د پاکستان د خېبرپښتونخوا ایالت په اړوند سیمه کې د وسلهوالو د برید پرمهال دوه پولیس وژل شوي او یو بل ټپي دی.
پولیسو رسنیو ته ویلي چې برید په بنو کې د پولیسو پر پوستې شوی دی.
د دوی په وینا، وسلهوالو لومړی له چاودېدونکو توکو ډک موټر د پوستې مخته چاودلی او وروسته یې، پر پولیسو ډزې پیل کړي دي.
د اسراییلو چارواکي وايي چې له یمن څخه د دوی پر مرکزي سیمو وېشتل شوی توغندی یې، شنډ کړی دی.
دغه توغندی نن پنجشنبه، مې ۲۲مه، سهار مهال له یمن توغول شوی دی.
سياېناېن خبري شبکې د امریکا حکومت کې له خپلو سرچینو راپور ورکړی چې اسراییل د ایران د اټومي وسلو پر تاسیساتو د برید لپاره چمتووالی نیسي.
د سياېناېن په راپور کې ویل شوي چې تراوسه معلومه نهده چې د اسراییل مشرانو د یاد برید پلي کولو لپاره وروسته پرېکړه کړې یا نه؟
غزه کې چارواکي وايي چې د اسراییلو د بریدونو او عملیاتو په لړ کې د تېرو ۲۴ ساعتونو پرمهال ۸۲ کسانو خپل ژوند له لاسه ورکړی او ۲۶۲ نور ټپیان شوي دي.
دغه کسان د غزې پر بېلابېلو سیمو د اسراییلو د روانو بریدونو پرمهال خپل ژوند له لاسه ورکړی دی.
په وژل شویو کې تر ډېره ماشومان او ښځې شاملې دي.
د نړۍ یوشمېر هېوادونو په غزه کې روانو بریدونو ته په غبرګون کې او تاوتریخوالي له امله اسراییلو ته خبرداری ورکړی دی.
د انګلستان، کاناډا او فرانسې مشرانو اسراییلو ته خبرداری ورکړی، که عزه جګړه ونهدروي او بشري مرستو ته د لېږد اجازه ورنهکړي، له سختو بندیزونو سره به مخ شي.
چای په نړۍ کې له اوبو وروسته تر ټولو خورا مشهور او ډېر څښوونکی څښاک دی. چای اوس له قهوې او بیر څخه مخکې دی، کوم چې په نړیواله کچه دویم او درېیم ځای کې دي.
د می ۲۱مه د ملګروملتونو له لوري د چای نړیوالې ورځې په توګه نومول شوې چې په نړیواله کچه نه یوازې له اقتصادي پلوه، بلکې له کلتوري پلوه هم د دې څښاک اهمیت او ارزښت په ګوته کوي.
چارواکي وايي چې د پاکستان په بلوچستان ایالت کې د یوه ښوونځي پر بس موټر د چاودنې له کبله څلور ماشومان وژل شوي او ۳۸ نور ټپیان دي.
پېښه د بلوچستان د خضدار ولسوالي په اړوند سیمه کې شوې ده.
د خضدار ولسوالي یوه چارواکي یاسر اقبال دشتي پېښه تایید کړې او د څلور ماشومانو د وژنې او ۳۸ نورو د ټپيکېدو پخلی یې کړی دی.
د امریکا او روسیې ولسمشرانو ډونالډ ټرمپ او ولادیمیر پوتین د اوکراین جګړه کې د اوربند هوکړې د هڅو په لړ کې، تر دوو ساعتونو
د پاکستان د پوځ ویاند احمدشریف چهودري یو ځل بیا ټينګار کړی چې د هند ورځ تر بلې زیاتېدونکې ولکې ته به غلي نهپاتې کېږي.
نوموړي ویلي: «حقیقت دا دی چې هند نه امریکا ده او پاکستان نه افغانستان دی. هند نه اسراییل دی او پاکستان نه فلسطین دی. موږ به د هند هژموني «ولکې» ته سرټیت نهکړو.»
د فلسطین حماس ډله وايي چې د خپلې راتلونکې په اړه اندېښنه نهلري او د اسراییلي ځواکونو پر وړاندې به یې، پوځي عملیات روان وي.
د حماس یوه لوړپوړي چارواکي سمېع ابو ظهوري له الاقصی ټلوېزیون سره مرکه کې همداراز هغه اوازې هم ناسمې بللي چې ګواکې حماس د ټولو بندیانو خوشې کولو په بدل کې دوه میاشتني اوربند سره هوکړه کړې ده.
هالنډ کې شاوخوا ۱۰۰ زره کسانو د فلسطین او غزې اوسېدونکو په ملاتړ لاریون کړی.
دغه لاریون چې تېرو دوو لسیزو کې تر ټولو پراخ لاریون بلل شوی، تېره ورځ د هالنډ «هاګ» ښار کې چې د جرمونو نړیواله محکمه هم په کې ده، ترسره شوی.
لاریون کوونکو د هالنډ له دولته غوښتي چې غزه کې د اسراییل جګړې پایته رسولو لپاره لاډېر اقدامات وکړي.
د غزې په شمال کې د اندونیزیا په نوم روغتون چې یاده سیمه کې د محدود فعالو روغتونونو څخه شمېرل کېږي، د اسراییلي ځواکونو له لوري تر برید لاندې راغلی او دا مهال کلابند دی.
حماس پر خپل ټېلېګرام لیکلي: «د بېځایه شویو خېمو په نښه کول او د ملکیانو سره یوځای یې سوځول، یو ظالمانه جرم دی چې د نتانیاهو د جنګي مجرم حکومت د فاشیزم او د ټولو بشري قوانینو او نورمونو څخه د هغه ښکاره سرغړونه ښيي.»
د فنلنډ چارواکي وايي چې د دغه هېواد په سوېللوېدیځ کې د دوو چورلکو د ټکر له امله پنځه کسان وژل شوي دي.
دغه چورلکې د اورا هوايي ډګر ته نږدې په یوې ځنګلي سیمه کې لوېدلې دي. دغه پېښه پرون شنبه، مې ۱۷مه د فنلنډ «کاوتوا» ښار ته نږدې رامنځته شوې ده.
د انګلستان د اېفاې کپ فوټبال لیګ په پایلوبه کې کرېستال پالاس لوبډلې منچسټر سیټي ته ۱-۰ په پایلې سره ماته ورکړه او په خپل تاریخ کې یې، د لومړي ځل لپاره د یاد جام اتلولي وګټله.
امریکا کې چارواکي وايي چې دغه هېواد کې د سختو توپانونو او اورښتونو له امله لږترلږه ۲۱ کسانو خپل ژوند له لاسه ورکړی دی.
د چارواکو په وینا، یاد کسان په میسوري او کېنټاکي ایالتونو کې مړه شوي دي. ترڅنګ یې، په توپان کې خلکو ته ګڼ مالي زیانونه هم اوښتي دي.
