د هند کرېکټ غوره لیګ یا ایپياېل کې نن ممبی انډیینز لوبډله له لکناو سپور جاینټز سره سیالي کوي.
ټاکل شوې چې یاده لوبه نن د افغانستان پر وخت ماښام ۶:۳۰ بجې د هند د لکناو په «بهارت رتنا شري اتل بېهاري واجپای اکانا کرېکټ لوبغالي» کې پیل شي.
د ټرافیکو عمومي ریاست مسوولان وايي چې سږکال د کوچني اختر په څلورو ورځو کې د ټرافیکي پېښو له امله ۳۰ کسان مړه او ۱۵۵ نور ټپیان شوي دي.
یاد ریاست نن جمعه، وري ۱۵مه پر خپله اېکسپاڼه خپره کړې خبرپاڼه کې ویلي چې سږکال د تېرکال په پرتله د کوچني اختر ورځو کې د ټرافیکي پېښو کچه ټیټه وه.
پر غزې د اسراییلي ځواکونو د مرګونو او پراخو بریدونو په لړ کې یوازې تېره ورځ د ښځو او ماشومانو په ګډون ۱۱۲ کسانو خپل ژوند له لاسه ورکړی دی.
دغه کسان د غزې په بېلابېلو سیمو کې د اسراییلو په هوايي او روانو ځمکنیو عملیاتو له امله وژل شوي دي.
د پروان د اطلاعاتو او فرهنګ ریاست مسوولان وايي چې د کوچني اختر پنځو ورځو پرمهال شاوخوا ۳۰زره کورنیو سیلانیانو د یاد ولایت له تفریحي او تاریخي سیمو لیدنه کړې ده.
د امریکا او ایران ترمنځ د ناندریو په لړ کې ولسمشر ډونالډ ټرمپ وايي چې تهران غواړي له واشنګټن سره مخامخ خبرې وکړي.
ټرمپ تېره ورځ له خبریالانو سره په یوې ناسته کې همداراز هیلهمندي ښودلې چې وکولای شي، له ایران سره مخامخ خبرې وکړي.
د افغانستان لپاره د سره صلیب نړیوالې کمېټې څانګه وايي چې افغانستان ک له جګړو پاتې ماینونه او مهمات د افغانانو ژوند له ګواښ سره مخ کړی دی.
یاد بنسټ دغه څرګندونې نن جمعه، وري ۱۵مه د «ماینونو خطر په اړه د عامه پوهاوي» نړیوالې ورځې په مناسبت کړي دي.
لوګر کې د ا.ا رهبري د فرامینو د عمليکېدو او د ولسونو د یووالي په موخه ولسي غونډه جوړه شوه.
په جوړې شوې غونډه کې د کورنیو چارو وزارت مرستیال په ګډون د دغه ولایت یوشمېر ملکي او نظامي مسوولانو، علماو، قومي مشرانو او ځوانانو ګډون کړی وو.
د افغانستان د سوداګرۍ او پانګونې خونې مسوولان د امریکا ولسمشر ډونالډ ټرمپ لهخوا هغه هېواد ته د افغانستان پر واردېدونکو توکو د ۱۰سلنه تعرفې لګولو په غبرګون کې وايي چې دغه تعرفه دې لغوه شي.
د غزني په زوړ ښار کې مې د دغه ولایت له یوه فرهنګي شخصیت سره خبرې وکړې. هغه سیمه چې د هستوګنې کورونه یې لوړ دیوالونه لري او د انسان ذهن له نن څخه سلګونه کاله وړاندې ژوند ته وړي. نوموړی په ځانګړو ورځو کې د غزني د زوړ ښار د اوسېدونکو لهخوا د سمنک، دکچې او نورو نذرونو د نیولو په اړه کیسه کوي.
د لوګر محلِ چارواکو د شهیدانو کورنیو سره د اختر نمانځنې په مراسمو کې وویل، د شهیدانو کورنیو سره دوامداره مرسته کول یي، مسوولیت دی.
ریال ماډریډ او بارسلونا د کوپاډېلرې لیګ پایلوبه کې لوبېږي
د اسپانیا د کوپا ډېل رې فوټبال لیګ دویمه نیمه پایلوبه کې بېګاه شپه بارسلونا لوبډلې اټلاټیکو ماډریډ ته ماته ورکړه او پایلوبه کې د ریال ماډریډ سیال شو.
پر غزې د اسراییلو د روانو تازه بریدونو اوځمکنیو عملیاتو پرمهال له پرون راهیسې د ښځو او ماشومانو په ګډون ۸۰ کسان وژلي دي.
د ښځو او ماشومانو په ګډون ۲۲ کسانو هغه مهال خپل ژوند له لاسه ورکړ چې جبالیه کې اسراییلو یو روغتیايي مرکز پر توغندي ووېشت.
د میدانوردګ د بدني روزنې او ورزش امریت مسوولان وایي چې د دغه ولایت په چک ولسوالي کې د کوچني اختر په مناسبت د ۱۵ غوره لوبډلو ترمنځ د غشې وېشتلو سیالي جوړې شوې.
د امریکا ولسمشر ډونالډ ټرمپ د افغانستان په ګډون د خپلو نږدې او سیالو هېوادونو پر ټولو وارداتو توکو د درنو ګمرکي تعرفو پليکولو فرمان لاسلیک کړ.
ډونالډ ټرمپ په سپینه ماڼۍ کې د هېوادونو لپاره د نویو تعرفو د اعلان په مراسمو کې دغه ورځ «د ازادۍ ورځ» په نوم یاد کړه.
د اوبو او انرژي وزارت سرپرست عبدالطيف منصور وايي چې امریکا تراوسه د مرستې په توګه اسلامي امارت ته یو ډالر هم نهدی ورکړی.
د روسیې لویې څارنوالۍ د دغه هېواد له سترې محکمې غوښتي چې د روسیې د ترهګرو ډلو له نوملړه د اسلامي امارت نوم لرې کړي.
سرپرست حکومت د دې پرېکړې هرکلی کوي او هغه د دواړو هېوادونو ترمنځ د سیاسي او اقتصادي اړیکو د پیاوړتیا لپاره یو مهم او ارزښتناک ګام بولي.
