د ننګرهار محلي مسوولان وايي، په دغه ولایت کې د پروني باران، توپان او سېلاب له کبله د مړو شویو شمېر ۴۵ کسانو ته ورسېدو.
د ننګرهار د اطلاعاتو او کلتور ریاست د اطلاعاتو امر صدیقالله قریشي وايي، په یادو سېلابونو کې د ژوبل شویو کسانو شمېر ۳۰۰ ته رسېدلی دی. د نوموړي په خبره، دا شمېرې وروستۍ نهدي او ښايي نورې هم ډېرې شي.
د هرات د ښاروالي ویاند عبدالهادي نوري سلاموطندار ته ویلي چې نن (د چنګاښ ۲۶مه، د سهشنبې ورځ) یې د هرات نانوایيګانو ته نوې نرخنامې ورکړي چې له مخې یې، د یوې ډوډۍ بیه چې ۲۶۰ ګرامه وزن لري، له ۱۰ افغانیو څخه ۸ افغانیو ته را ټیټه شوې ده.
په بغلان کې امنیتي مسوولان وايي چې په دغه ولایت کې یوې ټرافیکي پېښې د ۱۷ کسانو ژوند اخیستی او ۳۴ نور یې ټپیان کړي دي.
د بغلان د امنیې قومانداني ویاند شېراحمد برهاني وايي، نن سهار (د چنګاښ ۲۶مه، د سهشنبې ورځ) یو ۵۸۰ ډوله موټر چې مسافر یې لېږدول، د خنجان ولسوالي اړوند د شمالي سالنګ په تختهسنګ کې له سړک څخه ښي لوري ته اوښتی او رغړېدلی دی.
کندهار کې د غواګانو فارملرونکي وايي چې دغه ولایت کې د «څارویو لمپيسکېن» ناروغۍ زیاتېدو اندېښمن کړي دي.
دغه ولایت کې فارملرونکي له اړوند چارواکو غوښتنه کوي چې څاروي یې، د یادې ناروغۍ پر وړاندې واکسین کړي او په وینا یې، که واکسین نهشي، ډېرې غواګانې به یې لهمنځه لاړې شي.
د میدانوردګ د طبیعي پېښو پر وړاندې د مبارزې ریاست مسوولان وایي چې د دغه ولایت چک ولسوالي کې د وروستیو اورښتونو له امله سېلابونه راوتلي او خلکو ته یې درانه مالي زیانونه اړولي دي.
د لوګر امنیه قومنداني چارواکي وایي چې تېره ورځ «یکشنبه، چنګاښ ۲۴مه» په محمداغې ولسوالي کې په دوه جلاجلا امنیتي پېښو کې د یوه قومي مشر په ګډون دوه کسان وژل شوي دي.
د دغه ولایت امنیه قومنداني ویاند احمدالله انس سلاموطندار ته وویل، د محمداغې ولسوالي په «کیشم» سیمه کې د کورنۍ ستونزو له امله یوه پلار خپل ۱۸ کلن زوی د چاقو په ګزارونو وژلی دی.
د ټرافیکو عمومي ریاست د موټرسایکلونو له چلوونکو غوښتنه کړې چې د موټرسایکل لپاره پلېټ او لایسنسونه واخلي.
دغه ریاست نن دوشنبه، چنګاښ ۲۵مه پر خپله پاڼه یوې خبرپاڼه کې ویلي چې موټرسایکل چلوونکي او مالکین دې، د موټرسایکل ټول اړین اسناد ولري. دغه ریاست ویلي چې موټرسایکل چلوونکي باید د موټرسایکل چلونې پرمهال لایسنس، د خوندیتابه لپاره خولۍ، پلېټ ولري او له دوو کسانو ډېر باید پر موټرسایکل ونهلېږدوي.
دفاعي اتلې لوبډلې ارجنټاین نن یکشنبه، جولای ۱۵مه د کوپا امریکا فوټبال سیالیو په پایلوبه کې کلمبیا ته ۱-۰ ماته ورکړه او د ۱۶م ځل لپاره یې، دغه اتلولي وګټله.
دغه لوبه چې په ۹۰ دقیقو کې له ګول پرته پایته ورسېده، د اضافي دقیقو په ۱۱۲مه دقیقه کې ارجنټاین ته لوتارو مارټینز ګولوهنه وکړه او په همدې یوه ګول یې بریا ترلاسه کړه.
د ترکيې يوه خيريه بنسټ د پکتیا مرکز ګردېز ښار کې ۳۵۵زره امریکایي ډالرو په لګښت یوې دیني مدرسې ته ودانۍ جوړه او ګټېاخیستنې ته سپارل شوې.
د پکتيا مرکز ګردېز کې د ترکيې IDDEF خيريه بنسټ لهخوا په ګردېز ښار کې د شمسالعلوم په نوم يوې ديني مدرسې ته د ۳۵۵زره امريکايي ډالرو په لګښت ودانۍ جوړه او ګټېاخيستنې ته یې سپارلې.
د لوړو زدهکړو وزارت او د ملي پراختیا شرکت ترمنځ نن یکشنبه، چنګاښ ۲۴مه کابل کې د همکارۍ هوکړهلیک لاسلیک کړ.
له شاوخوا یونیم کال وروسته کابل ته د سعودي عربستان د سفیر له بېرته راستنېدو او هېواد کې د برتانیا د سفارت پرانیستلو په اړه د دغه هېواد د بهرنیو مرستو د څار ادارې له غوښتنې وروسته، د سرپرست حکومت د ویاند مرستیال حمدالله فطرت وايي، افغانستان کې د هېوادونو ډیپلوماټیک حضور د ټولو په ګټه دی.
سلاموطندار د ځوانانو ترمنځ له لوړو زدهکړو د پاتېکېدو کچې او لاملونو ترڅنګ، ټولنه کې د لوړو زدهکړو اغېزمنتیا، ټولنه کې د لوړو زدهکړو پرېښودو پایلو او د لوستو ځوانانو د خوښۍ کچې اروزنې لپاره کابل کې سروې کړې چې دې سروې کې ۳۲۰ ځوانانو ګډون کړی دی. په دې سروې کې له ۳۲۰ کسانو، ۶۳ کسان چې ۱۹.۷سلنه کېږي، ښځې دي.
د خوست امنیه قومنداني څخه نن يکشنبه، چنګاښ ۲۴مه سلاموطندار ته په رالېږل شوې خبرپاڼه کې ویل شوي چې دغه ولایت کې امنیتي ځواکونو هغه درې کسان نیولي چې په هوايي ډزو یې نجونې په خپل نوم کړې وې.
په یوې ټولنه کې د ځوانانو ترمنځ د زدهکړو او ښوونې کچه د هماغې ټولنې د پرمختیا او بیاجوړونې بهیر سره مستقیمه اړیکه لري. په یوې ټولنه کې د زدهکړو کچې او د لوستو ځوانانو شمېر، د یوې پرمختللې ټولنې ښکارندوینه کوي، د همدې لپاره دغه سروې له زدهکړو د پاتې ځوانانو د کچې او افغان ټولنه کې یې د پایلو پر ارزونې راڅرخي.
د بغلان امنیتي مسوولان وايي چې د دغه ولایت په اړوند سیمو کې د ټرافیکي پېښو پرمهال اووه کسان مړه او پنځه نور ټپیان شوې دي.
د بغلان امنیې قومنداني ویاند شېراحمد برهاني نن شنبه، چنګاښ ۲۳مه سلاموطندار ته وايي چې لومړۍ پېښه کې یوه سراچه ډوله موټر له رنجر موټر سره ټکر کړی چې له کبله یې د یوې مېرمنې په ګډون شپږ کسان مړه او پنځه نور ټپیان شوې دي.
د ځوانانو راډیو فوټسال جام د مرکزي زون سیالي چې دا ځلې په غزني کې جوړې شوې وې، د میدانوردګ د امېدوطن لوبډلې په بریا پای ته ورسېدې.
دغه سیالي د غزني، میدانوردګ، بامیان او دایکندي ولایتونو د فوټسال لوبډلو ترمنځ پرون جمعه، چنګاښ ۲۲مه په غزني ښار کې جوړې شوې وې.
