د امریکا د متحدو ایالتونو ولسمشر، دونالد ټرمپ، له اروپايي ټولنې سره د یوې نوې هوکړې د ترلاسه کولو خبر ورکړی چې له مخې به یې، امریکا د اروپا پر وارداتو ۱۵سلنه ګمرکي تعرفه ولګوي.
ټرمپ دا هوکړه «تر ټولو لویه هوکړه» بللې ده.
ټرمپ دا څرګندونې پرون «یکشنبه، جولای ۲۷مه» په سکاتلند کې له د اروپايي کمېسیون له مشرې، اورزولا فوندېرلاین، سره تر لیدو وروسته وکړې.
د مصر هلالاحمر ټولنې نن دوشنبه، جولای ۲۸مه اعلان کړی چې د دویمې پرلهپسې توګه له دغه هېواده غزې ته له مرستو بار لارۍ روانې شوې دي.
دغه شاوخوا ۱۵۰۰ ټُنه مرستې غزه کې کلابندو اړمنو کسانو ته لېږدول کېږي او د دوی د خوراکي اړتیاو د برابرولو یوه څه بلل کېږي.
یحیی سرېع پرون «یکشنبه، جولای ۲۷مه» په یوې ټلوېزیوني وینا کې خبرداری ورکړ چې د اسراییلو بندرونو ته تلونکې هره کښتۍ به په نښه کړي.
د نوموړي په وینا، دوی به دې ته ونهګوري چې یاده سوداګریزه کښتۍ د کوم هېواد او ملت ده او زیاته یې کړه چې هر شرکت چې له اسراییلو سره تجارت لري، کښتۍ به یې په نښه کړي.
غزه کې د اسراییلو د تېرو ۲۴ ساعتونو پرمهال په هوايي او ځمکنيو بریدونو کې لږترلږه ۷۱ فلسطینیان وژل شوي او ګڼشمېر نور ټپیان دي.
د الجزیرې شبکې د راپور له مخې، نن یکشنبه (د اسد ۵مه)، له وژل شویو کسانو څخه ۴۲ تنه هغه مهال د اسرائیلي ځواکونو په ډزو کې ووژل شول چې هڅه یې کوله د بشرپاله مرستو د وېش له مرکزونو سره نږدې مرستې ترلاسه کړي.
د اسراییلو پوځ وايي چې د غزې په سوېل کې د نښتو پرمهال یې، دوه سرتېري وژل شوي دي.
د پوځ په وینا، دواړه سرتېري د غزې په سوېل کې پرون شنبه، جولای ۲۶مه وژل شوي دي.
غزه کې د لوږې له خپرېدو او له امله یې، د لسګونه کسانو تر مړینې وروسته، له مصر څخه د بشردوستانه مرستو لاریو د غزې پر لورې روانې شوې دي.
دغه ګام وروسته له هغې اخیستل کېږي چې غزه کې نړیوالو بنسټونو له څو میاشتو راهیسې د قحطۍ پراخېدو په اړه خبرداری ورکوي.
اسلاماباد کې د خوړو ادارې مسوولان وايي چې یاد ښار ته نږدې په یوې سیمه کې یې، د خرو یو مسلخ کشف کړی چې د خرو ۱۰۰۰ کیلوګرامه غوښه پهکې بستهبندي او بازار ته لېږدول کېده.
د یادې ادارې ویاند زیاتوي چې په دې مسلخ کې ۵۰ خره او په زیاته اندازه غوښه هم ترلاسه شوې ده.
د ټایلنډ او کمبودیا ترمنځ نښتې تېره ورځ د سرحدي سیمې پر سر د شخړې په دلیل پیل شوې چې نن جمعه د دویمې ورځې لپاره هم دوام لري.
د ټایلنډ حکومت ویلي، دغو نښتو کې یې د یوه سرتیري په شمول ۱۴ کسان وژل شوي.
د ټایلنډ چارواکو په وینا، کمبودیا سره پوله کې له مېشتو سیمو د تخلیه شویو ملکي کسانو شمېر هم تر ۱۳۸ زره کسانو زیات شوی.
د فرانسې ولسمشر امانوئل مکرون ویلي چې منځني ختیځ کې د عادلانه سولې په موخه فلسطین د خپلواکه هېواد په توګه په رسمیت پېژني.
د فرانسې ولسمشر تېره ورځ پر اېکسپاڼه لیکلي چې دغه پرېکړه به سپټمر میاشت کې د ملګروملتونو د عمومي مجمع غونډه کې هم اعلان کړي.
مکرون لیکلي چې: «منځني ختیځ کې عادلانه او تلپاتې سولې ته د خپلې تاریخي ژمنتیا په تړاو مې پرېکړه کړې چې فرانسه د فلسطین هېواد په رسمیت وپېژني.»
غزه کې د حماس ډله وايي چې د یاد ښار په سوېل کې یې، د اسراییلو پر پوځي مرکز برید کړی دی.
نړیوالو رسنیو راپور ورکړی چې حماس بېګاه شپه د غزې سوېل د «موراګ دهلیز» په نوم د اسراییلو د قومندانې او کنټرول مرکز باندې راکېټي بریدونه کړي دي.
الجزیرې خبري شبکې راپور ورکړی چې غزه کې د حماس ډلې نن «پنجشنبه، زمري دویمه» د اوربند په تړاو خپل دریځ او ځواب وړاندې کړی دی.
په راپور کې ویل شوي چې اسراییلي چارواکي د حماس د یاد دریځ د ارزونې په حال دي.
روسیي چارواکو ویلي، د انتونوف ـ ۲۴ مسافروړونکې الوتکه چې د دغه هېواد په ختیځ کې نادرکه شوې وه، د ټېنډا ښار په ۱۵کیلومترۍ کې
د نوموړي په وینا، پېښه بېګاه شپه «چنګاښ۳۱مه» رامنځته شوې او پېلوټ ژوندی دی. زېلېنسکي نن چهارشنبه، ویلي: «له بدهمرغه چې دغه جېټالوتکه مو له لاسه ورکړې ده. دا فرانسوۍ جېټ الوتکه لوېدلې او پېلوټ په بریالۍ توګه له الوتکې د فراشوټ په مرسته وتلی دی. د الوتکې لوېدل د روسیې کار نهدی.»
د امریکا ولسمشر ډونالډ ټرمپ وايي، که اړتیا شوه چمتو دی چې د ایران پر اټومي تاسیساتو په پرلهپسې توګه بیا بریدونه وکړي.
ټرمپ نن سهشنیه، جولای ۲۲مه پر خپله «ټرټ سوشیل میډیا» یو ځل بیا ادعا کړې چې پر ایران د امریکا د بریدونو له امله د دغه هېواد اټومي سایټونه لهمنځه وړل شوي دي.
یمن کې د حوثي ډلې پر وړاندې د ډرون بریدونو وروسته د اسراییلو دفاع وزیر اسراییل کاتز وايي چې د یمن برخلیک به د تهران په څېر وي.
اسراییلو نن دوشنبه، جولای ۲۱مه، یمن کې د حوثي ډلې پر اهداف بریدونه کړي او د تېلو کانټېنرونو، کښتو سربېره یې، د یاد ډلې زیربناوې لهمنځه وړي دي.
د اسراییلو د دفاع وزارت چارواکي وايي چې یمن کې یې، د حوثي ډلې پر اهدافو د ډرون بریدونه کړي دي.
وړاندې داسې ویل شوي و چې دغه برید د جېټالوتکې له لوري شوی، خو د اسراییلو دفاع وزارت وايي، د حوثیانو پر اهدافو یې، د ډرون بریدونه کړي دي.
