سلاموطندار د هېواد په بېلابېلو ولایتونو کې ۳۰ ځوانانو سره د مرکو پرمهال موندلې چې بېلابېل خنډونه لامل شوي چې واده یې وځنډېږي. د جنسیت له پلوه د واده مخنیوي لاملونو په اړه د سلاموطندار موندنې توپیر لري، ۱۲ مرکه کوونکو له ډلې څخه دوه یې د غوراوي حق او لس یې د مالي توان نهدرلودل، هغه لاملونه بللي چې له کبله یې وادونه ځنډېدلې دي.
د لوګر د کلیو پراختیا او بیارغونې ریاست چارواکي وایي چې د دغه ولایت په مرکز پلعلم، برهکي برک او خروار ولسوالیو کې د یونېسف(UNICEF) له لوري د څښاک پاکو اوبو درې شبکې جوړې او ګټېاخیستنې ته وسپارل شوې.
د لوګر کرنې او مالدارۍ ریاست چارواکي وایي چې د دغه ولایت مرکز پلعلم کې د لبنیاتو راټولولو یوشمېر مرکزونو سره د وسایلو مرسته وشوه.
غزني کې یوشمېر بڼوال د خاکسترک ناروغۍ ډېروالي له امله اندېښمن دي او وايي، دې ناروغۍ یې د انګورو تاکونه اغېزمن کړي دي.
د غزني ښار نوغي کلي اوسېدونکی حیاتالله په خپل باغ کې د انګورو ۴۰۰ تاکونه لري. نوموړی هم د خاکسترک ناروغۍ «پوپنک ډوله ناروغي ده» له خپرېدو اندېښمن دی او وايي، دې ناروغۍ یې انګورو ته زیان رسولی دی.
د کارتهنو اوسېدونکې ثانیه وايي، دې سیمه کې د کوڅهډبو سپیانو له امله خلک تر پوزې رسېدلې دي. «کوڅهډب سپي بېخي زیات دي او غپلو او غږونو له امله یې، په تنګ راغلي یوو؛ کله چې موږ له کوره بهر ځو، نو ډارېږوو چې موږ ته زیان ونهرسوي.» د کابل اوومې ناحیې اوسېدونکی فهم وايي، سیمه کې یې د کوڅهډبو سپیو له امله ناروغۍ خپرې شوي.
د افغانستان د ټرانسپورت او هوايي چلند وزارت د هواپېژندنې ریاست د نن په ګډون راتلونکو درېوو ورځو کې په بدخشان، ننګرهار، نورستان، کونړ، لغمان،. پکتیا، خوست، پکتیکا، غزني او لوګر ولایتونو کې د اورښتونو او له امله یې د سېلابونو راوتلو اټل کړی دی.
د پوهنې وزارت سرپرست حبيبالله اغا وايي چې دغه وزارت په هېواد کې د عصري او ديني زدهکړو د کيفيت ښهوالي لپاره هڅی کوي.
نوموړي یادې څرګندونې نن پنجشنبه، چنګاښ ۱۴مه پکتيکا کې د ۱۷ ښوونځيو لپاره د ودانيو جوړولو چارو پيل په پار په جوړه شوې غونډه کې کړې دي.
د شانګهای همکاریو سازمان د غړیو هېوادونو مشرانو ناسته نن پنجشنبه، چنګاښ ۱۴مه، د قزاقستان پلازمېنې استانه کې پیل شوه.
د سولې او دايمي پرمختګ پياوړتيا، عادلانه نړيوال نظم، له ترهګرۍ او نشهيي توکو سره د مبارزې په برخو کې همکاري، د انرژۍ په برخه کې د شانګهای د همکارۍ سازمان د غړو هېوادونو ترمنځ د همکارۍ پياوړتيا په دې غونډه کې تر بحث لاندې مهم موضوعات دي.
د انګلستان په پلازمېنه لندن کې د «مصر ته تېښتې» په نوم د نقاشۍ تابلو چې د رنسانس دورې مشهوره نقاشي بلل کېږي، د ۲.۶ میلیونه یورو په ارزښت وپلورل شوه.
دغه نقاشي د رنسانس دورې وتلي انځورګر، تیسین اثر دی او د ۱۶مې پېړۍ اړوند ده چې پلور یې نړیوال ریکارډ بلل کېږي.
غزني کې د پوهنې ریاست چارواکي وايي چې د یاد ولایت په دوو ولسوالیو کې په ۵۳ میلیونه افغانۍ پنځو ښوونځیو ته ودانۍ جوړېږي
ټاکل شوې چې یاد ښوونځي د دغه ولایت په ګیرو او اندړ ولسوالیو کې جوړ شي چې د جوړېدو ټول لګښت یې د جاپان لهخوا ورکول کېږي. هر یوه ښوونځي کې به شپږ درسي خونې، تشنابونه، د اوبو رسونې سېسټم او پر برښنا سمبال وي چې په اساسي توګه به ورغول شي.
د لوګر د صنعت او سوداګرۍ ریاست مسوولان وایي، د ملګروملتونو د پراختیایي پروګرام په مالي ملاتړ د یوشمېر کورنیو موسسو په تخنیکي همکارۍ شاوخوا ۵۰ مېرمنو او نارینو ته د خیاطۍ د زدهکړې او کار زمینه برابره کړې.
د صنعت او سوداګرۍ ریاست رییس شبیراحمد صدیقي وویل، په یادو کسانو کې ۲۵ یې مېرمنې او پاتې یې نارینه دي.
د صنعت او سوداګرۍ وزارت سرپرست نورالدین عزیزي وايي چې اوزبکستاني پانګوال دې په ډاډ افغاستان کې پانګونه وکړي.
د نوموړي په وینا، سرپرست حکومت له خصوصي سکتور څخه ملاتړ ته ژمن دی. هغه له اوزبکستاني پانګوالو وغوښتل چې افغانستان کې د کانونو، صنعت، کرنې، انرژۍ، خدماتو او د خصوصي سکتور نورو برخو کې پانګونه وکړي.
د سرپرست حکومت ویاند ذبېحالله مجاهد نن چهارشنبه، چنګاښ ۱۳مه له قطر بېرته هېواد ته راستون شو او کابل کې یې د یوې خبري غونډې پرمهال د دوحې درېیمې ناستې جزییات له رسنیو سره شریک کړل. سرپرست حکومت ټينګار کوي چې د نجونو زدهکړه کورنۍ مسله ده او له همدې کبله یې ونهغوښتل چې د دوحې ناسته کې پرې بحث وکړي.
د روسیې په شمال داغستان کې چارواکو د لنډ مهال لپاره د ښځو پر نقاب اغوستلو بندیز ولګاوه.
چارواکي وايي چې ښځې یې د لنډمهال لپاره د ټول مخ پټولو او نقاب اغوستلو څخه منع کړې دي.
د لوګر محمداغې ولسوالي په «زرغون ښار» سیمه کې د ملګروملتونو د کډوالۍ نړیوال سازمان (UNHCR) له لوري یوه روغتیایي مرکز ته د ۳۶ میلیونه افغانیو په مالي لګښت ودانۍ جوړېږي. هغه زیاته کړه چې د یادې ودانۍ له جوړېدو سره به د روغتیايي کارکوونکو او د زرګونه ناروغانو ستونزې هوارې شي.
د افغانستان د کورنیو محصولاتو او تولیداتو نندارتون نن «سهشنبه، چنګاښ ۱۲مه» د اوزبکستان په پلازمېنه تاشکند کې پرانېستل شو چې تر راتلونکې جمعې به دوام وکړي.
د صنعت او سوداګرۍ وزارت سرپرست د خصوصي سکټور د یوه پلاوي په مشرۍ دغه نندارتون کې د ګډون په موخه اوزبکستان ته تللی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
