د امارت اسلامي ویاند ذبیحالله مجاهد اعلان کړی چې د کورنیو چارو وزارت مرستیال رحمتالله نجیب په مشري یو لوړپوړی پلاوی ترکیې ته تللی دی.
مجاهد ویلي چې د دې پلاوي د سفر موخه پاکستان سره د پاتې موضوعاتو د خبرو لپاره دی.
۱.۵ million people in Gaza need urgent aid
د اوکراین په شمال لوېدیځ د اوفریج ښار د اورګاډي په تمځای د چاودنې له امله لږترلږه ۴ کسان وژل شوي او ۱۲ نور ټپيان دي.
سیمه کې پولیسو خبر ورکړی چې د چاودنې پېښه د مسافرو د اسنادو د کتنې پرمهال رامنځته شوې ده.
د پولیسو په وینا، چاودنه هغه مهال رامنځته شوه چې یوه ۲۳ ځوان چې د خارکېیفښار اوسېدونکی دی، له ځان سره لاسي بم ته چاودنه ورکړه.
په نیوزیلنډ کې د عامه برخې شاوخوا ۱۰۰زره کارکوونکو نن پنجشنبه، اکتوبر ۲۳مه، د خپلو معاشونو د لوړولو او د عامه خدمتونو د ښهکولو لپاره لاریون کړی دی.
په دې کمساري اعتراض کې چې ښوونکو، نرسانو، ډاکټرانو، اوروژونکو او اداري کارکوونکو برخه اخیستې، د هېواد د منځلارې ښي لوري حکومت پر وړاندې د نارضایتۍ څرګندونه ګڼل کېږي.
د روسیې ولسمشر ولادېمېر پوتین د دغه هېواد د اټومي ځواکونو له پراخ مانور څخه څارنه کړې چې پهکې د وچې، سمندر او هوا له لارې د توغندیو ازمایښتونه شوي دي.
دغه پوځي مانور پرون چهارشنبه، د اکتوبر ۲۳مه شوی دی.
د نايجېريا د شمالي نايجر ایالت په اړوند سیمه کې د تېلو يو ټانکر د چپهکېدو او له امله یې د اورلګېدنې له کبله لږترلږه ۳۵ کسان مړه شوي دي.
د فدرالي سړک د خوندیتوب ادارې (FRSC) د راپور له مخې، پېښه هغه مهال رامنځته شوه چې ټانکر د موټرچلوونکي له کنټرول څخه ووت چې وروسته یې، اور واخیست.
د اوکراین چارواکي وايي چې روسیې نن چهارشنبه، اکتوبر ۲۲مه په تازه توغندیزو او ډرون بریدونو کې لږترلږه شپږ کسان وژلي چې په وژل شویو کې دوه ماشومان هم شامل دي.
د بریدونو له امله په ټول هېواد کې د برښنا شبکې زیانمنې شوي او پراخ برښنا پرېکون رامنځته شوی دی.
د سویليکوريا د پوځ د ګډو ځواکونو دفتر نن چهارشنبه، اکتوبر ۲۲مه، په يوې خبرپاڼه کې ويلي چې د شماليکوريا پوځ يو «نامعلوم بالېستیک توغندی» د هېواد ختيځ لور ته توغولی دی.
له هغه وروسته چې د سویليکوريا نوی ولسمشر «لي جه ميونګ» په جون مياشت کې واک ته رسېدلی او د دواړو هېوادونو د اړيکو د ښه کېدو ژمنه يې کړې وه، دا د شماليکوريا لومړۍ توغندیزه ازموينه ده.
د خېبرپښتونخوا په سوېلي وزیرستان کې د پاکستاني پوځ پر یوه کاروان د وسلوال برید له امله لس سرتېري وژل شوي او اووه نور ټپیان دي.
د العربیه د راپور له مخې، وسلوالو بریدګرو د پوځ پر کاروان د تېرېدو پرمهال ډزې وکړې او وروسته یې د درنو وسلو په وسیله پوځیان په نښه کړل.
د ایران مذهبي مشر ایتالله علي خامنهيي د امریکا ولسمشر ډونالډ ټرمپ وروستیو څرګندونو ته په غبرګون کې ویلي، نوموړی دې همدا فکر کوي چې د ایران اټومي صنعت یې لهمنځه وړی دی.
هغه ویلي: «د امریکا ولسمشر افتخار کوي چې د ایران اټومي صنعت یې بمبار کړی او لهمنځه وړی دی. ډېره ښه، په همدې فکر اوسه!»
د اسراییلو لومړي وزیر بنیامین نتنیاهو پارلمان ته د وینا پرمهال ویلي چې د غزې په تړاو د اوربند له اعلان وروسته، اسراییلو خپل ماموریت بشپړ کړی او ټول برمته شوي یې، بیرته ازاد کړي دي.
د حماس لوړپوړي چارواکي خلیل الحیه ویلي چې د امریکا پخواني ولسمشر ډونالډ ټرمپ او یوشمېر منځګړو هېوادونو دوی ته ډاډ ورکړی چې د غزې جګړه پای ته رسېدلې ده.
نوموړي څرګنده کړې چې حماس د اوربند د هوکړې له مخې، د ټولو بندیانو د جسدونو د بېرته سپارلو جدي اراده لري، خو د ده په وینا، د جګړې له امله دا چاره له ستونزو سره مخ ده.
د غزې د حکومت د رسنیو دفتر وايي چې اسراییلي ځواکونو د اوربند له پیل راهیسې لږترلږه ۹۷ فلسطینیان شهیدان کړي او ۲۳۰ نور یې ټپیان کړي دي.
د دغه دفتر په وینا، اسراییلو د اوربند تړون ۸۰ ځله نقض کړی چې په هغو کې د توپونو ډزې، ډرون بریدونه او د ټانکونو خوځښتونه شامل دي.
د پاکستان کرېکټ ملي لوبډلې پخوانی لوبغاړی شاهد افریدي وايي چې افغانانو د دوی احسان هېر کړی او پر یاد هېواد یې، برید کړی دی.
هغه پر خپله اېکسپاڼه لیکلي چې پاکستان تل د خپلو افغان وروڼو سره ولاړ و او د افغانانو ستونزې یې د خپلې ستونزې د خپلو ستونزو په څېر ګڼي، خو په وینا یې، افغانانو دا هر څه هېر کړي دي.
افریدي زیاته کړې چې پاکستان د افغانانو دېر یرغل ته سخت ځواب ورکړی دی.
د امریکا ولسمشر ډونالډ ټرمپ پرون جمعه، اکتوبر ۱۷مه د اوکراین له ولسمشر ولودېمیر زېلېنسکي سره د سپینېماڼۍ په ناسته کې وویل چې د روسیې ولسمشر ولادېمیر پوتین غواړي د اوکراین جګړه پای ته ورسوي، خو زېلېنسکي په ځواب کې څرګنده کړه چې پوتین لا د سولې لپاره چمتو نه دی.
د غزې ښار په زیتون سیمه کې د یوې فلسطیني کورنۍ یولس غړي وژل شوي، وروسته له هغه چې د اسرائیلي ځواکونو الوتکو د دوی پر موټر برید وکړ.
د عیني شاهدانو او د فلسطین د مدني دفاع چارواکو په وینا، دا کورنۍ د «زیړ کرښې» په نوم هغه سیمې ته نژدې روانه وه چې د اسرائیلي پوځ د کنټرول تر محدودې لاندې بلل کېږي. د وژل شوو کسانو په ډله کې اووه ماشومان او دوه ښځې شاملې دي.
