کابل کې د سړکونو پر غاړه د لاسي توکو پلورونکې وايي چې د بېوزلي له امله هره ورځ له سهار تر ماښامه د یوې مړۍ ډوډۍ پیداکولو لپاره خپله ټوله ورځ پر سړکونو تېروي.
دوی سلاموطندار ته وايي چې ستونزې یې ډېرې او ژوند یې له کړاوونو ډک دی. یادې مېرمنې زیاتوي چې مجبوریت او تنګسیې اړ کړې چې یوې مړۍ ډوډۍ پسې له کوره بهر راووځي.
د میدانوردګ محلي مسوولان وایي چې د دغه ولایت په جلرېز ولسوالي کې د «انډرېس» په نوم یوه امریکايي اسلام مبارک دین قبول او مسلمان شوی دی.
د افغانستان بانک مسوولان وايي چې هرات ولایت کې یې، څه باندې پنځه میلیونه زاړه افغاني بانکنوټونه چې د چلښت وړ نهوو، سوځولې دي.
دغه بانک نن دوشنبه، د زمري ۱۵مه پر خپله اېکسپاڼه لیکلي چې د هېواد په لوېدیځ زون هرات کې پنځه سوه نهه پنځوس میلیونه او ۱۴۱زره، زړې افغانۍ سوځولې دي.
د زابل محلي مسوولان وايي چې دغه ولایت کې بېګاه شپه د شویو اورښتونو له امله سېلابونه راوتلي چې پرمهال یې، لس کسان مړه او یو بل ټپي شوی دی.
سېلابونه د دغه ولایت په مرکز او یوشمېر ولسوالیو کې راوتلي دي. د مسوولانو په وینا، دغه کسان د شینګۍ ولسوالي اړوند سیمو کې مړه او ټپیان شوې دي.
په کابل کې پر نشهيي توکو یوشمېر روږدې مېرمنې وايي چې نشې یې ژوند ور تريخ کړی دی. راحله (مستعار نوم) چې ۲۹ کاله عمر لري، له تېرو درېوو میاشتو راهیسې له خپلو درېوو ماشومانو سره د کابل ښار د روږدو مېرمنو او ماشومانو د درملنې په ۱۵۰ بستریز روغتون کې بستر ده. هغه وايي، دا یې دويم ځل دی چې نشې ته مخه کوي. د نوموړې په وینا، خاوند یې چې پر نشهيي توکو روږدی دی، دا اړ کړې چې نشهيي توکي وکاروي.
د عدلیې وزارت مسوولانو د یکشنبې په ورځ د اطلاعاتو او رسنیو مرکز کې د امارتي ادارو د یوکلنو لاستهراوړنو د وړاندې کولو په پروګرام کې وویل چې په تېر لمریز کال کې یې د قوانینو، اصولنامو، فرمانونو، حکمونو، مقرراتو، اساسنامو او لایحو په ګډون، ۱۰۱ تقنیني سندونه ارزولي دي.
د دغه وزارت د مسلکي چارو مرستیال عبدالکریم حیدر وویل، دغه وزارت تېر کال ۴۷ قانونه وروستي کړي او د توشېح لپاره یې د ا.ا مشر ته لېږلي چې په وینا یې، پنځه هغه یې توشېح شوي دي.
د لوګر د کلیو پراختیا او بیارغونې ریاست چارواکي وايي چې د ماشومانو لپاره د ملګروملتونو ملاتړې ادارې (UNICEF) له لوري د څه باندې شپږ
پنجشېر یوشمېر څارويلرونکي وايي چې د لبنیاتو پلور لپاره بازار نهلري او دې چارې له خپل کاروبار ستړي کړې دي.
د پنجشېر د درې ولسوالي اوسېدونکی خالمراد ابراهیمي وايي، د لبنیاتو پلور له امله یې، عواید کم دي او نهشي کولی چې د خپلې کورنۍ اړتیاوې پرې برابرې کړي.
د پکتيا د کرنې، اوبولګولو او مالداری رياست مسوولان وايي چې سږکال په دې ولايت کې د غنمو په حاصلاتو کې زیاتوالی راغلی دی.
د مسوولانو په وینا، سږکال دغه ولایت کې ۲۷زره او پنځه سوه هکتاره للمي او ابيځمکه باندې غنم کرل شوي وو چې تېرکال ته په پرتله ۱۹سلنه زياتوالی ښيي. د هغه په وينا، روان کال د موسسو په مرسته په ډېری سيمو کې اصلاح شوي تخمونه وېشل شوي چې ښه پایله یې ورکړې.
د لوګر بدني روزنې او ورزش امریت چارواکي وایي چې د کانګفو ورزش فدراسیون له لوري د دغه ولایت په مرکز پلعلم کې د کانګفو یو ورځنۍ سیالي پای ته ورسېدې.
سلاموطندار د ځوانانو ترمنځ د مطالعې کچې ارزونې او مطالعې ته د انګیزې کمښت لاملونو موندلو په موخه له ۶۸ زدهکوونکو او زدهکړیالانو سره مرکې کړي چې پرمهال یې، موندل شوې، ډېری دغه ځوانان مطالعې سره لېوالتیا نهلري. د تخار اوسېدونکی حسیبالله چې زدهکړیال دی، وايي، د پخوا په پرتله یې، مطالعې ته انګېزه کمه شوې او اوس ډېره کمه مطالعه کوي.
د تخار د «دشتقلعه» ولسوالي یوشمېر اوسېدونکي د «ایخانم» چینې ویجاړېدو څخه اندېښنه ښيي او له اړوند مسوولانو او ادارو غواړي چې دغه چینه او شاوخوا دیوالونه یې، بېرته ورغوي.
د دشتقلعه ولسوالي اوسېدونکي اسدالله سلاموطندار ته وویل چې سرپرست حکومت باید دې چینې ته ځانګړې پاملرنه وکړي.
د افغانستان او پاکستان ترمنځ د تورخم لاره یو ځل بیا د باروړونکو موټر پرمخ تړل شوې چې له امله یې، دواړو لوریو ته سلګونه موټر ایسار دي.
پاکستاني او د افغانستان سرپرست حکومت چارواکي وايي، د باروړونکو موټروچلوونکو د اړینو اسنادو د نهلرلو له امله له کرښې د اوښتو اجازه نه ده ورکړل شوې. له دې وړاندې هم د تورخم دروازه په وار وار تړل شوې چې د دواړو لوریو ترمنځ د خبرو او ځینې وخت د هوکړو له مخې، بېرته پرانېستل شوې ده.
د بامیان محلي مسوولان وايي چې دغه ولایت کې د یوې ټرافیکي پېښې پرمهال پنځه کسانو خپل ژوند له لاسه ورکړی او دوه نور ټپیان شوې دي.
پېښه نن جمعه، زمري ۱۲مه له غرمې مخکې د یاد ولایت د شبیر ولسوالي په پایموري سیمه کې رامنځته شوې. پېښه کې یوه کرولا ډوله موټر له یوه باروړونکي موټر سره ټکر کړی دی. په مړو شویو کې دوه مېرمنې هم شاملې دي.
د کابل د انتاني روغتون ډاکټران وايي، د وروستیو ورځو پرمهال د ګرمۍ په ډېرېدو سره پر بېلابېلو ناروغیو د اختهکېدو ناروغانو شمېر لوړ شوی دی.
کابل کې ډېری د اسهالاتو، محرقې، تبې، ټوخي او د زېړي ناروغان، روغتونونو او د درملنې مرکزونو ته مراجعه کوي.
کندهار کې چارواکي وايي چې دغه ولایت کې له ۴۵ کلن ځنډ وروسته، د رخت او وړینو توکو دوه تولیدي کارخونې بیافعالې شوې دي.
دغه ولایت کې د رخت اوبدلو فابريکې ریيس محمدسليم صابر سلاموطندار ته وویل، دغه کارخونه کې دامهال شاوخوا ۳۰۰۰ ماشينونه موجود دي، خو یوازې ۴۰۰ یې، فعاله دي.
