د اسراییلو پوځ وايي چې له یمن څخه د دوی پر لوري توغول شوی توغندی یې، شنډ کړی دی.
د اسراییلو پوځ نن جمعه، اپرېل ۱۸مه، په یوې خبرپاڼه کې ویلي چې دغه توغندی له هغه سیمې د دوی پر لور وېشتل شوی چې د ایران له ملاتړ برخمنه حوثي ډله ترې توغندیز بریدونه کوي.
غزه کې د اسراییلو د بریدونو په لړ کې له نن جمعه سهار راهیسې یوه لسیز کورنۍ په بشپړه توګه لهمنځه تللې ده.
یاده کورنۍ په خانیونس کې د اسراییلي ځواکونو په برید کې خپل ژوند له لاسه ورکړی دی.
د امریکا مخکینی ولسمشر جو بایډن د اوسني ولسمشر ډونالډ ټرمپ حکومت ته په اشارې سره وايي چې نوی حکومت لومړی ډز بیا نښه نیسي.
بایډن د سپینې ماڼۍ تر پرېښودو وروسته د لومړي ځل لپاره په شیکاګو کې وینا کړې او د ټرمپ حکومت یې، ننګولی دی. نوموړي د ټرمپ په مشري حکومت باندې سختې نیوکې کړې دي.
غزه کې د اسراییلو د تازه بریدونو پر دوام د تېرو ۲۴ ساعتونو پرمهال ۱۶ کسانو خپل ژوند له لاسه ورکړی او ۲۳ نور ټپیان شوي دي.
په وژل شویو کې ډېری ښځې او ماشومان دي.
د خوست په غلامخان بندر کې د نباتي قرنطین مدیریت له لوري په دوو ټېلر موټرو کې بار ۲.۵ ټُنه بېکیفیته او خنثی شوي کچالو نیول شوي دي.
دغه کچالو له پاکستان څخه خوست ته رالېږدول کېدل.
پکتیکا کې د نږدې درې ميليونه افغانيو په لګښت د يوه سربند او استنادي ديوال د جوړېدو چارې پيل شوې.
د پکتیکا د اوبو او انرژي رياست څخه په خپره شوې خبرپاڼه کې ویل شوي چې د سرحوضې اړوند د ګلردین کلي کې د يوه سربند او استنادي دېوال د جوړوېدو چارې د ۲،۷ میلیونه افغانیو په لګښت د یاد ولایت د اوبو او انرژي ریاست د مسوولانو او یوشمېر قومي مشرانو په شتون کې پیل شوې.
د کندهار د کرنې، اوبولګولو او مالدارۍ ریاست چارواکي وايي چې دغه ولایت کې د ۳۵ شنوخونو له ډلې، ۱۳ شنې خونې جوړې او ګټېاخیستنې ته سپارل شوي دي.
د لوګر عامې روغتیا ریاست مسوولان وایي چې د بېپولې ډاکټرانو نړیوالې ټولنې او کف موسسې له لوري د دغه ولایت په مرکز پلعلم کې له یوشمېر روغتیايي مرکزونو سره د وسایلو او درملو مرسته وشوه.
د زابل ولایتي روغتون مسوولان وايي چې د ۱۴۰۲ لمریز کال په اوږدو کې یې د یاد روغتون له لوري نږدې ۱۳۴زره ناروغانو درملنه کړې چې د عمومي داخلې، جراحي، نسايي- ولادي، ماشومانو او پښتورګو څانګو ناروغانو ته خدمات وړاندې شوي دي.
د صنعت او سوداګرۍ وزارت پر اېکسپاڼه لیکلي چې د دغه وزارت سرپرست نورالدین عزیزي نن (چهارشنبه، وري ۲۷) وروسته له غرمې د یوه پلاوي
د هند کرېکټ غوره لیګ یا ایپياېل په زړه پورو سیالیو په لړ کې نن چهارشنبه، اپرېل ۱۶مه راجستان رویلز له ډیلي کپېټلز سره سیالي کوي.
ټاکل شوې چې یاده لوبه نن ماښام ۶:۳۰ بجې د هند د ډیلي په «ارون جېټلې کرېکټ لوبغالي کې» پیل شي.
د روسیې پوځي محکمې د دغه هېواد یو سرتېری له جګړې د تېښتې او اوکراین ته په خپله خوښه د تسلیمېدو له امله په ۱۵ کاله بند محکوم کړی دی.
روسیې همداراز پنځه نور کسان چې عمرونه یې، له شلو ښکته دي، د چورلکې او اوسپنې پټلۍ تجهیزاتو ته د اوراچولو په تور د بند سزا ورکړې ده.
بهرنیو چارو وزارت ویلي، د قصاص حکم د تطبيق په اړه د يوناما څرګندونې چې قصاص پهکې د ژوند حق خلاف بلل شوی او د دغه حکم د لغو کولو غوښتنه يې کړې، غيرمسؤولانه عمل دی.
د دغه وزارت په وینا، د اسلامي شريعت پر احکامو د نقد جسارت غيرمسؤولانه، د يوناما د ماموريت خلاف او د نهزغم عمل دی چې بايد راتلونکې کې ترې ډډه وشي.
د حماس ډلې اعلان کړی چې د اسراییلو وروستي برید د اسراییل-امریکايي د برمته شوي کس له ساتونکې ډلې سره د دوی اړیکه پرې کړې ده.
د اسلامي امارت ویاند ذبیحالله مجاهد ویلي، نن (چهارشنبه، وري ۲۷) کابل کې د افغانستان او پاکستان ترمنځ د همغږۍ د ګډې کمیټې «JCC» ګډه غونډه ترسره کیږي.
په دې غونډه کې د ډیورند کرښې په اوږدو کې د احتمالي شخړو د هواري او د دواړو لوریو ولسونو ته د اسانتیاوو په رامنځته کېدو خبرې کیږي.
د ټولګټو وزارت چارواکي وايي چې د کندوز په اړوند سیمه کې د باروړونکو موټرو د وزن کنټرول په موخه د ۷.۵ میلیونه افغانیو په لګښت، د لوړتناژ تله ولګول شوه.
دغه تله د کندوز د دشتارچي ولسوالي اړوند دشتابدان سیمه کې د باروړونکو موټرو د وزن کنټرول او سړک خرابېدو مخنیوي لپاره لګول شوې ده.
