د دویم واده غږ؛ یو‌شمېر مېرمنې: نه‌پوهېږو خاوند مو ولې دویم واده وکړ؟

سلام‌وطندار په هېواد کې له ۱۹ هغو مېرمنو سره چې خاوندانو یې دویم او یا له هغه ډېر ودونه کړي، د مرکو په ترڅ کې موندلې چې دغه مېرمنې له بېلابېلو رواني فشارونو ځورېږي.

د مرکه شویو ۱۹ مېرمنو له ډلې یې ۱۳ د خپل خاوند لومړۍ مېرمنې دي او پاتې شپږ یې په بنه «یا د خاوند دویمې مېرمنې» په توګه واده شوې دي.

څلور ولایتونو کې د سلام‌وطندار موندنې؛ له ۲۳ سوداګرو مېرمنو د ۱۷ یې کاروبار رکود سره مخ شوی

سلام‌وطندار د هېواد په څلور ولایتونو کې له ۲۳ سوداګرو مېرمنو سره د مرکو په ترڅ کې موندلې چې د یادو سوداګرو مېرمنو له ډلې څخه یې د ۱۷ مېرمنو سوداګري له رکود سره مخ شوې او یا هم رکود سره مخ ده.

د سلام‌وطندار سروې؛ له هرو څلورو ښځو درې یې تاوتریخوالي سره مخ دي

 د هېواد په ۲۷ ولایتونو کې د سلام‌وطندار د یوې سروې پایلې ښيي چې ۷۷سلنه ښځې د تاوتریخوالي له بېلابېلو ډولونو سره مخ شوي دي. په دغه سروې کې ۳۲۶ ښځو ګډون کړی چې پر بنسټ یې، له هرو څلورو ښځو، درې یې له تاوتریخوالي سره مخ دي.

د سلام‌وطندار موندنې؛ هېواد کې یوازې یو د «امن کور» فعال دی

د سلام‌وطندار د موندنو پر بنسټ هېواد کې د مخکیني حکومت پر مهال د ښځو لپاره د رامنځته شویو ۲۷ امن کورونو له ډلې یې اوس یوازې یو فعال دی او پاتې نور یې تړل شوي دي.

سلام‌وطندار دغه موندنې د مخکیني حکومت پر مهال د امن کورونو یا د ښځو ملاتړو مرکزونو د مخکینیو مسولانو سره د مرکو له لارې ترلاسه کړي دي.

د سلام‌وطندار موندنې؛ افغانستان کې ۴۹۲ پراختیايي پروژې نیمګړې پاتې دي

د سلام‌وطندار له لوري د ټولو شویو معلوماتو پر بنسټ، افغانستان کې د ۴۹۲ پراختیايي پروژو چارې چې ټولییز ارزښت یې څه باندې ۱۷۶ میلیارډ افغانیو ته رسېږي، په ټپه درېدلې دي. د سلام‌وطندار د راټولو شویو معلوماتو له مخې، دغو پروژو ته له ځانګړې شویو پیسو څخه یوازې ۵۷ میلیارډ افغانۍ چې ۳۲سلنه کېږي، مصرف شوي دي.

د خبریالانو پر کار د ا.ا سانسور؛ سلام‌وطندار ۱۵ ولایتونو کې ۴۴ قضیې مستندې کړي

سلام‌وطندار په ۱۵ ولایتونو کې د خبریالانو پر کار  د اسلامي امارت له لوري د سانسور ۴۴ قضیې مستندې کړي چې له ډلې یې ۲۵ له خپرېدو وړاندې، ۷ قضیې د خپرولو پرمهال او ۱۲ د راپور له خپرولو وروسته رامنځته شوې دي.

د سلام‌وطندار موندنې؛ د کابل د درېوو سیمو تم‌ځایونو کې ۴۵ میلیونه افغانۍ باج اخیستل شوی

د سلام‌وطندار موندنې ښیي چې په وروستیو اوو میاشتو کې د کابل د درېوو سیمو د موټرو په تم‌ځایونو کې د خپل‌سرو کسانو له لوري له موټر چلوونکو نږدې ۴۵ میلیونه افغانۍ باج اخیستل شوی دی. بله‌خوا یو‌شمېر موټر چلوونکو سلام‌وطندار ته ویلي، هغه کسان چې په تم‌ځایونو کې له دوی څخه په زوره پیسې اخلي، د اسلامي امارت کسان دي.