د اټومي انرژي نړیواله اداره وايي چې په ایران کې د سنټرفیوژنو د تولید دوه تاسیسات په نښه شوي دي.
یادې ادارې نن چهارشنبه، جون ۱۸مه، پر خپله اېکسپاڼه همداراز ویلي چې د یاد هېواد په کرج کې یو ورکشاپ او د تهران څیړنیز مرکز هم په نښه شوي دي.
په داسې حال کې چې اسراییل د ایران د اټومي وسلو د تاسیساتو لهمنځه وړو لپاره له تېرې جمعې راهیسې بریدونه کوي، پاکستان وايي، له دغه هېواد اسراییلو ته اټومي ګواښ نشته.
تهران کې د پاکستان پخواني سفیر العربیه رسنۍ سره مرکه کې له دغه هېواد اسراییلو ته د اټومي ګواښ پېښېدل رد کړي دي.
اوکرایني چارواکو اعلان کړی چې د یاد هېواد په څو برخو کې د روسیې د بېپیلوټه الوتکو او توغندیو بریدونو پرمهال لږترلږه ۱۵ کسان وژل شوي او له ۷۵ څخه ډېر ټپیان دي.
د اوکراین ولسمشر ولودېمیر زېلېنسکي نن (سهشنبه، د جون ۱۷مه) پر خپله اېکسپاڼه لیکلي چې روسیې د اوکراین پر څو ښارونو د ډرون څه باندې ۴۴۰ بریدونه او ۳۲ توغندي ویشتلي دي.
د اسراییلو پوځ وايي چې غزه کې له حماس سره د نښتو پرمهال یو سرتېری وژل شوی او څلور نور ټپیان دي.
په ټپیانو کې یو افسر هم شامل دی. دغه اسراییلي سرتېري د یوې بمي چاودنې پرمهال وژل شوي او ټپیان شوي دي.
پرون دوشنبه هم په غزه کې له حماس سره د نښتې پرمهال یو اسراییلی سرتېری وژل شوی و.
د اسراییلو دفاع وزیر اسراییل کاتز ایران ته خبرداری ورکړی چې د یاد هېواد مشر ایتالله علي خامنهيي برخلیک او پای به د صدام حسین په څېر وي.
نوموړي همداراز اسراییلو کې د ملکیانو په سیمه کې د برید له امله ایران تورن کړی او ګواښ یې، کړی چې بیه به یې، د تهران خلک پرې کړي.
د ایران او اسراییلو د روانې شخړې په لړ کې تازه د ایران پوځ پر اسراییلو ۱۵ توغندي ویشتلي دي.
العربیه فارسي څانګې نن سهشنبه، جون ۱۷مه خبر ورکړی چې دغه توغندي څو شېبه وړاندې د ایران له لوري د اسراییلو پر بېلابېلو سیمو توغول شوي دي.
غزه کې چارواکي وايي چې د اسراییلي ځواکونو له لوري د مرستو ترلاسه کولو لپاره پر ولاړو خلکو د ډزو له کبله ۴۵ کسانو خپل ژوند له لاسه ورکړی دی.
په دې برید کې لسګونه نور کسان ټپیان شوي دي.
د سرپرست حکومت د ریاستالوزرا اداري مرستیال عبدالسلام حنفي د یوه پلاوي په مشري د چین-سوېلياسیا نندارتون کې د ګډون لپاره چین ته تللی دی.
د ریاستالوزرا عمومي ریاست نن سهشنبه، غبرګولي ۲۷مه پر خپله اېکسپاڼه کې د یوې خبرپاڼې په خپرولو سره ویلي چې په دې پلاوي کې د عبدالسلام حنفي سربېره، د صنعت او سوداګرۍ وزارت وزیر نورالدین عزیزي او د بهرنیو چارو
ایران تېره شپه یو ځل بیا د تلابیب او حیفا په شمول د اسراییل په بېلا بېلو سیمو توغندیز بریدونه کړي چې پراخې ویجاړۍ یې
د یمن کې د حوثیانو ډله وايي چې د اسراییلو پر مرکزي سیمو یې، توغندیز بریدونه کړي دي.
د حوثیانو پوځي ویاند یحیی سرېع په یوې بیانیه کې چې د یادې ډلې پورې د تړلي، المسیره ټلوېزیون له لوري خپره شوې، ویلي چې دوی دغه برید د ایران د پوځ سره په همغږۍ شوی دی.
د اسراییلو پوځ وايي چې د غزې په سوېل کې د نښتو پرمهال یې، یو سرتېری وژل شوی دی. دا پر غزې د اسراییلو د برید راهیسې په یاده سیمه کې لومړی سرتېری دی چې وژل کېږي.
د بنښې نړیوال سازمان وايي چې د نایجریا په مرکزي «بینو ایالت» کې د وسلهوالو له لوري د مرګوني برید پرمهال ۱۰۰ کسان وژل شوي دي.
د یاد سازمان په وینا، برید تېره جمعه، د یاد ایالت اړوند په «ېلېواتا کلي» کې شوی دی.
یاد بنسټ پر خپله اېکسپاڼه لیکلي: «ډېری خلک لاهم ورک دي … لسګونه ټپیان شوي او له درملنې پرته پاتې دي. ډېرې کورنۍ په خپلو خوب خونو کې بندې شوي او سوځول شوې دي.»
په اسراییلو کې د امریکا سفیر د ایران د بریدونو له کبله اړ شوی چې د شپې پنځه ځلې د ځان ساتنې لپاره خوندي ځای ته پناه یوسي.
مایک هکابي پر خپله اېکسپاڼه لیکلي چې پر اسراییلو د توغندیزو بریدونو له کبله یې، سخته شپه تېره کړې او په وینا یې، پنځه ځلې یې، ځای بدل کړی دی.
د اسراییلو د دفاع وزیر اسراییل کاتز ایران ته خبرداری ورکړی چې پر تلابیب د توغندیزو بریدونو له امله به «سخته بیه» پرې کړي.
نوموړي خبرداری ورکړی، که ایران خپلو توغندیزو بریدونو ته دوام ورکړي، د ده په ټکو «تهران به وسوځېږي.»
اسراییل کاتز د پوځ له لوی درستیز سره ته د ارزونې له یوې ناستې وروسته وویل چې ایران به اسراییلو ته د زیان رسولو درنه بیه پرې کړي.
د اسراییلو پوځ وايي چې نن سهار ځايي وخت شاوخوا لس بجې له غزې څخه د دوی پر لور دوه توغندي ویشتل شوي دي.
د اسراییلو پوځ په یوې خبرپاڼه کې ویلي چې دغه توغندي په یوې خلاصه سیمه کې لګېدلي او چاته پهکې زیان نهدی اوښتی.
د ایران او اسراییلو ترمنځ د روانې ترینګلتیا په لړ کې یوه ایراني چارواکي ویلي چې تهران به سیمه کې له اسراییلو دفاع کوونکي هېوادونه په نښه کړي.
دغه ایرانی لوړپوړی چارواکی چې نوم یې، نهدی په ډاګه شوی نړیوالو رسنیو ته ویلي، ایران به سیمه کې د هغو هېوادونو اډې په نښه کړي چې په وینا یې، هڅه کوي، له اسراییلو دفاع وکړي.
