جرمني کې چارواکي وايي، د دغه هېواد مونیخ ښار کې تورن افغان چې د خلکو پر ګڼېګوڼې، موټر وروستلی او ۳۶ کسان یې، ټپیان کړي، د نیولو پرمهال د الله اکبر ناره او دعا کړې. د جرمني د باوریا ایالت پولیسو دغه کس اسلامپاله افراطي بللی دی.
شماليکوریا وايي، که امریکا د خپل کورني امنیت خوندیتوب په اړه لري، نو له پوځي ګواښونو څخه دې لاس واخلي.
د امریکا یوه پوځي قومندان څو ورځې وړاندې ویلي و چې د شماليکوریا بالېسټیک توغندي د دې وړتیا لري چې امریکا کې خپل اهداف په نښه کړي.
ایران د دغه هېواد تهران هوايي ډګر کې د لبنان اړوند مسافروړونکو الوتکو د ښکته کېدو اجازه نهده ورکړې.
ایران دغه ګام وروسته له هغې اخلي چې د اسراییلو له اعتراض وروسته لبنان پلازمېنې بیروت ته د تلونکو دوو ایراني الوتکو د ښکتهکېدو مخه نیولې ده.
د ټسلا موټر جوړولو شرکت خاوند او د نړۍ شتمن اېلن ماسک د «اوپناېای» اخیستلو لپاره ۹۷.۴ میلیارډ ډالر وړاندیز کړی، خو دغه شرکت یې، وړاندیز نهدی منلی.
اوپناې ای ویلي چې دغه شرکت د پلور لپاره نهدی او د ماسک لهخوا د پېر په موخه کېدونکی هر وړاندیز به رد کړي.
د سمنګان مرکز اېبک ښار په یوه جومات کې پر لمونځ کوونکو د لاسیبم چاودنې له امله څلور کسان ټپیان شوي دي.
د سمنګان امنیه قومنداني څخه نن جمعه، سلواغې ۲۶مه په خپره شوې خبرپاڼه کې ویل شوي چې دوو کسانو د لمانځه پرمهال جومات ته لاسيبم اچولی چې له کبله یې، څلور کسان ټپیان شوي دي. په خبرپاڼه کې راغلي چې یادو کسانو د شخصي خصومت له امله دغه کار کړی دی.
د امریکا ولسمشر ډونالډ ټرمپ د هند لومړي وزیر نرېندرا مودي سره تر لیدنې وروسته په یوې خبري ناسته کې پر دغه هېواد د جېټالوتکو
د لوګر او میدانوردګ ولایتونو کې د ټرافیکي پېښو له امله څلور کسانو خپل ژوند له لاسه ورکړی او ۲۰ نور ټپیان دي.
د ميدانوردګ امنیتي مسوولان وايي چې د دغه ولایت سيداباد ولسوالي اړوند د کابل_ کندهار پر لويه لار د دشتټوپ په زرني سیمه کې د ۵۸۰ او فلانکوچ ډوله موټر ترمنځ ترافيکي پېښې له امله څلور کسان مړه او لس نور ټپيان شوي دي.
د خوست شیخ زاید پوهنتون مسوولان وايي چې دغه پوهنتون کې د دوو پروژې چارې بشپړې او ګټېاخیستنې ته سپارل شوي دي.
د خوست شيخ زايد پوهنتون څخه سلاموطندار ته په رالېږل شوې خبرپاڼه کې راغلي چې د لوړو زدهکړو سرپرست مولوي ندامحمد ندیم له لوري د خوست شيخ زايد پوهنتون کې دوه پروژې ګټې اخيستنې ته وسپارل شوې.
د پاکستان په بلوچستان ایالت کې د یوې چاودنې له امله لس کان کیندونکو خپل ژوند له لاسه ورکړی دی.
چاودنه نن جمعه، فبرورۍ ۱۴مه هغه مهال رامنځته شوې چې یاد کان کیندونکي د جمعې لمانځته روان وو.
پکتيکا کې د توليدي کارخونو مسولان شکایت کوي چې د برښنا او صنعتي پارک نشتون یې په کاروبار منفي اغيز کړی.
پکتيکا کې د توليدي کارخونو مسوولان وايي، د دولتي برښنا او صنعتي پارک نشتون له امله ستونزو سره مخ دي.
د ننګرهار پاسپورت امريت د روان کال په لسو میاشتو کې شاوخوا ۳۸۲ ميليونه افغانۍ عوايد راټول کړي دي.
د ننګرهار امنیې قومنداني مرستيال محمدطاهر مبارز وايي، د تېرو لسو مياشتو پرمهال په دې ولایت کې ۶۵زره او ۴۹۵ کسانو ته پاسپورتونه وېشل شوي دي.
لوګر ولایت کرنې او مالدارۍ ریاست مسؤولین وایي چې د دغه ولایت کرنې او مالدارۍ ریاست له شته غذایي بانکونو څخه ۲۷۰ ټنه خواړه ترلاسه شوې دي.
د ټولګټو چارو وزارت مسوولانو د روان ۱۴۰۳ کال د لاستهراوړنو غونډې ته وویل، سږکال د دغه وزارت له لوري سلګونه کیلومتره مواصلاتي او لویېلارې جوړې شوي او په څه باندې ۳۰۰ کیلومتره سړکونو کار روان دی.
د کور او ښار جوړولو وزارت مخې ته نن پنچشنبه، سلواغې ۲۵مه په شوي ځانمرګي برید کې دوه کسان وژل شوي او پنځه نور ټپیان دي.
د یاد وزارت ویاند محمدکمال افغان رسنیو ته تایید کړه چې برید ځانمرګی دی او بریدګر غوښتل چې دغه وزارت ته ننوځي چې د ساتونکو لهخوا په نښه شوی.
د خبریالانو خوندیتوب کمېټه وايي چې د ۲۰۲۴کال پرمهال په نړۍ کې د ریکارډ کچې خبریالان وژل شوي چې د ډېرو مسوولیت د اسراییلو پر غاړه دی.
د دغه بنسټ په کلني راپور کې ویل شوي چې تېرکال په ۱۸ هېوادونو کې ۱۲۴ خبریالان وژل شوي چې د خبریالانو خوندیتوب کمېټې له جوړېدو راهیسې خبریالانو ته تر ټولو مرګونی کال بلل شوی دی.
۵۵کلن ګلجان چې له درېوو کلونو راهیسې پر سرطان ناروغۍ اخته دی، د خپلې درملنې لپاره د پاکستان کوټې ښار ته ځي.
نوموړی وايي، اقتصادي وضعیت یې خراب دی، خو د درملنې بله چاره نهلري. د هغه په وینا، د زابل په روغتونونو کې د سرطان ناروغۍ د درملنې لازم امکانات نشته او د پاکستان سفرونو یې پر اقتصادي حالت بد اغېز کړی دی.
