کابل کې د ایران سفارت پر خپله اېکسپاڼه لیکلي چې د یاد هېواد د بهرنیو چارو وزیر سیدعباس عراقچي د یوه پلاوي په مشري نن یکشنبه، سلواغې اوومه کابل ته راغلی دی. یاد وزارت همداراز لیکلي چې دغه سفر به د ایران او افغانستان ترمنځ د دوه اړخیزو ګټو برخه کې اغېزمن تمام شي.
خوست کې ډاکټرانو تازه پرېکړه کړې چې دې ولايت کې د شته دولتي او خصوصي ښوونځيو له ټولو ښوونکو به د درملنې پر مهال هېڅ فيس نهاخلي.
خوست کې د ډاکټرانو د اتحاديې مشر ډاکټر عبدالحکیم ځدراڼ وايي، دا پرېکړه یې، له دې امله کړې چې له يوې خوا د ښوونکو اقتصادي لاسنيوی او له بل اړخه ټولنه کې د دوی د خدمتونو درناوی وشي.
د بهرنیوچارو وزارت د اسلامي امارت د مشر شیخ هبتالله اخندزاده او د قاضي القضات د نیولو په اړه د جرمونو د نړیوالې محکمې د څارنوالۍ د غوښتنې په غبرګون کې دغه غوښتنه غیرحقوقي او ناعادلانه بللې.
د هېواد په یوشمېر ولایتونو کې د روانې اوونۍ د «دوشنبې پر ورځ، سلواغې اتمه» د پولیو یا ګوزن ضد واکسین کمپاین پیلېږي.
د سرپرست حکومت د صنعت او سوداګرۍ وزارت چارواکي وايي، د روان کال په لومړیو اتو میاشتو کې افغانستان او روسیې د ۱۷۴ میلیونو ډالرو په ارزښت سوداګریزې راکړې ورکړې درلودې.
د میدانوردګ ولایت پوهنې ریاست مسوولان وايي چې د دغه ولایت به مرکز میدانښار او ۹ ولسوالیو کې ۲۴ بابه ښوونځي او دیني مدرسې بیاورغول شوې.
د کورنيو چارو وزارت مرستيال محمدنبي عمري د جرمونو نړيوالې محکمې وروستۍ پرېکړې ته په غبرګون کې وايي چې دغه محکمه په پرېکړو نیولو کې خپلواکه نهده.
د کډوالو او بېرته راستنېدونکو چارو وزارت سرپرست مولوي عبدالکبير وايي، اوسنی نظام ورته ګران دی او نهغواړي نړۍ سره یې، ښکېل کړي.
نوموړي دغه څرګندونې خوست کې د یوې دیني مدرسې په فراغتغونډه کې کړې دي. عبدالکبیر ټينګار کړی چې سرپرست حکومت له نړۍ سره په «کشمکش کې ښکېلتیا» نهغواړي او په وینا یې، ټولو سره د مثبت تعامل غوښتونکي دي.
یوشمېر متقاعدین د خپل تقاعد پر نه ورکړې نیوکه کوي او وايي چې د خپلو کورنیو د لومړنیو اړتیاوو د برابرولو توان نهلري.
حبيبالله چې د کورنيو چارو وزارت په چوکاټ کې تقاعد شوی وايي، په دې سوړ ژمي کې هېڅ نهلري او په وینا یې، چا یې غږ نهی اورېدلی. خو یوشمېر نور متقاعدین له اړوندو ادارو غواړي، هر څومره ژر چې کېږي، د دوی د تقاعد حقوق دې ورکړي.
د خوست په مرکزي زندان کې په لومړي ځل د تخنيکي او مسلکي زدهکړو ادارې له لوري د حرفوي زده کړو مرکز پرانيستل شوی دی.
د حرفوي زدهکړو دغه مرکز کې به ۶۰ زندانيانو لپاره د برښنا په برخه کې زدهکړې ورکړل شي او شپږ مياشتې به دوام وکړي.
هېواد کې د انټرنټ لوړې بیې او ټیکنالوژۍ برخه کې د شته ستونزو سربېره یوشمېر ځوانان بریالي شوي چې دې برخه کې ښې لاستهراوړنې ولري.
د ټیکنالوژۍ په دې لاستهراوړنو کې ځوانان پر دې توانېدلي چې د مالي مدیریت، حسابدارۍ، د ژبښوونې او درماني خدمتونو برخو کې په ملي او نړیواله کچه اپلېکېشنونه جوړ کړي.
ایران کې یوشمېر افغان کډوال له ایراني چارواکو غواړي چې له هغه هېواده د افغانانو د جبري ستنولو لړۍ ودروي.
دوی سلامونطدار ته وویل، دا چې د ایراني امنیتي مسوولانو له لوري ونهنیول شي، د خپل ژوند لومړنۍ اړتیاووې په پټه پوره کوي.
د ترکیې چارواکي وايي چې د دغه هېواد په شماللوېدیځ، په یوه هوټل کې د لګېدلي اور له امله د مړو شویو کسانو شمېر ۷۶ ته لوړ شوی دی.
اور له لرګیو جوړ هغه هوټل کې لګېدلی دی چې سلګونه مېلمانه د چکر لپاره دې سیمې ته ورغلي او یاد هوټل کې اوسېدل.
غزه کې د ملکي دفاع اداره وايي چې د تېرو دوو ورځو پرمهال په بېلابېلو سیمو کې د ویجاړو شویو ودانیو تر ډبرو او خاورو لاندې ۱۲۰ جسدونه رااېستل شوي دي.
له اوربند سره هممهاله اټکل شوی چې شاوخوا ۱۰زره جسدونه به د غزې تر ویجاړو لاندې وي.
د لوګر چارواکي وايي چې د دغه ولایت د دولتي ځمکو د غصب مخنیوي کمېسیون د پرېکړې له مخې، په مرکز پلعلم او خوښۍ ولسوالي په دولتي ځمکو جوړ شوي لسګونه هستوګنیز کورونه ونړول شول.
د خوست د ځاځيمیدان ولسوالي ډېری سيمو کې د بېلابېلو لاملونو له امله ځنګلونه پرې شوي، خو اوس د دې ولسوالي يوشمېر اوسېدونکي وايي، له امتیاز پرته په خپلو سيمو کې د قومي تړون له مخې، د ځنګلونو ساتنې لپاره یې، کسان ګومارلي دي.
