د امریکا ولسمشر ډونالډ ټرمپ ویلي، متحده ایالتونو ایران سره ډېرې ښې خبرې درلودې او ټاکل شوې راتلونکې اونۍ بیا ځلې مذاکرات ترسره شي.
ټرمپ د جمعې په ورځ ناوخته وویل، ایران لېواله دی چې نسبت مخکینیو مذاکراتو ته ډېر کار وکړي، خو دغه برخه کې یې جزییات وړاندې نهکړل.
هغه وویل: «ښکاري چې ایران په جدي توګه غواړي هوکړې ته ورسیږي ـ باید همدا کار وکړي.»
د پاکستان لومړي وزير شهباز شريف د هند پر وړاندې د نړيوال شل اوريز کرېکټ جام (T20 World Cup) د سيالیو د بايکاټ «لوبې نه کولو» پرېکړه تاييد کړې او ويلي يې دي چې دا ګام یې، له بنګلهدېش سره د يووالي د څرګندولو لپاره پورته کړی دی.
پر غزې د اسراییلو په تازه هوايي بريدونو کې لږترلږه ۲۳ فلسطينيانو خپل ژوند له لاسه ورکړی دی. د طبي سرچينو په وينا، دا د اوربند له پيل راهيسې يو له تر ټولو مرګونو ورځو څخه ګڼل کېږي.
الجزيرې شبکې (سلواغې ۱۵مه / فبرورۍ څلورمه) راپور ورکړی چې د وژل شويو کسانو په منځ کې ماشومان هم شامل دي.
د اوکراين او روسيې چارواکو د امريکا په منځګړيتوب د سولې خبرو لومړۍ ورځ پای ته رسولې او ټاکل شوې چې دا خبرې نن پنجشنبه هم دوام ومومي.
دا څرګندونې د اوکراين د مرکچي پلاوي مشر کړې دي. د اوکراين د ملي امنيت او دفاع شورا مشر رستم عمروف ويلي چې د چهارشنبې پر ورځ په ابوظهبي کې شوې خبرې «مانادارې او ګټورې» وې.
د اوکراين ولسمشر ولودېمېر زېلېنسکي وايي چې د روسيې پر وړاندې د جګړې له پيل راهيسې شاوخوا ۵۵زره اوکرايني سرتېري په جګړه کې وژل شوي او تر دې سربېره، «د پام وړشمېر» نور د ورکو کسانو په نوملړ کې شامل دي.
یوه امریکايي چارواکي ویلي چې د متحده ایالاتو پوځ یوه ایرانۍ ډرون چې د «ابراهام لینکلن» د الوتکو وړونکو بېړۍ ته نږدې شوی و، په هوا کې نسکوره کړې ده.
د راپورونو له مخې، یاد ډرون چې شاهد-۱۳۹ نومېده، د الوتکو بېړۍ پر لور روانه وه او د امریکا د اف-۳۵ جنګي جېټالوتکې لهخوا ویشتل شوې.
د اسراییلو پوځ وايي چې د غزې په شمال کې یې یو احتیاطي افسر نن چهارشنبه، فبرورۍ څلورمه، د سهار له لوري د ډزو په یوه پېښه کې سخت ټپي شوی دی.
د پوځ په وینا، دا پېښه هغه مهال رامنځته شوې چې اسراییلي سرتېري د نامعلومو وسلهوالو تر برید لاندې راغلي دي.
د لیبیا د پخواني مشر معمر قذافي زوی «سیفالاسلام قذافي» د لیبیا په زنتان ښار کې وژل شوی دی. دا خبر د لیبیا چارواکو او ځایي رسنیو تایید کړی دی.
د سیفالاسلام قذافي وکیل، خالد الزایدي او د هغه سیاسي سلاکار، عبدالله عثمان، جلا ـ جلا فېسبوک پیغامونو کې د نوموړي د مړینې خبر ورکړی؛ خو د پېښې په اړه یې نور جزییات نهدي شریک کړي.
د ملګروملتونو سرمنشي، انتونیو ګوټرېش، له اسراییلو غوښتنه کړې چې په بېړني ډول غزې ته د بشري مرستو د داخلېدو اجازه ورکړي.
ګوټرېش دا غوښتنه پرون (سهشنبه، د سلواغې ۱۴مه) د امریکا د نیویارک په ښار کې د ملګروملتونو په عمومي غونډه کې د خپلې وینا پرمهال مطرح کړه. د ملګروملتونو سرمنشي همداراز د رفح له پولې د بشري مرستو د اسانه او بېخنډه تېرېدو غوښتنه هم کړې ده.
د امریکا ولسمشر ډونالد ټرمپ اعلان کړی چې واشنګټن دامهال له ایران سره پر خبرو بوخت دی او خبرداری یې ورکړی، که خبرې بېپایلې پای ته ورسېږي، بدې پېښې به رامنځته شي.
د اوکراین چارواکي وايي چې روسیې د توغندیزو او بېپېلوټه الوتکو (ډرون) په بریدونو د دې هېواد یوشمېر سیمې په نښه کړې دي.
د رویټرز خبري اژانس د راپور له مخې، روسیې نن سهار (سهشنبه، د سلواغې۱۴مه / د فبرورۍ ۳مه) د اوکراین پلازمېنه کېیف او د خارکېف ښارونه تر برید لاندې راوستي دي.
د روسیې د امنیت شورا مرستیال دیمیتري مدودف ویلي چې نړۍ یو «ډېر خطرناک» پړاو ته داخله شوې، خو ټینګار یې کړی چې مسکو د درېیمې نړیوالې جګړې غوښتونکی نهدی.
نوموړي دا څرګندونې په داسې حال کې کړي چې د اوکراین جګړه له ۲۰۲۲کال راهیسې د روسیې او لوېدیځ ترمنځ تر ټولو لوی تقابل بلل کېږي.
د اوکراین د بېړنیو خدمتونو ادارې اعلان کړی چې د روسیې د یوې بېپیلوټه الوتکې په برید کې چې د دنیپرو ښار په شاوخوا کې د کانکېندونکو کارګرو پر یوه بس موټر شوی، لږترلږه ۱۵ کسان وژل شوي او اووه نور ټپیان دي.
د پاکستان امنیتي چارواکي وايي چې د یاد هېواد د بلوچستان په ناامنه ایالت کې یې لږترلږه ۱۴۵وسلهوال وژلي دي.
دا عملیات له هغې وروسته پیل شوي چې په دغه ایالت کې پرلهپسې همغږي وسلوال او بمي بریدونه وشول چې له امله یې، نږدې ۵۰ کسانو پهکې ژوند له لاسه ورکړ.
د ایران مذهبي مشر خبرداری ورکړی، که امریکا پر دغه هېواد برید وکړي، دا به په ټوله سیمه کې جګړه راوپاروي.
د ایران مشر ایتالله علي خامنهیي هم د دولتي رسنیو له لارې ویلي، که څه هم ولسمشر ټرمپ ادعا کوي چې سیمې ته یې جنګي بېړۍ لېږلي، خو په وینا یې، «ایرانی ملت به له دې ګواښونو ونه وېرېږي او دا ډول خبرې به د خلکو پر اراده اغېز ونهکړي.»
د حماس د سیاسي دفتر غړي، خلیل الحیه، ویلي چې اسراییل نږدې هره ورځ د اوربند تړون څخه سرغړونه کوي او دا موضوع یې له منځګړو هېوادونو او ځینو ناپېژاندو نړیوالو لورو سره په خپلو وروستیو خبرو کې راپورته کړې ده.
الحیه دا څرګندونې وروسته له هغې وکړې چې اسراییلي ځواکونو په تېرو ۲۴ ساعتونو کې د غزې په سوېلي او مرکزي سیمو کې د هوايي بریدونو پرمهال له ۳۰ څخه زیات فلسطینیان ووژل.
