د اسلامي امارت رییسالوزرا ملا محمد حسن اخوند د مالیزیا لوموي وزیر داتو محمد انور ابراهیم سره ټلیفوني اړیکه کې د سیمهییزو انکشافاتو، په ځانګړي ډول د افغانستان او پاکستان پر وروستي وضعيت خبرې کړي.
د اسلامي امارت د ویاند مرستیال حمدالله فطرت تېره شپه پر اېکسپاڼه لیکلي چې ملا حسن اخوند دغه ټلیفوني اړیکې کې وویل، اسلامي امارت د تفاهم او ګډې همکارۍ له لارې د ستونزو په حل باور لري او تاوتريخوالی د هېڅ لوري په ګټه نهدی.
په کندهار، هلمند او زابل کې چارواکي وايي چې یاد ولایتونو کې د وروستیو سېلابونو له امله خلکو ته درانه ځاني او مالي زیانونه اوښتي دي. د لومړنیو معلوماتو له مخې، لږترلږه ۱۱ کسانو ته مرګژوبله اوښتې او تر ۲۰۰ ډېر کورونه ویجاړ شوي دي.
د اسلامي امارت او پاکستان ترمنځ د نښتو له زیاتېدو څه باندې یوه میاشت تېریږي، خو د کړکېچ پایته رسولو لپاره لا هم روښانه لیدلوری نه تر سترګو کېږي.
د تېرې شاوخوا یوې میاشتې پرمهال د اسلامي امارت او پاکستاني ځواکونو ترمنځ نښتو او جګړو، د امنیتي اندېښنو ترڅنګ، اقتصادي اندېښنې هم زیاتې کړي.
د دوی په وینا، د انټرنېټ ټیټ کیفیت او پرلهپسې پرېکېدل، خلک د ورځنیو کارونو په مخته وړو کې له جدي ستونزو سره مخ کړي دي.
د کابل اوسېدونکی نجیبالله وایي: «د انټرنېټ خدمات په ډېر لوړ لګښت فعالوم، هره میاشت شاوخوا دوه زره تر دوه نیم زره افغانیو پورې پیسې ورکوم، خو بیا هم کیفیت ښه نه دی. هر ولایت ته چې ځم، بېلابېل سیمکارتونه کاروم، ځکه په هر ځای کې یو سیمکارت کار نه کوي، او د انټرنېټ د کمزورۍ له امله مې یو مهم کاري فرصت هم له لاسه ورکړ، ځکه ونه توانېدم په یوه کاري غونډه کې ګډون وکړم.»
د افغانستان لپاره د اروپایي ټولنې چارواکو ویلي چې دوی به د تر ټولو زیانمنو کسانو د ملاتړ لپاره ۲۵۰زره یورو بشردوستانه مرسته وکړي.
د اروپایي ټولنې نن پنجشنبه، د وري ۶مه راپور ورکړی چې دغه مرسته د هغو کسانو لپاره ده چې د جګړو د زیاتوالي له امله بې کوره شوي او همدارنګه د تېرکال د زلزلې له امله زیانمن شوي دي.
د اسلامي امارت او پاکستان ترمنځ د روانو کړکېچ او په سیمه کې د ایران، امریکا او اسراییلو د جګړې له امله د نورو ناخوالو ترڅنګ، په نړیواله کچه پر بازارونو هم اغېزې کړې دي.
له دې سره هممهاله، د هېواد یوشمېر اوسېدونکي هم په کورنیو بازارونو کې د خوراکي او سونتوکو د بیو له لوړېدو اندېښمن دي.
افغانستان کې نوی تعلیمي کال پیل شوی، خو شاوخوا ۴ نیم کاله کیږي چې د نجونو پر زدهکړو محدودیتونه دوام لري.
په دغه موده کې ځینې نجونې واده شوي، ځینو آنلاین زدهکړو ته مخه کړې، یو شمېر بیا په مسلکي مهارتونو بوختې شوي، خو ګڼ شمېر یې په کورنیو چارو بوختې او د رواني فشار له اغېزو سره مخ دي.
سلاموطندار د دغو نجونو لپاره د بدیل لارو څېړلو په موخه له زدهکړو محرومو ۱۵ نجونو او ۶ مېندو سره مرکې کړي.
د اسلامي امارت د اوبو او انرژي وزارت د اوبو معین مجیبالرحمن عمر اخندزاده د ازبیکستان پلازمېنه تاشکند کې «د اوبو اونۍ» تر عنوان لاندې فورم کې ګډون کړی.
د اوبو او انرژۍ وزارت نن پنجشنبه پر اېکسپاڼه لیکلي چې هغه دغې غونډې ته وینا کې د افغانستان او منځنۍ اسیا هېوادونو ترمنځ د اوبو د عادلانه وېش پر اهمیت، د اوبو ډیپلوماسۍ پر پیاوړتیا، د اوبو مدیریت برخه کې د نوې ټکنالوژۍ په کارونې او د اقلیمي بدلونونو د اغېزو پر وړاندې د ګډو همکاریو پر اړتیا ټینګار کړی.
د هلمند یو شمېر شمالي او مرکزي ولسوالیو کې د وروستیو ورښتونو او سېلابونو له امله ځاني زیان اړولی او ګڼ کورونه، کرنیزې ځمکې او عامه تاسیسات زیانمن شوي.
د هلمند د اطلاعاتو او کلتور رییس حافظ عبدالباري راشد سلاموطندار ته ویلي، د لومړنیو مالوماتو له مخې، نهرسراج، ګرشک، باباجي، ناوه، نادعلي، مارجې، کجکي، موسیکلا، نوزاد، سنګین او واشېر ولسوالیو کې سېلابونو یو چکډېم، د خلکو ګڼ شمېر کورونه او کرنیزې ځمکې ویجاړې کړي.
تورخم دروازه نن پنجشنبه له نږدې یو میاشتني ځنډ وروسته، بیرته د راستنېدونکو کډوالو پر مخ پرانیستل کیږي. د ننګرهار د اطلاعاتو کلتور ریاست د
سره له دې چې د اسلامي شریعت او افغانستان کې نافذ قوانین د پلار له مړینې وروسته د ماشومانو د سرپرستۍ حق مور ته ورکوي، خو یو شمېر کونډې ښځې له سلاموطندار سره خبرو کې وایي چې د مېړه د کورنۍ له لوري له دې حقه محرومې شوي دي.
پخوانی ولسمشر حامد کرزی د نجونو او هلکانو لپاره د علم زدهکړه، د هېواد د پرمختګ، قوت، ځان بسیاینې او باعزته ژوندانه لپاره حیاتي بولي. هغه ویلي، له تعلیمه د نجونو محرومېدل او د ښځو پر کار بندیز ورځ تر بلې ولس لا ډیرې ناتوانۍ سره مخ کولی شي او د دې حالت دوام به د هېواد د ثبات او پرمختګ لپاره نه جبرانېدونکی زیان پېښ کړي.
میدانوردګ کې د ۵۰ غوره لوبغاړو ترمنځ د غشي وېشتلو سیالۍ ترسره شوې. د میدانوردګ د بدني روزنې او سپورټ امریت مسوولان وایي، د چک
د پکتیا د کرنې، اوبو لګونې او مالدارۍ ریاست مسوولان وایي، د لومړي ځل لپاره دغه ولایت کې د حاصل په نوم د یوه بنسټ
فراه کې د نجیبې ناجي په نوم یوې ښځې د مړزانو روزنې کاروبار پیل کړی، څو د خپلې کورنۍ د لګښتونو په برابرولو کې فعاله
غور کې د سېلابونو له امله بېځایه شوې کورنۍ د ژوند د لومړنیو اسانتیاوو له نشتوالي شکایت کوي.
د سېلابونو له امله یو شمېر بېځایه شوي چې دامهال د غور مرکز فیروزکوه ښار ختیځ ته د «پشتهګامورک» سیمه کې ژوند کوي، وایي چې دوه کاله وړاندې له خپلو سیمو بېځایه شوي، خو تراوسه یې بنسټیزو خدماتو او اسانتیاوو ته لاسرسی نه دی موندلی.
