د ترکیې ولسمشر رجب طیب اردوغان د ملګروملتونو د عمومي اسامبلې په وینا کې له نړیوالې ټولنې وغوښتل چې د فلسطین دولت په رسمیت وپېژني او په غزه کې ژر تر ژره اوربند اعلان کړي.
اردوغان یادې غونډې ته وویل: «له ټولو هغو هېوادونو مننه کوم چې فلسطین یې په رسمیت پېژندلی دی. هغه هېوادونه چې لا یې دا کار نهدی کړی، باید ژر تر ژره دغه پرېکړه وکړي.»
د ایران مذهبي ایتالله علي خامنهيي، اعلان کړی چې دغه هېواد د اټومي وسلو د جوړولو هوډ نهلري، خو د یورانیمو د غنيکولو بهیر به هم ونهدروي.
خامنهيي دا څرګندونې د ایران د دولتي راډیو او تلویزیون له لارې په ژوندۍ بڼه کړې دي. نوموړي وویل: «موږ د اټومي وسلو جوړولو نیت نهلرو، خو د غنيکولو د درولو هېڅ پرېکړه نشته.»
د امریکا ولسمشر دونالډ ټرمپ وايي چې د ناتو غړي هېوادونه باید هغه روسي جنګي الوتکې په نښه کړي چې د دوی هوایي حریم ته ورننوځي.
ټرمپ دا څرګندونې د ملګروملتونو د عمومي اسامبلې د کلنۍ غونډې په څنډه کې د اوکراین له ولسمشر، ولودېمیر زېلېنسکي سره د لیدنې پرمهال کړي دي.
نړیوالو رسنیو د سیمهییزو چارواکو په حواله راپور ورکړی چې دغه پېښه پرون دوشنبه د «تیرا دره» کې رامنځته شوې ده. د پولیسو د لومړنیو معلوماتو له مخې، چاودنې هغه مهال وشوې چې د تحریک طالبان پاکستان (ټيټيپي) اړوند یوې اډې کې د وسلهوالو له لوري د درنو وسلو او چاودېدونکو توکو زېرمې ساتل کېدې.
د سوریې د لنډمهالي حکومت ولسمشر احمد الشرع دوشنبه، وږي ۳۱مه د ملګروملتونو د عمومي اسامبلې د کلنۍ ناستې په څنډه کې د امریکا بهرنیو چارو وزیر مارکو روبیو سره کتلي دي.
د اسراییلو پوځي چارواکو تایید کړې چې د غزې شمال کې د جګړې پرمهال یې، یو سرتېری وژل شوی دی. پوځ ویلي چې وژل شوی سرتېری ناتانېل بوزاګلو نومېږي او ۲۷ کلن و.
د پوځ د معلوماتو له مخې، بوزاګلو د غزې شمال کې د نښتو پرمهال وژل شوی. د اسراییلي پوځ لهخوا د یوې نوې شمېرنې پر بنسټ، د روانې جګړې له پیل راهیسې د وژل شویو سرتېرو شمېر اوس ۹۱۱ ته رسېدلی دی.
د سوریې ولسمشر احمدالشرع د ملګروملتونو د عمومي غونډې په ۸۰مه دوره کې د ګډون لپاره نیویارک ته رسېدلی او هغه د دغه هېواد لومړنی ولسمشر دی چې ۶۷کاله وروسته په دې کلنۍ غونډه کې ګډون کوي.
هغه په یوه بیانیه کې زیاته کړه: «زه تاسو ته بل پیغام لېږم: دا به حقیقت ونهمومي؛ فلسطین هېواد به جوړ نهشي.»
نتنیاهو همداراز اعلان وکړ چې د هغه حکومت به په لویدیځې غاړې کې د ښارګوټو د پراختیا پلانونه پراخ کړي. نوموړي وویل چې د اسراییل رسمي ځواب به امریکا ته د ده له سفر وروسته اعلان شي، چیرې چې د ولسمشر دونالډ ټرمپ سره به هم وګوري.
د لبنان د روغتیا وزارت چارواکي وايي چې د اسراییلو د یوې بېپیلوټه الوتکې د برید پرمهال په سوېلي ښار بنتجبیل کې پنځه کسان وژل شوي چې درې ماشومان هم پهکې شامل دي.
اسراییل له هغه سره سره چې د واشنګټن په منځګړیتوب د لبنان او اسراییلو ترمنځ د نومبر له میاشتې راهیسې د اوربند هوکړه شوې، لاهم د حزبالله پر ضد په سوېلي سیمو کې بریدونه کوي.
د شماليکوریا مشر کیم جونګ اون ویلي که امریکا د دې هېواد د اتومي وسلو د نه جوړولو لپاره خپلې غوښتنې پرېږدي، پیونګیانګ له واشنګټن سره د خبرواترو لپاره چمتو دی.
د شماليکوریا دولتي رسنۍ راپور ورکړی چې، کېم جونګ اون پرون یکشنبه د دې هېواد د عالي مجلس په غونډه کې ټینګار کړی چې د بندیزونو د ختمولو په بدل کې به هېڅکله هم د اتومي وسلو له جوړولو لاس وانهخلي.
د اسراییلو پوځ اعلان کړی چې د غزې له شمال څخه دوه توغندي د اسراییلو پر لور توغول شوي چې یو یې د دفاعي سېسټم له لوري شنډ شوی او بل یې په یوې شاړه سیمه کې راولوېدلی دی.
که څه هم اپل شرکت په ۲۰۲۲ کال کې پر اوکراین د روسیې برید له امله د لوېدیځو بندیزونو له امله په روسیه کې خپل فعالیتونه بند کړی و، خو یاد شرکت د روسیې پلازمېنه مسکو کې خپل نوی ایفون ۱۷ ماډل موبایل د پلور لپاره بازار ته وړاندې کړی دی.
د روسیې د ټکنالوژۍ پرچون پلورونکي “Restore” د ۲۰۲۵کال د سپتمبر په ۲۰مه نېټه وویل چې د نوي ایفون ۱۷ لپاره د مخکې فرمایشونو شمېر د تېرکال په پرتله ۶۶سلنه زیات شوی دی.
د ایران ولسمشر مسعود پزشکیان وايي چې هېواد به یې د ملګروملتونو د امنیت شورا د پرېکړې وروسته د بندیزونو د بیا لګېدو پر وړاندې به مقاومت وکړي او په وینا یې، دغه بندیزونه یې مخه نهشي نیولی.
د اوکراین چارواکي وايي چې د روسیې پوځ د پراخو توغندیزو او ډرون بریدونو په ترڅ کې د اوکراین بېلابېلې سیمې په نښه شوي چې
د برېتانیا حکومت اعلان کړی چې د دې هېواد جګړهییزې جېټالوتکې د لومړي ځل لپاره د ناټو د هوايي دفاع په چوکاټ کې له پولنډ څخه پرواز کړی دی.
د رویټرز خبري اژانس د راپور له مخې، دا ماموریت د «ایسترن سنټري» په نوم د ناټو د نوې دفاعي ستراتیژۍ برخه ده چې موخه یې د ختیځې اروپا د هوايي حریم ساتنه بلل شوې.
د سوریې ولسمشر احمدالشرع وايي چې د امریکا په منځګړیتوب له اسراییلو سره د سولې خبرې وروستي پړاو ته رسېدلي او کېدای شي ژر د ۱۹۷۴م کال د اوربند تړون ته ورته یو هوکړهلیک لاسلیک شي.
