پوځ ویلي چې عملیات روان دي او په وینا یې، بېګاه شپه یو ملکي وګړی وژل شوی او څلور پاکستاني سرتیري ټپیان شوي دي.
د پاکستان د پوځ ویاند احمدشریف چهودري زیاته کړې: « تېره شپه، هند څو ځایونو ته د ډرون الوتکو په لېږلو سره د تیري یو بل عمل وښود. یو ډرون لاهور ته نږدې پر یوه پوځي مرکز برید کړی.»
په یمن کې د حوثي ډلې مذاکراتي پلاوی وايي چې پر اسراییلو بریدونه د دوی او امریکا ترمنځ د شوي اوربند برخه نهدي.
محمدعبدالسلام نن چهارشنبه، مې ۷مه رویټرز خبري اژانس ته ویلي چې د عمان په منځګړیتوب شوي تړون کې پر اسراییلو برید «په هېڅ ډول، شکل یا وجه» شامل نهدی.
د پاکستان هېواد پر بېلابېلو سیمو د هند هوايي او ډرون برید ته د نړیوالو غبرګونونو په لړ کې د امریکا ولسمشر ډونالډ ټرمپ دغه برید شرموونکی بللی دی.
د امریکا ولسمشر ډونالډ ټرمپ د هند برید خواشینونکی او له شرم ډک یاد کړی او هیله یې ښودلې چې دواړه لوري دې بریدونه ودروي.
د امریکا ولسمشر ډونالډ ټرمپ تېره ورځ وویل، حوثیان تسلیم شوي او پر یمن به هم د امریکا هوایي بریدونه ودرول شي.
د راپورونو پر اساس، ټرمپ ویلي چې: «حوثيانو غوښتي، څو پر هغوی بریدونه ونه کړو. دوی ټينګار کړی چې منځني ختیځ کې به پر تلونکو بېړیو بریدونه نه کوي.»
د هند کرېکټ غوره لیګ یا ایپياېل کې نن د افغان لوبغاړو په ګډون، ګجرات ټایټنز له ممبی انډیینز سره سیالي کوي.
ټاکل شوې چې یاده لوبه نن ماښام د افغانستان پر وخت ۶:۳۰ بجې د هند د ممبی په «وانکېډه کرېکټ لوبغالي» کې پیل شي.
هند کې چارواکي وايي چې د یاد هېواد په لوېدیځ ګجرات ایالت کې د باران ورېدو له امله ۱۴ کسان مړه شوي او ۱۶ نور ټپیان دي.
له تېرو دوو ورځو راهیسې دغه ایالت کې د روان باران له امله خلکو ته ګڼ مالي زیانونه هم اوښتي دي.
د امریکا حکومت په دغه هېواد کې مېشت ناقانونه کډوالو ته اعلان کړی، که په خپله خوښه خپلو هېوادونو ته ستانه شي، ۱۰۰۰ ډالر به ورکړي.
د امریکا کورني امنیت وزارت مسوولان وايي، په خپله خوښه تلونکو ناقانونه کډوالو ته د سفر د لګښت ترڅنګ، یو اپلېکېشن هم جوړ کړی چې وکولای شي، خپل هېواد ته د ستنېدو لپاره ځان ثبت کړي.
د مالدیف ۴۶کلن ولسمشر محمد مویزو د یوه ولسمشر له لوري د اوږد خبري کنفرانس ریکارډ جوړ کړی دی.
نوموړي د ۱۵ ساعتونو لپاره د خبریالانو پوښتنو ته ځواب ورکړی دی. د محمدمویزو دفتر اعلان کړی چې هغه د «سهار له ۱۰ بجو خبري کنفرانس پیل کړی او د لمانځه له وقفې سره یې، ۱۴ ساعته او ۵۴ دقیقې» دوام ورکړ.
د ایران دفاع وزیر وايي، که اسراییل او امریکا پر دغه هېواد برید وکړي، دوی به سخت ځواب ورکړي.
عزیز نصیرزاده دغه څرګندونې وروسته له هغې کوي چې د اسراییلو لومړي وزیر بنیامین نتنیاهو ګواښ کړی چې د تهران له ملاتړ برخمنې حوثي ډلې د برید له امله به له ایران غچ واخلي.
د مایکروسافټ شرکت مسوولانو ویلي، سکایپ اپلیکېشن له څه باندې ۲۲ کلونو وروسته نن د مې ۵مه رسمآ تړل کېږي. سکایپ په ۲۰۰۳ کال کې
د اسراییلو لومړي وزیر بنیامین نتنیاهو له قطر غوښتنه کړې چې خپله دوه اړخیزه لوبه ودروي او پرېکړه دې وکړي چې د «تمدن لوري ته دی، که د حماس پر خوا دی.»
قطر چې د حماس او اسراییلو ترمنځ د سولې خبرو د مهم منځګړي په توګه پېژندل کېږي، د اسراییلو د لومړي وزیر دغه څرګندونې «پاروونکي» بللي دي.
د هند کرېکټ غوره لیګ یا ایپياېل کې نن دوه لوبې کېږي چې لومړۍ لوبه کې به راجستان رویلز له کلکته نایټرایډرز سره سیالي وکړي.
ټاکل شوې چې یاده لوبه نن له غرمې وروسته ۲:۳۰ بجې د کلکتې په «اېډن ګارډنز کرېکټ لوبغالي» کې پیل شي.
نوموړي نن یکشنبه، مې څلورمه د خبریالانو پوښتنو ته په ځواب کې ویلي: «موږ کافي ځواک او سرچینې لرو چې هغه جګړه مو چې په ۲۰۲۲کال کې پیل کړې، په خپله ګټه او هر لوري ته چې موږ یې، غواړو بوځوو. دوی غوښتل چې موږ تېروتنې وکړو، د دې وسلو کارولو ته اړتیا نشته او هیله لرم چې پیدا به نهشي.» پوتین دغه څرګندونې داسې مهال کوي چې د امریکا ولسمشر ډونالډ ټرمپ او د نړۍ ګڼشمېر هېوادونه غواړي، دغه جګړه پای ته ورسوي.
د اسراییلو پوځ وايي چې غزه کې د نښتو پرمهال یې، دوه سرتېري وژل شوي او دوه نور سخت ټپي شوی دی.
د ټایمزاوف اسراییل خبري رسنۍ د راپور له مخې، دغه سرتیري د غزې سوېل رفح ښار کې د چاودنې پرمهال وژل شوي او ټپیان شوي دي.
له یمن څخه پر اسراییلو د توغندیز برید له امله د «بېنکورېن» هوايي ډګر سربېره په ټول اسراییل کې د الوتنو بهیر ځنډېدلی دی.
د برېټانیا د ترهګرۍ ضد پولیسو دغه هېواد کې د څلور ایراني وګړو په ګډون پنځه کسان د «ترهګرۍ کړنو» په تور پنځه کسان نیولي دي.
پولیسو اعلان کړی چې دغه کسان د متروپولېټن پولیسو په امر د مخنیوي عملیاتو په لړ کې نیول شوي دي.
