د ملګروملتونو د روغتیا نړیوال سازمان وايي چې د افغانستان سېلابځپلو سیمو کې زیانمنې شوې کورنۍ د ښځینه روغتیايي کارکوونکو خدمتونو ته اړتیا لري. تر دې وړاندې د عامې روغتیا وزارت سرپرست قلندر عباد یوې خبري غونډې ته ویلي و، افغانستان د ښځینه ډاکټرانو کمښت سره مخ دی.
د صنعت او سوداګرۍ وزارت مسوولان وايي، د دغه وزارت سرپرست نورالدین عزیزي چې د یاد پلاوي مشري پر غاړه لري، د «روسیې او اسلامي نړۍ» د ۱۵مې اقتصادي ناستې په څنډه کې به افغانستان کې د پانګونې جلبولو لپاره د ځینو هېوادونو پلاویو او سوداګرو سره هم لیدهکاته ولري.
د لوګر د بدني روزنې او ورزش ادارې مسوولان وایي چې د دغه ولایت په کوربهتوب د کابل، پکتیا، خوست او میدانوردګ ولایتونو د ورزشکارانو ترمنځ د «فري فایټ» یوه ورځنۍ سیالي وشوې.
د هند کرېکټ غوره لیګ یا ایپياېل کې نن د دغه لیګ په ۶۵مه لوبه راجستان رویالز لوبدله له پنجاب کنګز لوبډلې سره سیالي کوي.
ټاکل شوې چې یاده لوبه نن ۰۶:۳۰ بجې «چهارشنبه، مې ۱۵مه» د هند د ګووهاټي په «برساپارا کرېکټ لوبغالي» کې ترسره شي.
په سمنګان کې د بدنې روزنې او ورزش امریت له لوري د ۱۶ لوبډلو ترمنځ د پیل شویو سیالیو اتلولي د کندهار لوبډلې په اتلولي
د میدانوردګ محلي چارواکي وایي چې د دغه ولایت په جغتو ولسوالي کې د «دوو کورنیو ترمنځ ۲۵ کلنه» دښمني د یاد ولایت چارواکو ، علماو او قومي مشرانو په منځګړیتوب هواره شوه. غونډه کې محمدامین او عبدالغفار کورنیو غړیو یوه او بل ته بښنه وکړه او ژمنه یې وکړه چې له نن څخه وروسته به د دښمني پر ځای دوستي پالي.
د کابل او اسلاماباد ترمنځ د ننګونو او نارضایتیو له دوام سره هممهاله، د پاکستان بهرنیو چارو وزارت یوه خبرپاڼه کې ویلي، له ترهګرۍ سره د ګډې مبارزې په برخه کې یې امریکا سره هوکړه کړې.
د یادو ادعاو په غبرګون کې د افغانستان سرپرست حکومت مسوولانو تل د پاکستاني چارواکو دغه ادعاوې رد کړي دي.
د هند کرېکټ غوره لیګ یا ایپياېل سیالیو په لړ کې نن د دغه لیګ په ۶۴مه لوبه کې لکناو سوپر جاینټز له ډیلي کپېټلز سره سیالي کوي.
ټاکل شوې چې یاده لوبه نن سهشنبه، مې ۱۴مه د هند د ډیلي په «اروون جېټلې کرېکټ لوبغالي» کې ترسره شي.
د هېواد په غور، غزني او پنجشېر ولایتونو کې مطالعې او کتاب لوستلو ته د ځوانانو د هڅونې په موخه د کتاب اوونۍ او مطالعې په نوم د «کتابونو نندارتونه» جوړ شول.
د یادو ولایتونو محلي مسوولان وايي، دغه نندارتونونه چې پهکې زرګونه ټوکه بېلابېل کتابونه نندارې ته کېښودل شوي، نن سهشنبه، غويي ۲۵مه جوړ او دوه ورځې به دوام وکړي.
د لوګر سیندیزې حوزې ریاست چارواکي وایي چې د اوبو او انرژۍ وزارت له لوري د دغه ولایت په ازرې ولسوالي کې یو چکډېم جوړېږي.
د دغه ولایت د سیندیزې حوزې ریاست مسلکي سلاکار انجینیر فضلالرحمن عمرزي سلاموطندار ته وویل، د ازرې ولسوالي په «پنځو کڅ» سیمه کې د یوه چکډېم د جوړېدو چارې پیل شوې. نوموړي زیاته کړه په تېرو څو کالونو کې ازرې ولسوالۍ ته د بیارغونې او پرمختګ برخه کې هېڅ پاملرنه نهده شوې.
غور کې چارواکي وايي چې د دغه ولایت «هریرود سیند» ته د یوه پلانکوچ ډوله موټر د لوېدو له امله دوه کسان مړه شوي دي.
پېښه بېګاه شپه د فیروزکوه ښار د دره قاضي په نوم سیمه کې رامنځته شوې. د غور امنیتي مسوولانو د یادې پېښې لامل د موټرچلوونکي بېاحتیاطي او د سړک خرابوالی په ګوته کړی دی.
د سرپرست حکومت چارواکي وايي، د بغلان له سېلابځپلو سره د مرستې په موخه د قطر له لوري د خوراکي او غیرخوراکي توکو یوه جوپه د بلخ مرکز مزارشریف ښار هوايي ډګر ته رارسېدلې.
د هلمند په مرکز لښکرګاه ښار بیټون سیمه کې د یوه سوداګر لهخوا د ۲۰۰زره امریکایي ډالرو په لګښت د چرګانو د دانې تولیدي کارخونې
بغلان کې د وروستیو سېلابونو له امله زیانمنې شوې کورنۍ وايي چې سېلابونو یې هر څه ترې اخیستي او د ژوند دوام لپاره ان لومړنیو امکانات نهلري. د ملګروملتونو د ماشومانو د ملاتړ صندوق یونېسف د یکشنبې پر ورځ رویټرز اژانس ته ویلي، د افغانستان په شمال کې ویجاړونکو سېلابونو کې ۳۱۰زره ماشومانو زیانمن شوي او تر ۵۰ ډېرو ژوند له لاسه ورکړی دی.
د ترانسپورټ او هوايي چلند وزارت مسوولان سلاموطندار ته وايي، افغانستان او پاکستان د باروړونکو موټرو د تګراتګ لپاره د یوه ګډ میکانیزم په اړه هوکړې ته رسېدلي دي.
د دغه وزارت ویاند امامالدین احمدي وايي چې دواړو هېوادونو په لنډمهاله توګه یو د بل سوداګریزو باروړونکو موټرو چلوونکو ته د سفر لنډمهاله اسنادو پر ورکړې هوکړه کړې.
د پکتيا د اطلاعاتو او فرهنګ رياست له ځوانانو سره په ګډه نن «دوشنبه، غويي ۲۴مه» د بغلان، بدخشان او غور ولايتونو سېلابځپلو ته د مرستو راټولولو صندوق جوړ کړی دی.
د یاد ولايت د اطلاعاتو او فرهنګ رياست مسولان وايي چې د سېلابځپلو سره د مرستو ټولولو صندوق یې د ګردېز ښار په مرکزي چوک کې اېښی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
