سلاموطندار په ۱۵ ولایتونو کې د خبریالانو پر کار د اسلامي امارت له لوري د سانسور ۴۴ قضیې مستندې کړي چې له ډلې یې ۲۵ له خپرېدو وړاندې، ۷ قضیې د خپرولو پرمهال او ۱۲ د راپور له خپرولو وروسته رامنځته شوې دي.
د سلاموطندار موندنې ښیي چې په وروستیو اوو میاشتو کې د کابل د درېوو سیمو د موټرو په تمځایونو کې د خپلسرو کسانو له لوري له موټر چلوونکو نږدې ۴۵ میلیونه افغانۍ باج اخیستل شوی دی. بلهخوا یوشمېر موټر چلوونکو سلاموطندار ته ویلي، هغه کسان چې په تمځایونو کې له دوی څخه په زوره پیسې اخلي، د اسلامي امارت کسان دي.
اروپایي ټولنې د افغان ښځو د وضیعت ارزونې په موخه دوه ورځنۍ غونډه جوړه کړې وه چې نږدې ۶۰ افغان مېرمنو پهکې په حضوري او انلاین ډول برخه اخیستې وه.
د اسلامي امارت سرپرست حکومت په دې وروستیو کې د یوه مکتوب په ترڅ کې د بشري حقونو خپلواک کمېسیون، د اساسي قانون پر تطبیق د څار کمېسیون، د ملي مصالحې عالي شورا، د ملي امنیت شورا، د ولسي جرګې او مشرانو جرګې د دارالانشا ریاستونه منحل کړي دي.
نن د مې ۱۵مه د کورنۍ نړیواله ورځ ده. دا ورځ داسې مهال په افغانستان کې لمانځل کېږي چې په هېواد کې د کورنیو وضعیت ورځ تر بلې مخ په خرابېدو دی.
یوشمېر افغان کډوال چې په دې وروستیو کې له ایران څخه بېرته هېواد ته راستانه کړل شوي، شکایت کوي چې هېواد ته د راستنېدو پر مهال د ایران د کډوالو په کمپونو کې د دغه هېواد د ځواکونو لهخوا یرغمل نیول شوي او ورڅخه باج اخیستل شوی دی.
شاوخوا پنځه میاشتې وړاندې د کابل ښاروالۍ په کابل ښار کې لاس پلورونکو ته د غرفو اېښودلو پر طرحې کار پیل کړ. د دې طرحې پر بنسټ، لاس پلورونکي اړ دي چې هره میاشت له ۵۰۰ څخه تر ۲۰۰۰ افغانیو پورې فیس ورکړي.
یو کال وړاندې په همدې ورځ د غويي په اتلسمه د کابل لوېدیځ کې د سیدالشهدا د نجونو پر ښوونځي درې پرلهپسې خونړي بریدونه وشول چې ګنشمېر زدهکوونکو ته یې مرګژوبله واړوله هاو د یو کال په تېرېدو سره د دغه خونړي برید اغېز اوس هم تر سترګو کېږي.
د اسلامي امارت د امر بالمعروف او نهې عنالمنکر وزارت نن په یوه تازه فرمان کې له ټولو مېرمنو غوښتي چې اسلامي حجاب مراعت کړي، کنه نو د بېحجابه ښځې «ولي» ته به سزا ورکول کېږي. د اسلامي امارت له خوا پر ښځو د حجاب جبري کېدو پرېکړې ملي او نړیوال غبرګونونه راپارولي دي.
د لوړو زدهکړو وزارت څو موده مخکې یوه نوې طرحه وړاندې کړه چې له مخې یې شنبې، دوشنبې او چهارشنبې ورځې به ښځینه زدهکړیالانې او یکشنبې، سهشنبې او پنجشنبې ورځې به نارینه زدهکړیالان پوهنتونونو ته ځي.
پرون ماسپښین د کندوز ولایت په امام صاحب ولسوالي کې د مولوي سکندر په جومات کې دننه چاودنه وشوه چې له امله یې لسګونو ملکي وګړو ته مرګ ژوبله واوښته. د اسلامي امارت ویاند ذبیحالله مجاهد د دغه چاودنې د غندلو ترڅنګ وویل چې په دې چاودنه کې ۳۳ کسان وژل شوي او ۴۳ نور ټپیان شوي دي.
د ماشومانو د ساتنې اداره وايي، د دوی څېړنې ښيي چې په افغانستان کې د اسلامي امارت له لوري له شپږم ټولګي پورته د ښوونځیو د بندپاتېدو له امله شاوخوا ۸۰ سلنه ښځینهزده کوونکي له زده کړو محرومې شوې دي.
د اسلامي امارت ویاند ذبیحالله مجاهد د پخوانیو دولتي سرتېرو د وژلو او تښتولو په اړه د نیویارک ټایمز راپور بې اساسه (مغرضانه) او له حقیقته لرې بللی دی.
مجاهد نن ماښام په خپل ټویټر کې لیکلي چې اسلامي امارت عمومي عفوه اعلان کړی او د اسلامي امارت ځواکونه حق نه لري چې له چا څخه غچ ( انتقام ) واخلي.
د اسلامي امارت له لوري په ټول هېواد کې د منځتۍ او عالي دورې د نجونو زدهکوونکو د ښوونځیو تړل پاتېکېدو پرېکړې په غزني کې له لومړي تر شپږم ټولګي پورې د زدهکړو لپاره د نجونو زدهکوونکو روحیه کمزورې کړې ده.
د انسان پیژندنې امریکایي ټولنه وایي ټاکل شوې وه د “هغه وخت او اوسنی افغانستان: د پخواني ولسمشر اشرف غني سره خبرې اترې” تر عنوان لاندې غونډه د مارچ په ۳۱مه جوړه شي. خو د دې ټولنې مسوولانو ویلي، د هغه وضعیت له امله چې د دوی په کنټرول کې نه و یاده غونډه لغو شوه.
د ملګرو ملتونو د پراختیایي پروګرام (UNDP) مشر اخیم شټاینر د سهشنبې په ورځ کابل کې په یوه خبري غونډه کې د اسلامي امارت له مشرانو څخه وغوښتل چې د نجونو ( له شپږم پورته نجونو زدهکوونکو) د متوسطه او عالي لېسو د پیل په اړه پر خپلې پرېکړې بیا کتنه وکړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
