستان ایالت کې د یوې چاودنې له امله لس کان کیندونکو خپل ژوند له لاسه ورکړی دی.
چاودنه نن جمعه، فبرورۍ ۱۴مه هغه مهال رامنځته شوې چې یاد کان کیندونکي د جمعې لمانځته روان وو.
د خبریالانو خوندیتوب کمېټه وايي چې د ۲۰۲۴کال پرمهال په نړۍ کې د ریکارډ کچې خبریالان وژل شوي چې د ډېرو مسوولیت د اسراییلو پر غاړه دی.
د دغه بنسټ په کلني راپور کې ویل شوي چې تېرکال په ۱۸ هېوادونو کې ۱۲۴ خبریالان وژل شوي چې د خبریالانو خوندیتوب کمېټې له جوړېدو راهیسې خبریالانو ته تر ټولو مرګونی کال بلل شوی دی.
په سپینه ماڼۍ کې د اردون له پاچا عبدالله سره د لیدنې پرمهال، د امریکا ولسمشر ډونالډ ټرمپ یوځل بیا ټینګار وکړ چې متحده ایالات به د غزې تړانګې کنټرول په لاس کې واخلي.
د اردن پاچا بیا خپل هېواد کې د غزې اوسېدونکو د منلو په اړه پرېکړه د مصر او سعودي عربستان دریځ پورې وتړله.
هند کې چارواکي وايي چې د دغه هېواد په شمال کې د «کومبمېلا» مذهبي مراسمو په مهمه ورځ څه باندې لس میلیونه کسان له خپلو ګناهونو د خلاصون لپاره سیند ته ښکته شول.
د اسراییلو لومړی وزیر بنیامین نتنیاهو وايي، که تر راتلونکې شنبې د حماس لهخوا ټول برمته شوي، خوشې نهشي، یادې ډلې سره به اوربند لغوه کړي او غزه کې به له سره جګړه پیل کړي.
حماس اعلان کړی، درې برمته شوي چې ټاکل شوې وه، شنبه، خوشې شي، له دې امله یې، ازادېدل ځنډوي چې اسراییلو پر اوربند کړې ژمنتیا ماته کړې.
ایران ملګروملتونو ته د امریکا ولسمشر ډونالډ ټرمپ وروستیو څرګندونو چې دغه هېواد «بېپروان او پارونکي بللي» خبرداری ورکړی دی.
په ملګروملتونو کې د ایران استازي امیرسعید ایرواني د ملګروملتونو امنیت شورا ته په یوه لیک کې د ډونالډ ټرمپ هغو څرګندونو ته اشاره کړې چې ویلي یې دي، له اټمی وسلو د ایران راګرځولو لپاره د هوکړې پرځای پر دغه هېواد برید غوره ګڼي.
د اوکراین دفاع وزارت د پوځ په لیکو کې د ځوانانو جذبولو او د عسکري خدمت لپاره د کال ۲۴۰۰۰ ډالرو ورکړې اعلان کړی دی.
د هڅونې په دې پروګرام کې له ۱۸ تر ۲۴ کلنو ځوانانو غوښتنه شو چې د اوکراین پوځ سره یوځای شي او د کال ۲۴زره ډالر «یو میلیون هریونا» ترلاسه کړي.
د حماس ډله د ډونالډ ټرمپ د وروستیو څرګندونو په غبرکون کې ویلي چې ګواښ ارزښت نهلري او یوازې به مسایل پېچلې کړي.
د حماس یوه لوړپوړي چارواکي سمېع ابو ظهوري رویټرز ته ویلي چې شوي اوربند ته باید له دواړو لوریو درناوی وشي او په وینا یې، ټرمپ باید دا په یاد ولري.
نن سهشنبه، د فبرورۍ یوولسمه په ساینس کې د نجونو او مېرمنو نړیواله ورځ ده.
د ملګرو ملتونو سرمنشي انټیوګوټرېش د یادې ورځې په مناسبت ویلي چې د یوې ښې راتلونکې لپاره په علم کې جنسیتي برابري، د ټولو لپاره اړینه ده.
پر سپینبولدک ـ چمن لار د بېویزې تګراتګ بندېدو پر ضد ملتپالو ګوندونو او پرلتکوونکو یو ځل بیا پراخ لاریونونه پیل کړي دي.
پرلتکوونکي وايي، پر دغه لاره د تګ راتګ لپاره د ویزې او پاسپورت شرط، د ولسي خلکو او سوداګرو لپاره ګڼې ستونزې پیدا کړي.
د اوکراین ولسمشر ولودیمیر زېلېنسکي وايي چې د جګړې پای ته رسولو لپاره د ډونالډ ټرمپ طرحه باید نه یوازې جګړه ودروي، د روسیې د تېري مخنیو هم باید تضمین کړي.
د اسراییلو یو پلاوی غزه کې د سولې او اوربند راتلونکي پړاو خبرو لپاره قطر ته رسېدلی دی.
د اسراییلو لومړي وزیر بنیامین نتنیاهو یوه ویاند رویټرز خبري اژانس ته ویلي چې له حماس سره د شوې هوکړې له مخې، د دغه هېواد مذاکراتي پلاوی د خبرو په موخه قطر ته تللی دی.
لیبیا کې چارواکي وايي چې د یاد هېواد په سوېلختیځ کې په دوو ډلهییزو قبرونو کې ۵۰ جسدونه موندل شوي دي.
ویل کېږي، یادو کسانو غوښتل چې د شمالي افریقا له هېوادونو څخه اروپا ته ځانونه ورسوي.
د لېبیا امنیتي چارواکو رسنیو ته ویلي، لومړی ډلهییز قبر چې سوېلختیځ ښار کوفرا کې موندل شوی، پهکې د ۱۹ کسانو جسدونه پیدا شوي دي.
د پکتـيا امنيه قومنداني مسوولان وايي، د نشهيي توکو پر ضد منسوبينو «شنبه، سلواغې ۲۰مه» د ډنډېپټان ولسـوالي اړوند په ستیا سیمه کې څه باندې درې زره ټابلين ګولۍ نیولي دي.
د امریکا ولسمشر ډونالډ ټرمپ وايي چې ده په اوکراین د روانې جګړې پای ته رسولو لپاره د روسیې له ولسمشر ولادیمیر پوتین سره ټیلیفوني خبرې کړې دي.
نیویارک پوسټ راپور ورکړی چې دواړو مشرانو اوکراین کې د جګړې پای ته رسولو لپاره بحث او خبرې کړي.
سعودي عربستان د اسراییلو د لومړي وزیر هغه څرګندونې په کلکه رد کړي چې ویلي یې و، فلسطین دې په سعودي عربستان کې جوړ شي.
د اسراییلو لومړي وزیر بنیامین نتنیاهو له ۱۴کانال رسنۍ سره مرکه ویلي چې سعودي عربستان ډېره شاړه ځمکه لري او هلته دې د هېواد په توګه فلسطین جوړ کړي.