د حماس جګپوړی چارواکی باسم نعیم وايي چې د فلسطینیانو د ځان ساتنې لپاره چمتو دي چې د داسې طرحو په اړه بحث وکړي چې له مخې یې خپلې وسلې «ذخیره» کړي.
نعیم وویل چې حماس دغه دریځ د یوه اوږدمهاله اوربند یا هغه سیاسي بهیر په چوکاټ کې ارزوي چې موخه یې د خپلواک فلسطیني دولت جوړول دي.
د میدانوردګ د اطلاعاتو او فرهنګ ریاست مسوولان وایي چې د یاد ریاست په انګر کې د اطلاعاتو او کلتور وزارت په مالي لګښت جومات جوړیږي او د یاد جومات ټول مالي لګښت دغه وزارت ورکوي.
په هند کې د ګرځندوی مشهور ایالت «ګوا» په یوه شپني کلب کې د اورلګېدنې له امله لږترلږه ۲۵ کسان مړه شوي او شاوخوا ۵۰ نور ټپیان شوي دي.
د راپورونو له مخې، په مړو شویو کې څلور بهرني ګرځندویان هم شامل دي.
افغانستان لپاره د ملګروملتونو سیاسي استازولي (یوناما) اعلان کړی چې د ملګروملتونو امنیت شورا به په روانه اوونۍ کې د افغانستان د وضعیت په اړه ځانګړې غونډه جوړه کړي.
یوناما نن یکشنبه، د لیندۍ ۱۶مه (دسمبر ۷مه) په یوې خبرپاڼه کې ویلي چې دغه غونډه به د روانې اوونۍ د چهارشنبې پر ورځ جوړه شي او د کابل پر وخت به ماښام ۷:۳۰ بجې پیل شي.
د هرات د سره صلیب اُرتوپېډي مرکز مسوولان وايي، په روان لمریز کال د لومړیو شپږو میاشتو پرمهال یې له درې زره ډېرو هغو کسانو ته روغتیايي او ارتوپېډي خدمتونه وړاندې کړي چې د بېلابېلو پېښو له امله معلولیت سره مخ شوي دي.
د پکتيا پوهنتون څخه نن یکشنبه، لیندۍ ۱۶مه، په خپره شوې خبرپاڼه کې ویل شوي چې په ياد پوهنتون کې د شپږ میلینونه افغانیو په لګښت د برښنارسونې برخه کې د يوې پروژې چارې پيل شوې.
په بلخ کې د پلاسټیکي بوریو او صنعتي تارونو د تولید یوه کارخونه د شاوخوا ۶ میلیونه ډالرو په لګښت جوړه او په رسمي توګه یې، خپل فعالیت پیل کړ.
دغه کارخونه د یوه خصوصي پانګهوال لهخوا د مزارشریف ښار د صنعتي پارکونو په سیمه کې پرانیستل شوې ده.
د بدني روزنې او ورزش امر انجینیر مزمل نعیمزي سلاموطندار ته وویل، دغه سیالي به د یونیمې میاشتې لپاره دوام وکړي او موخه یې د فوتسال په برخه کې د وړ لوبغاړو پېژندل، د سیالي کچه لوړول او د ورزش فرهنګ ته وده ورکول دي.
په لوګر کې د لومړي ځل لپاره د «سېلاب» خیریه بنسټ له لوري د هغو ۶۵ ځوانانو لپاره د ډلهییز واده مراسم جوړ شوي وو چې د غربت او اقتصادي ستونزو له امله یې د واده د مراسمو د لګښت توان نهدرلود.
د سېلاب خیریه بنسټ مشر سیداحمد سېلاب په دې مراسمو کې وویل چې د لومړي ځل لپاره په لوګر کې د ۶۵ ځوانانو ډلهییز واده د ورزشي سټېډیوم په انګړ کې ترسره شول.
هرات کې د یوه تولیدي شرکت مسوولان وايي چې د لومړي ځل لپاره یې، له دغه ولایت څخه امریکا ته ۵۰ ټُنه مربا او اچار صادر کړي دي.
د هرات د «صنایع غذایی طنین» شرکت مسوولان وايي چې په راتلونکي میاشت کې به یوشمېر نور توکي اروپایي هېوادونو ته ولېږدوي.
سرچینې څرګندوي چې په تازه بریدونو کې پنځه ملکي کسان وژل شوي او پنځه نور ټپیان شوي دي. د سرچینو په وینا، د سیمې ګڼشمېر اوسېدونکي د اسلامي امارت ځواکونو او د پاکستاني پوځ ترمنځ د نښتو له امله اړ شوي چې خپلو کورونو پرېښودو او خوندي ځایونو ته لاړ شي.
د بلخ د مارمل ولسوالي یوشمېر اوسېدونکي چې د وروستۍ زلزلې له امله يې کورونه نړېدلي، وايي چې راتلونکي ژمي او د امکانات نشتوالي په اړه اندېښمن دي.
د دایمي سرپناه جوړول، د خوراکي او سون توکو برابرول، روغتیايي خدماتو ته لاسرسی او د اوبو د کمښت ستونزې هوارول د دغو خلکو مهمې غوښتنې دي.
د امريکا ولسمشر ډونالډ ټرمپ، د ۲۰۲۶ کال د فوټبال نړيوال جام د قرعهکشۍ په مراسمو کې چې په واشنګټن ښار کې جوړ شوي و، د فېفا له لوري د سولې نوې جايزه ترلاسه کړه.
د فېفا رییس جياني اينفانتينو، د جايزې د سپارلو پرمهال وويل چې ټرمپ د نړۍ د سولې په برخه کې د خپلو هڅو له امله د دې جايزې مستحق بلل شوی دی. دا جايزه سږکال د لومړي ځل لپاره معرفي او ټرمپ ته ورکړل شوې ده.
د لوګر امنیتي چارواکي وايي چې د محمداغې ولسوالي په بېلابېلو سیمو کې څلور کسان د امنیتي ځواکونو له لوري د غلاوو په تور نیول شوي دي.
چارواکي وایي، یاد کسان په نږدې ۳۹ قضیو کې په غلا تورن دي چې د خلکو له کورونو، دوکانونو، جوماتونو او سړک پر غاړه ځای پر ځای شویو وسایطو څخه یې بېلابېل توکي وړې دي.
په داسې ټولنه کې چې د کورنۍ جوړښتونه له بېلابېلو ستونزو سره لاس او ګرېوان دي، یوشمېر مېرمنې له خپلو خاوندانو سره د مستقل ژوند کولو څخه محروم دي؛ هغه حق چې د اسلام مطابق او د نکاح له اړخه د دوی لپاره په رسمیت پېژندل شوی دی.
د اسلامي امارت د حکومت وياند ذبيحالله مجاهد وايي چې په ټول هېواد کې د تېرو نهو مياشتو پرمهال هېڅ لويه امنيتي پېښه نهده رامنځته شوې.
هغه دغه څرګندونې نن پنج شنبه، د لیندۍ ۱۳مه، د پکتيا په زرمت ولسوالي کې د مدرسو د حافظانو او مولويانو د فراغت په تړاو جوړه شوې يوې غونډه کې وکړې.
