د نسايي-ولادي برخې یوشمېر ډاکټران وايي چې د سالمې اومېندوارۍ لپاره له اومېندوارۍ وړاندې او د اومېندوارۍ پرمهال په منظمه توګه ډاکټرانو ته د مېرمنو ورتګ اړین دی.
سلاموطندار په دغه راپور کې له شپږو اومېندوارو مېرمنو سره د مرکو پرمهال موندلې چې ډېری مېرمنې د شته دودونو او شرم لرلو له امله ډاکټر ته د معاینو لپاره په ځنډ یا هم کمه مراجعه کوي.
د خُلم ولسوالي د «ایشان داکي» سیمې اوسېدونکي سلاموطندار ته وايي، که څه هم د زلزلې په لومړیو ورځو کې د خوړو نړیوال سازمان WFP، د ملګروملتونو د ماشومانو د ملاتړ صندوق یونېسف، سره صلیب او نورو ادارو له لوري ورسره د نغدو پیسو، اوړو او نورو لومړنیو توکو مرستې شوي، خو په وینا یې، دغه مرستې ورته بسنه نهکوي.
د لوګر محلي مسوولان وايي چې د دغه ولایت په ټولو ولسوالیو کې د معیاري ترانسپورتي ترمینلونو د جوړولو په موخه د ځمکو د تثبیت لړۍ پیل شوې او ډير ژر به د یادو ترمینلونو د جوړولو عملي چارې پيل شي.
د لوګر د والي ویاند صدیق احمدصدیقي سلاموطندار ته وویل چې د یادو پروژو اساسي هدف د ترانسپورټ د منظم سېسټم رامنځته کول، ولسي خلکو ته د تګراتګ اسانتیاوې برابرول او په ولایت کې د دولتي خدمتونو د ساحې پراخول دي.
د لوګر د کرنې او مالدارۍ ریاست مسوولان وایي چې د ۱۴۰۴کال له پیل راهیسې تر دې دمه د دې ولایت د شته ۷۶ غوښینو چرګانو فارمونو څځه څه باندې ۸۰۰ ټُنه د چرګانو غوښه تولید او بازار ته وړاندې شوې ده.
د هرات د یوه تولیدي شرکت مسوولان وايي چې د دوی له لوري تولید شوي د ګازو تانکرونه روسیې، اوزبیکستان او قزاقستان ته صادرېږي.
د پکتیکا ولایت د پوهنې ریاست څخه په خپره شوې خبرپاڼه کې ویل شوي چې په بېلابېلو سيمو کې د ۱۸ مدرسو او ښوونځیو د ترمیم چارې د نږدې پنځه میلیونه افغانیو په لګښت بشپړې شوې دي.
فراه کې چارواکي وايي چې دغه ولایت کې د یوې مېرمنې په ګډون درې کوډکر او درې شرابجوړونکي نیول شوي دي.
د فراه د امربالمعروف او نهېعنالمنکر رییس عبدالحمید صمیم وايي چې دغه کسان پرون سهشنبه، لیندۍ څلورمه، د بالابلوک او پشتکوه ولسوالیو کې نیول شوي دي.
د کندهار کرنې ریاست د معلوماتو له مخې، په ۱۴۰۴کال کې له دغه ولایت څخه ۲۹زره او ۷۸۴ ټنه انځر بهرنیو بازارونو ته صادر شوي دي.
دا په داسې حال کې ده چې تېرکال یوازې ۱۳زره او ۲۰۶ ټنه انځر صادر شوي وو. د دې شمیرو له مخې، سږکال د انځرو صادرات ۱۶زره او ۵۷۸ ټنه زیات شوي دي.
سمنګان کې د نومبر دویمې له زلزلې وروسته ګڼشمېر کورنۍ سرپناه نهلري او دامهال خیمو کې ژوند کوي. د سمنګان فیروزنخچیر ولسوالي کې د وروستۍ زلزلې پرمهال اغېزمن شوي خلک وايي چې اساسي روغتیايي خدماتو ته لاسرسی نهلري او د ژمي په رارسېدو سره یې روغتیایي وضعیت د اندېښنې وړ دی.
کندهار کې چارواکي وايي چې د دغه ولایت په اړوند سیمو کې د ۴۸زره امریکايي ډالرو په ارزښت د درېوو چکډېمونو د جوړولو چارې پیل شوې.
دغه چکډېمونه د کندهار کرنې، اوبولګولو او مالدارۍ ریاست په هڅو، د اروپایي ټولني په مالي ملاتړ او د ملګروملتونو د کرنې او خوراک نړیوال سازمان په تخنیکي همکاري جوړېږي.
د میدانوردګ د بدني روزنې او ورزش امریت مسوولان وایي چې د فوټسال فدراسیون په همکارۍ د دغه ولایت بهسود ولسوالي په «دانهقول» سیمه کې د ۱۲ غوره لوبډلو ترمنځ د فوتسال سیالۍ پای ته ورسېدې.
«نیوکاسل» ناروغي د الوتونکو او بیا په ځانګړې توګه د چرګانو ترمنځ یو له خطرناکو ویروسي ناروغیو څخه شمېرل کېږي چې په دې وروستیو کلونو کې د کندوز د چرګانو په فارمونو کې په زیاته اندازه خپره شوې ده.
دا ناروغي په چټکۍ د خپریدو ترڅنګ کولای شي، په لنډ وخت کې د چرګانو فارمونو ته په لوړه کچه زیان ورسوي.
د افغانستان پخواني ولسمشر حامد کرزي پر خوست، کونړ او پکتیکا د پاکستان هوایي بریدونه په کلکو ټکو غندلي دي.
حامد کرزي نن سهشنبه، نومبر۲۵مه پر خپله اېکسپاڼه لیکلي چې په دغو بریدونو کې ښځې او ماشومان شهیدان شوي دي.
د اسلامي امارت چارواکي وايي چې بېګاه شپه په خوست کې د پاکستان هوايي بریدونو له امله لس کسان شهیدان او څلور نور ټپیان شوي
د ملګرو ملتونو د پراختیايي پروګرام د سیاسي، نوښت، او پوهې برخې مشر پیټر چوهدري ویلي چې افغانان د بېرته میلیونونو ستنېدونکو د جذب لپاره له اقتصادي رکود، اقلیمي بدلون ټکانونو او وروستیو زلزلو له کبله له جدي ننګونو سره مخ دي.
د بېپولې ډاکټرانو سازمان راپور ورکړی چې د تېرو لسو کلونو پرمهال د کونړ زلزله تر ټولو خونړۍ طبیعي پېښه وه چې له امله یې، ۲۲۰۰ کسانو خپل ژوند له لاسه ورکړی او څه باندې ۳۰۰۰ نور ټپیان شوي دي.
د یاد سازمان مسوولان وايي چې له زلزلې وروسته یې، د لومړیو ورځو پرمهال درېوو روغتونونو ته په بېړنۍ توګه مرستې رسولې دي.
