ایران کې د افغان کډوالو پر وړاندې د محدودیتونو په زیاتېدو سره، د بهرنیو چارو وزارت سیاسي مرستیال شېرمحمد عباس ستانکزي کابل کې د ایران سفیر علي رضا بیکدلي سره لیدنه کې د افغان کډوالو د ستونزو د حل غوښتنه کړې.
مصنوعي ځیرکتیا چې کمپیوټر ته دا واک ورکوي، څو د انسان په څېر فکر وکړي او پرېکړه ونیسي او حتا د انسان چلن هم کاپي کوي، دې ورځو کې ځوانانو ته دا فرصت ورکوي، څو له خپلو نوښتونو کار واخلي او راتلونکې جوړه کړي. د یادې سروې ۷۴سلنه ګډونوالو ویلي، د مصنوعي ځیرکتیا کارونې سره بلدتیا لري او ۲۶.۴سلنه هم ورسره هېڅ ډول بلدتیا نهلري.
د لوګر د عامې روغتیا ریاست چارواکي وایي چې تېره ورځ «یکشنبه، مرغومې ۲۴مه» د دغه ولایت په مرکز پلعلم ښار کې د یوه عمر لرونکي کس مړی موندل شوی دی.
کندهار کې چارواکي وايي چې د کندهارښار په اوومه ناحیه کې د «پنجاو» کانال په ۸۵۲زره امریکايي ډالرو جوړ او ګټېاخیستنې ته سپارل شوی دی.
دغه کانال د ملګروملتونو نړیوال پراختیايي پروګرام «یواېنډيپي» په مالي ملاتړ جوړ شوی. د دې کانال په جوړېدو سره د شاوليکوټ ولسوالي له لوی بند څخه د پنجوايي ولسوالي او د کندهار ښار اوومې ناحیې ځمکې به هم ورسره خړوبې شي.
د اوبو او انرژۍ ریاست تخنیکي سلاکار انجینیر فضلالرحمن عمرزي پل علم خبریالانو ته وویل، یادې پروژې د اوبو او انرژۍ وزارت د پراختیایي بودجې او همکارو موسسو، په مالي ملاتړ د روان کال له پیل څخه تر اوسه پورې د مرکز په ګډون په ټولو ولسوالیو کې پلې شوې دي.
د بهرنیو، کورنیو، صنعت او سوداګرۍ او د کانونو او پترولیم وزارت مسوولان وايي، د بېلاروس هېواد د بهرنیو او کورنیو چارو وزارتونو د لومړي مرستیالانو په ګډون د دغه هېواد د پانګوالو یوه پلاوي کابل ته د سفر پرمهال د یادو وزارتونو له چارواکو سره لیدلي دي.
د کندهار په تختهپل ولسوالي کې په ۸۰۰زره افغانیو د اوبو زېرمه کولو لپاره «حوضونه» جوړېږي.
یاد حوضونه د کندهار کرنې ریاست د پراختیایي بودیجې په مرسته او د یو خصوصي شرکت په تخنیکي همکاري د تختهپل ولسوالي د څادرګه او تنګي سیمو کې د اوبو ذخیرهکولو دوه حوضونه جوړېږي.
د خوست ښاروالي مسوولان وايي چې د روان ۱۴۰۳ کال له پيل څخه تر دې دمه د بېلابېلو اصنافو څخه ۲۰۸ ميليونه افغانۍ عوايد ټول شوي چې د تېرکال په پرتله ډېروالی ښيي. ياده غونډه کې يوشمېر ښاريانو بيا د خوست ښاروالي له کړنو خوښي ښيي، خو غوښتنه کوي چې ښاروالي د ښار پراختيا او ښکلا لپاره ځانګړې پاملرنه وکړي.
د کابل ښاروالي مسوولانو دغه څرګندونې نن شنبه، مرغومې ۲۲مه کابل کې د ښاري نظم ښهوالي، د ښار پروړاندې د خلکو د مسوولیت لاپیاوړي کولو او د چاپېریال او عامه ځایونو د ساتنې په موخه د دغې ادارې د فعالیتونو په اړه د پوهاوي پروګرام کې وکړې. د کابل ښاروالي مسوولان وايي، دغه اداره په یوازې توګه د کابل د هوا له ککړتیا سره مبارزه نهشي کولای.
د افغانستان د بانک مسوولان وايي چې سبا «یکشنبه، مرغومي ۲۳مه» به «۱۶» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (شنبه، د مرغومي ۲۲مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا یکشنبه «۱۶» میلیونه امریکايي ډالر لیلام کړي.
د میدانوردګ له طبیعي پېښو سره د مبارزې ریاست مسوولان وایي چې د دغه ولایت په حصه اول بهسودو ولسوالي کې یوه کس ځان وژنه کړې.
د دغه ولایت د طبیعي پېښو سره د مبارزې رییس مولوي فیضالله جلالي سلاموطندار ته وویل، په لومړۍ حصه بهسودو ولسوالي کې تېره ورځ یوه کس چې شاوخوا ۳۰ کاله عمر لري، ځان وژنه کړې.
د افغانستان لپاره د پاکستان ځانګړی استازی محمدصادق وايي چې روانه میاشت به د علام اقبال تحصیلي بورسونو له شاوخوا ۲۲زره افغانانو انلاین ازموینه واخیستل شي.
نوموړي جمعه، جنورۍ۱۰ پر خپله اېکسپاڼه لیکلي، د علاماقبال ۳پراو تحصیلي بورسونو کې به ترراتلونکو درېوو کلونو ۴۵۰۰ افغان زدهکوونکي د پاکستان پوهنتونونو کې زدهکړې وکړي.
د وزیرمحمداکبر خان ۱۶م پړاو دویمه درجه ولایتي لوبې نن شنبه، جنورۍ ۱۱مه په رسمي توګه د ۴۰ لوبډلو ترمنځ پیل شوې.
دغه سیالي د هېواد په څلورو ولایتونو کې کېږي چې د جنورۍ له یوولسمې د همدې میاشتې تر ۳۱مې به دوام ولري.
په افغانستان کې د ملګرو ملتونو د ماشومانو د ملاتړ صندوق یا یونیسف وايي، په روان زېږدیز کال کې یې د ۲۸زرو افغان روغتیايي کارکوونکو ملاتړ کړی دی. یونیسف په یوه خبرپاڼه کې چې پر اېکس یې خپره کړې، ویلي چې د باکیفیته روغتیايي خدمتونو رسوونکي دغه شمېر کارکوونکي به میندو او ماشومانو ته خدمتونه ورسوي.
د سرپرست حکومت ویاند ذ.بېحالله م.جاهد پر اېکس لیکلي چې د ریاستالوزرا پخوانی سیاسي مرستیال د کډوالو او بېرته راستنېدونکو چارو وزارت د سرپرست په توګه ټاکل شوی دی. نوموړي د جدي په شلمه، پنجشنبې په یوه خبرپاڼه کې زیاته کړې چې مولوي عبدالکبیر د ا.ا د مشر هبت.الله اخوند.زاده د فرمان له مخې، د یاد وزارت د سرپرست په توګه ټاکل شوی دی.
د پکتيا مرکز ګردېز ښار او اړوند سيمو کې بېوزله کورنۍ وايي، د کمزوري اقتصادي وضعیت او د بیو لوړوالي له امله نشي کولی چې د سون توکي واخلي او خپل کورونه پرې ګرم وساتي.
دوی له مرستندويه بنسټونو غوښتنه کوي چې په روان ژمي کې دې ورسره د سون او نورو توکو مرستې وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
