د اندونیزیا د بالي ټاپو ته نږدې یوه مسافر وړونکې کښتۍ چې ۶۵ کسان یې، لېږد ډوبه شوې چې له امله یې، څلور کسان مړه شوي او ۳۰ نور ورک دي.
رویټرز خبري اژانس نن پنجشنبه، جولای درېیمه، راپور ورکړی چې تراوسه د یادې پېښې ۳۱ کسان ژغورل شوي دي.
د پنټاګون ویاند شان پارنیل تېره ورځ وویل، د امریکا لس ورځې مخکې بریدونو، کم له کمه د ایران اټومي پروګرام دوه کاله شاته وغورځاوه.
د امریکا ولسمشر ډونالډ ټرمپ وايي، اسراييل په غزه کې د ۶۰ ورځني اوربند هوکړې سره موافقه کړې.
د راپورونو پر اساس، ټرمپ تېره ورځ (سهشنبه، سرطان ۱۰مه) ویلي، اسراييل غزه کې د ۶۰ ورځني اوربند هوکړې سره موافقه کړې او له حماس يې غوښتي، مخکې له دې چې شرایط نور هم خراب شي دغه تړون ومني.
هغه زیاته کړې چې د قطر او مصر استازي به د اوربند وړاندیزې حماس ته وړاندې کړي.
د غزې پر بېلابېلو سیمو د اسراییلي ځواکونو د هوايي بریدونو پرمهال نږدې ۱۰۰ کسانو خپل ژوند له لاسه ورکړی او یوشمېر نور ټپیان دي.
الجزیرې خبري شبکې نن سهشنبه، جولای لومړۍ نېټه، په یوه راپور کې ویلي چې نږدې ۴۰ کسان هغه مهال ووژل شول چې اسراییلي جېټالوتکو پر یوه رسټورانټ «کافه» برید وکړ.
د امریکا ولسمشر ډونالډ ټرمپ «دوشنبه، جون ۳۰مه» د یوه اجرايي فرمان په لاسلیکولو سره د سوریې پر وړاندې ګڼشمېر اقتصادي بندیزونه لرې کړل.
د سپینې ماڼۍ مطبوعاتي ویاندې کارولین لیویت په یوې خبري ناسته کې ویلي چې دغه چاره د دې لپاره شوې چې سوریه یوې پایښت لرونکې سولې او ټيکاو ته ورسېږي.
د روسیې دولتي رسنۍ وايي چې د یاد هېواد ځواکونو د تېرو څه باندې دوو میاشتو پرمهال له اوکراین څخه له ۹۵۰ کیلومټره مربع ډېره خاوره نیولې ده.
د یادو رسنیو د راپورونو له مخې، له ۹۵۰ کیلومټره خاورې تر نیولو وروسته د لومړي ځل لپاره روسي ځواکونو د اوکراین د دنیپروپتروفسک په مرکزي ختیځه سیمه کې یو کلی نیولی دی.
غزه کې چارواکي وايي چې نن شنبه، جون ۲۸مه د اسراییلو د بریدونو پرمهال شاوخوا ۲۱ کسانو خپل ژوند له لاسه ورکړی دی.
بریدونه د غزې په بېلابېلو سیمو کې شوي چې وژل شویو کې ښځې او ماشومان هم شامل دي.
د راپورونو پر اساس، د امریکا ولسمشر ډونالډ ټرمپ ویلي، فکر کوي چې غزه کې به “راتلونکې اونۍ” اوربند وشي.
هغه تېره ورځ جمعه خبریالانو سره د خبرو پرمهال وویل، هغه یوازې د اوربند او د یرغمل شویو د خوشې کولو د تړون خوندي کولو په هڅه کې ښکېلو کسانو سره خبرې کړي.
د امریکا ولسمشر غزه کې روان وضعیت وحشتناکه بللی او ویلي: «موږ غزې ته مالي مرستې او ډېر خواړه رسوو، ځکه چې موږ باید دا کار وکړو.»
د غزې په بېلابېلو سیمو کې له بېګاه شپې راهیسې د اسراییلو د بریدونو له کبله ۳۱ کسانو خپل ژوند له لاسه ورکړی دی.
الجزیرې خبري شبکې نن چهارشنبه، جون ۲۵مه راپور ورکړی چې بریدونه د غزې په بېلابېلو سیمو کې شوي دي.
په وژل شویو کې ښځې او ماشومان هم شامل دي.
د اسراییلو د کورني امنیت وزیر ایتامار بینګوېر وايي چې د اسراییلو د دښمنانو پر وړاندې باید د «دوزخ دروازې» پرانېستل شي.
بینګوېر دغه څرګندونې وروسته له هغې کوي چې د اسراییلو لومړي وزیر بنیامین نتنیاهو وویل، له ایران سره اوربند ته رسېدلي دي.
نوموړي له ریشیتبیت رادیو سره د مرکې پرمهال همداراز ټينګار کړی چې اسراییلو له په ایران کې ستر بریالیتوب ترلاسه کړی دی.
د اسراییلو او ایران ترمنځ د اوربند له ټينګېدو یوه ورځ وروسته تهران د اسراییلو موساد استخباراتي ادارې ته د جاسوسۍ په تور درې کسان په دار ځړولي دي.
د فرانسې خبري اژانس د راپور له مخې، دغه درې کسان نن چهارشنبه، جون ۲۵مه، اعدام شوي دي.
د غزې په خان یونس سیمه کې د یوې چاودنې پرمهال د اسراییلو اووه سرتېري وژل شوي دي.
د اسراییل ټایمز خبري رسنۍ نن چهارشنبه، جون ۲۵مه، راپور ورکړی چې دغه سرتېري مهال وژل شوي چې یوه کس د دوی موټر ته چاودېدونکي توکي وروغورځول.
د اسراییلو پوځ وايي چې د ټرمپ له لوري د تلابیب او تهران ترمنځ د اوربند پر پليکولو له ټينګار سره سره، لاهم د ایران پروړاندې برید پای ته نهدی رسېدلی.
د اسراییلو د پوځ مشر ایال زامیر پرون سهشنبه، جون ۲۴مه له پوځي چارواکو سره په ناسته کې وویل: «موږ د یوه مهم فصل پای ته رسېدو حال کې یوو، خو د ایران پر وړاندې مو بریدونه لا پای ته نهدي رسېدلي.»
د اسراییلو سوېل په بئرالسبع کې د ایران له لوري د ویشتل شویو توغندیزو بریدونو له کبله اووه کسان وژل شوي دي.
د اسراییلو د بېړنیو خدمتونو ادارې د مسوولانو په وینا، دغه کسان د هستوګنې پر یوه کور د ایران د توغندي د لګېدو له امله وژل شوي.
غزه کې چارواکي وايي چې په بېلابېلو سیمو کې د اسراییلو بریدونو پرمهال ۳۷ کسانو خپل ژوند له لاسه ورکړی او یوشمېر نور ټپیان شوي دي.
دغه کسان نن سهشنبه، جون ۲۴مه، سهار راهیسې د اسراییلي ځواکونو په ډزو کې وژل شوي دي.
د الجزیرې خبري شبکې د راپور له مخې، یوازې ۲۹ کسانو د مرستو وېش مرکز ته نږدې خپل ژوند له لاسه ورکړی دی.
الجزیرې خبري شبکې راپور ورکړی چې د اسراییل لومړي وزیر بینیامین نتنیاهو د ایران او اسراییل ترمنځ د امریکا ولسمشر ډونالډ ټرمپ د اوربند تړون منلی دی.
نتانیاهو وايي، دوی په ایران کې خپلو موخو ته رسېدلي دي او د پیل کړې جګړې هدف چې د ایران اټومي تاسیسات او توغندیز ګواښ و، له منځه ولاړ.
نتنیاهو ویلي چې نن به په دې اړه یوه اعلامیه هم خپره کړي.
