د خوړو نړیوال پروګرام (WFP) اعلان کړی چې د اروپايي ټولنې له لوري له افغانستان سره څلور میلیونه او شپږ سوه زره ډالر مرسته شوې ده.
د دې پروګرام په خبرپاڼه کې ویل شوي چې دغه مرسته به د ملګروملتونو د بشري مرستو د هوایي خدمتونو (UNHAS) د فعالیتونو او د ژغورونکو مرستو د لېږد په ځانګړې توګه د افغانستان لرې پرتو سیمو ت ولګول شي.
د اوزبیکستان ولسمشر شوکت میرضیایف د ملګروملتونو عمومي اسامبلۍ ته په خپله وینا کې ویلي چې نړیواله ټولنه باید د افغانستان د خلکو د سولهییز او باثباته ژوند د هیلو د پورهکېدو لپاره همغږي او ګډ ګامونه واخلي.
مکرون له نیویارک څخه فرانسوي «بیاِفاِم» تلویزیون سره په مرکه کې ټینګار وکړ چې یوازې د امریکا ولسمشر کولای شي، پر اسراییل د جګړې د بندېدو فشار راوړي. هغه وویل: «موږ د جګړې د دوام لپاره وسلې نهورکوو، خو امریکا دا کار کوي، نو یوازې واشنګټن کولی شي اغېزناک فشار راوړي.»
د ترکیې ولسمشر رجب طیب اردوغان د ملګروملتونو د عمومي اسامبلې په وینا کې له نړیوالې ټولنې وغوښتل چې د فلسطین دولت په رسمیت وپېژني او په غزه کې ژر تر ژره اوربند اعلان کړي.
اردوغان یادې غونډې ته وویل: «له ټولو هغو هېوادونو مننه کوم چې فلسطین یې په رسمیت پېژندلی دی. هغه هېوادونه چې لا یې دا کار نهدی کړی، باید ژر تر ژره دغه پرېکړه وکړي.»
د ایران مذهبي ایتالله علي خامنهيي، اعلان کړی چې دغه هېواد د اټومي وسلو د جوړولو هوډ نهلري، خو د یورانیمو د غنيکولو بهیر به هم ونهدروي.
خامنهيي دا څرګندونې د ایران د دولتي راډیو او تلویزیون له لارې په ژوندۍ بڼه کړې دي. نوموړي وویل: «موږ د اټومي وسلو جوړولو نیت نهلرو، خو د غنيکولو د درولو هېڅ پرېکړه نشته.»
د امریکا ولسمشر دونالډ ټرمپ وايي چې د ناتو غړي هېوادونه باید هغه روسي جنګي الوتکې په نښه کړي چې د دوی هوایي حریم ته ورننوځي.
ټرمپ دا څرګندونې د ملګروملتونو د عمومي اسامبلې د کلنۍ غونډې په څنډه کې د اوکراین له ولسمشر، ولودېمیر زېلېنسکي سره د لیدنې پرمهال کړي دي.
د افغانستان د احصائیې او معلوماتو ملي ادارې چارواکي وايي چې د بهرمېشتو افغانانو لپاره د پېژندپاڼو د وېش بیه راټیټه شوې ده.
یادېادارې نن (سهشنبه، د تلې لومړۍ نېټه) په یوې خپره کړې خبرپاڼه کې ویلي چې دا پرېکړه د دې لپاره شوې، څو بهر مېشتو افغانانو ته د اسنادو د ترلاسه کولو په بهیر کې اسانتیاوې رامنځته شي.
نړیوالو رسنیو د سیمهییزو چارواکو په حواله راپور ورکړی چې دغه پېښه پرون دوشنبه د «تیرا دره» کې رامنځته شوې ده. د پولیسو د لومړنیو معلوماتو له مخې، چاودنې هغه مهال وشوې چې د تحریک طالبان پاکستان (ټيټيپي) اړوند یوې اډې کې د وسلهوالو له لوري د درنو وسلو او چاودېدونکو توکو زېرمې ساتل کېدې.
اروپایي ټولنې اعلان کړی چې د افغانستان ختیځ کې د وروستۍ مرګونې زلزلې له زیانمنو شویو کورنیو سره د دوی د بشردوستانه مرستو لړۍ لاهم روانه او تازه یې، د مرستو بله چوپه دغه هېواد ته لېږلې ده.
د بدخشان چارواکي وايي چې د یاد ولایت د تګاب ولسوالي اوسېدونکي د دغې ولسوالي د پوهنې امریت لپاره د نوې ودانۍ د جوړېدو چارې پیل کړې دي.
د بدخشان د پوهنې ریاست د نشراتو مسوول عبدالغني عابدي وایي، نوې ودانۍ به په پنځه بسوه ځمکه کې د خلکو په لګښت جوړېږي.
د سوریې د لنډمهالي حکومت ولسمشر احمد الشرع دوشنبه، وږي ۳۱مه د ملګروملتونو د عمومي اسامبلې د کلنۍ ناستې په څنډه کې د امریکا بهرنیو چارو وزیر مارکو روبیو سره کتلي دي.
د اسراییلو پوځي چارواکو تایید کړې چې د غزې شمال کې د جګړې پرمهال یې، یو سرتېری وژل شوی دی. پوځ ویلي چې وژل شوی سرتېری ناتانېل بوزاګلو نومېږي او ۲۷ کلن و.
د پوځ د معلوماتو له مخې، بوزاګلو د غزې شمال کې د نښتو پرمهال وژل شوی. د اسراییلي پوځ لهخوا د یوې نوې شمېرنې پر بنسټ، د روانې جګړې له پیل راهیسې د وژل شویو سرتېرو شمېر اوس ۹۱۱ ته رسېدلی دی.
د لوګر د کرنې، اوبولګولو او مالدارۍ ریاست مسوولان وايي چې د ملګروملتونو د خوړو او کرنې نړیوال سازمان (FAO) له لوري ۴۰زره څارویو ته د طاعون ناروغۍ ضد واکسین د عملي کېدو پروګرام پیل شوی دی.
د سوریې ولسمشر احمدالشرع د ملګروملتونو د عمومي غونډې په ۸۰مه دوره کې د ګډون لپاره نیویارک ته رسېدلی او هغه د دغه هېواد لومړنی ولسمشر دی چې ۶۷کاله وروسته په دې کلنۍ غونډه کې ګډون کوي.
د لبنان د روغتیا وزارت چارواکي وايي چې د اسراییلو د یوې بېپیلوټه الوتکې د برید پرمهال په سوېلي ښار بنتجبیل کې پنځه کسان وژل شوي چې درې ماشومان هم پهکې شامل دي.
اسراییل له هغه سره سره چې د واشنګټن په منځګړیتوب د لبنان او اسراییلو ترمنځ د نومبر له میاشتې راهیسې د اوربند هوکړه شوې، لاهم د حزبالله پر ضد په سوېلي سیمو کې بریدونه کوي.
د ګردېز ښاروالي مسوولان وايي چې د ښار اړوند د ولايت مقام او امنيه قومنداني ترمنځ د کابل- ګردېز عمومي لين سړک د ۱۲۰۶ مترو په اوږدوالي د جوړيدو چارې پيل شوې دي.
