د هلمند يو کروندګر محمدعوض وايي، هر کال د خپلو کروندو د خړوبولو لپاره لازمو اوبو ته لاسرسی نهلري. د هلمند ګروندګر په دغه ولایت کې د اوبو کمښت اندېښمن کړي دي. محمدعوض له حکومت څخه د دې ستونزې د هواري په برخه کې د مرستې غوښتنه کوي.
د اوبو نشتوالی د هلمند د کروندګرو یوازینۍ ستونزه نهده، خو دې ننګونې په تېرو څو کلونو کې په هېواد کې د ډېرو کروندګرو کورنیو پر ژوند سیوری غوړولی دی.
د ډسمبر نهمه له فساد سره د مبارزې نړیوالې ورځې سره برابره ده. د ا.ا ویاند ذبېح.الله م.جاهد وايي، په افغانستان کې د فساد کچه صفر ته نږدې شوې ده. د نوموړي په وینا، ا.ا په تېرو درېوو کلونو کې د فساد پر وړاندې جدي مبارزه کړې او په راتلونکې کې هم ورته ژمن دی. هغه زیاتوي: «ا.ا د فساد له بېلابېلو ډولونو سره سخته مبارزه کړې. مخکې افغانستان په نړۍ کې د فساد له اړخه لومړی او دویم ځای درلود، خو اوس په افغانستان کې صفر ته نږدې شوی دی.»
نړیوال بانک وايي، د افغانستان تولیدات په روان زېږدیز کال کې ۲،۷ سلنه زیات شوي او دغو تولیداتو د تېرو اقتصادي زیانونو یوازې ۱۰ سلنه جبران کړي دي.
دغه بانک په یوه راپور کې لیکلي چې افغانستان په روان زېږدیز کال کې د منځنۍ کچې اقتصادي وده کړې او دې ودې یې په اقتصاد کې د تشکیلاتي ستونزو پر حل ډېر کم اغېز کړی دی.
د سالنګ لویې لارې یوشمېر مسافرین دغه لاره کې د لومړنیو خدمتونو له نشتون څخه شکایت کوي او له ټولګټو وزارت غواړي چې پر دې لاره تلونکو مسافرو ته اسانتیاووې برابرې کړي.
د کندوز اوسېدونکی احمد وايي، حکومت باید پر یاده لاره د مسافرو لپاره د اوسېدو ځای، روغتیايي مرکزونه او درملتونونه جوړ کړي.
په هېواد کې پانګونې ته د افغان پانګوالو د لېوالتیا په اړه د ایران د سوداګرۍ او صنایعو خونې د مشر له څرګندونو وروسته، د افغانستان د سوداګرۍ او پانګونې خونې مسوولان وايي، هېواد کې د پانګونې ټولو فرصتونو له موجودیت سره سره، نړیوال بندیزونه یوه لویه ستونزه ده.
د افغانستان بانک مسوولان وايي چې سبا « دوشنبه، لیندۍ ۱۹مه» به «۱۶» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (یکشنبه، لیندۍ ۱۸مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا دوشنبه «۱۶» میلیونه امریکايي ډالر لیلام کړي.
په روزګان کې د ورزش برخې مسوولان وايي چې یاد ولایت کې د اتو لوبډلو ترمنځ د فوټبال پیل شوې سیالي پای ته ورسېدې.
د فوټبال دغه لوبې د ورزش ودې او ځوانو استعدادونو د پېژندنې په موخه پیل شوې وې چې یوه میاشت یې، دوام وکړ. د یادو لوبو اتولي د ځوانانو لوبډلې په بریا پای ته ورسېدې.
لوګر کې چارواکي وايي چې د ازرې ولسوالي ولسونو ته لس ورځې اجازه ورکړل شوه چې د خپلې سیمې غرني او وچ لرګي د پلور لپاره بازار ته وړاندې کړي.
د دغه ولایت د کرنې او مالدارۍ ریاست د طبیعي منابعو امر نصرالدین بهیج سلاموطندار ته وویل، د ولایت په کچه ازرې ولسوالي ته په دې تړاو یو پلاوی لېږل شوی و.
د میدانوردګ محلي چارواکي وایي چې د دغه ولایت په جغتو ولسوالي کې د ۴۰ کېلومټره سړک د بیارغونې چارې پيل شوې.
د دغه ولایت والي قاري بختیار معاذ له محلي چارواکو سره په ګډه یادې ولسوالي ته د خپل سفر په ترڅ کې د یاد سړک بیارغونې چارې پیل کړې.
زرمینه د روزګان په یوه کلیوالي سیمه کې ژوند کوي او د خپل وژل شوي خاوند د حقوقو ترلاسه کولو په لټه کې ده. زرمینه د خپلو یتیمو ماشومانو د پالنې او د ناروغۍ له کبله له ستونزو سره لاس او ګرېوان ده.
نوموړې وايي چې تراوسه ورسره د حکومت له لوري هېڅ ډول مرسته او لاسنیوی نهدی شوی.
د بدخشان د اطلاعاتو او فرهنګ ریاست مسوولان وايي چې دغه ولایت کې د «حکیم ناصر خسرو» مقبرې د بیارغونې چارې بشپړې شوې دي.
دغه مقبره د بدخشان یمګان ولسوالي کې ده چې د لومړي ځل لپاره په معیاري توګه بیارغول شوې.
د پکتیا محلي مسوولان وايي چې دغه ولایت کې د یوه کانال و سربند د جوړېدو چارې بشپړې او ګټېاخیستنې ته سپارل شوي دي.
د یاد ولایت د کلیو بیارغونې او پراختیا رياست له لوري نن شنبه، لیندۍ ۱۷مه سلاموطندار په لېږل شوې خبرپاڼه کې ويل شوي چې دغه سربند او کانال د څمکنیو ولسوالي په مندهخېلو کې جوړ شوي دي.
د لوګر امنيه قومنداني چارواکي وايي چې جمعه، لېندۍ ۱۶مه سهار د کابل-لوګر پر لویه لاره د يوې ټرافيکي پېښې له امله دوه کسان مړه او دوه نور ټپیان شوي دي.
د دغه ولايت امنيه قومنداني وياند مولوي احمدالله انس سلاموطندار ته وويل، دغه پېښه د کابل-لوګر پر لويه لاره د مرکز پلعلم ښار اړوند په «ششقلعه» سیمه کې د يوه ټېلر او رنجر موټر د ټکر له امله رامنځته شوې.
د زابل امنیتي مسوولان وايي چې دغه ولایت کې د تېرو شپو میاشتو پرمهال ۷۰ جنايي پېښې شوي چې په تور یې، ۱۰۸ کسان هم نیول شوي دي.
چارواکي وایي چې تېر ته په پرتله دغه ولایت کې د جنايي جرمونو پېښې د پام وړ کمې شوي او په وینا یې، لامل یېو د جرمونو مخنیوي لپاره د امنیتي ځواکونو پر وخت مداخله او عملي اقدامات دي.
په دې لوبو کې رسۍکشکول، ډبره غورځونه، او د لاس زور سیالي شاملې وې. د یادو سیالیو پیل په مراسمو کې د کندهار د سپورټ او بدني روزنې ریاست معاون حیاتالله عتیق، د ملي او عنعنوي لوبو لوی مدیر حکمتالله عبیدي، د غیرالمپيکي لوبو مدیر احمدولي مدیرآغا، او ګڼشمېر ورزشي مسوولانو او نندارچیانو ګډون کړی وو.
روزګان کې د اطلاعاتو او فرهنګ ریاست مسوولان وايي چې دغه ولایت کې ۳۵ ډوله کانونه تثبیت شوي چې له ډلې یې، د مرمرو او پلورایټو یوولس کانونه کورنیو ته په قرارداد ورکړل شوي دي. د هغوی په وینا، دا پیسې باید د عامه تاسیساتو جوړولو، لکه ښوونځیو، روغتونونو، سړکونو او نورو پرمختیايي پروژو لپاره وکارول شي.
