د هلمند محلي مسوولان وايي چې دغه ولایت کې د ټرافیکي پېښې پرمهال شپږ کسان مړه او دوه نور ټپیان شوې دي.
پېښه بېګاه شپه د سنګین ولسوالي اړوند سیمه کې وروسته له هغې رامنځته شوې چې د واده د ورا موټر اوبه ته ولوېد.
د میدانوردګ سیداباد ولسوالي کې په درېوو جلا ترافيکي پېښو پرمهال دوه کسان مړه او نهه نور ټپیان شوي دي. یاد ولایت امنیه قومنداني ویاند
د اسراييلو او حماس ترمنځ روانه جګړه کې نږدې ۴۰زره فلسطیني وګړي وژل شوي او څه باندې ۹۰زره کسان ټپیان شوې دي.
غزه کې د جګړې له امله میلیونه کسان اړ شوي چې خپلې مېنې پرېږدي او تازه د دغه ښار سوېل خان یونس کې هم خلکو ته امر شوی چې باید له خپلو سیمو ووځي.
د لوګر پوهنې ریاست چارواکي وایي چې د دغه ولایت په برهکي برک، څرخ او خروار ولسوالیو کې د ماشومانو لپاره د ملګروملتون ملاتړې ادارې یا (UNICEF) له لوري د اوو ښوونځیو لپاره د ودانیو جوړېدو چارې پيل شوې.
د افغانستان کرېکټ ملي لوبډلې د شل اووره سیالیو لوبډلمشر راشدخان په نړیوالو شل اووره سیالیو کې ۶۰۰ وېکټې بشپړې کړې.
نوموړی په نړیواله کچه دویم لوبغاړی دی چې دومره وېکټې ترلاسه کوي. د وېسټ انډیز ډېوېن براوو په نړیواله کچه لومړی لوبغاړی دی چې په شل اووره سیالیو کې یې، تر ټولو ډېرې وېکټې ترلاسه کړي دي.
یوشمېر رسنیو د ایران فارس نیوز له قوله راپور ورکړی چې د ایران د نوي ولسمشر مسعود پزشکیان د لوړې مراسمو کې د ګډون په موخه دغه هېواد ته د پاکستان لومړي وزیر شهباز شریف سفر لغوه شوی دی.
ویل کېږي چې ایران ته د شهباز شریف سفر د نوي ولسمشر مسعود پزشکیان په لارښوونه لغوه شوی دی. د یادې رسنۍ په راپور کې ویل شوي چې شهباز شریف ناروغ دی او د سهشنبې ورځې ټولې غونډې او لیدنې یې لغوه کړې دي.
د فلپیین ولسمشر وايي چې چین ته د «چټک» ځواب لپاره د مانیلا او واشنتګټن ترمنځ تعامل اړین دی.
فرینانډ جونیور دغه څرګندونې د فلپیین په پلازمېنه مانیلا کې د امریکا د بهرنیو او دفاع وزیرانو سره په لیدنه کې کړې دي.
د هند په سوېل کې د سختو اوروښتونو له امله د ځمکښوویېدنې او سېلابونو راوتلو پرمهال تر دې مهاله ۴۱ کسان مړه او څه باندې ۷۰ نور ټپیان شوې دي.
سېلابونه او ځمکښوویېدنه د یاد هېواد سوېلي ایالت کیرالا کې رامنځته شوي. چارواکو ویلي چې دې ایالت کې د یوه لوی پله د نړېدو له امله د ژغورنې عملیات له خنډ سره مخ شوې دي.
روسیه کې چارواکي وايي چې د دغه هېواد په سوېل کې د یوه رېل ګاډي او لارۍ موټر د ټکر له امله ۵۲ کسان ټپیان شوي دي.
پېښه دوشنبه، جولای ۲۹مه رامنځته شوې. دې رېل ګاډي شاوخوا ۸۰۰ مسافر لېږدول. روغتیايي چارواکي وايي چې ۲۱ کسان په روغتون کې بستر شوي او پاتې یې، له لومړنیو درملنو وروسته، رخصت کړي دي. له دې وړاندې داسې راپورونه خپاره شوي وو چې پېښه کې شاوخوا ۱۴۰ کسان ټپیان شوي دي.
بلخ کې چارواکي وايي چې له دغه ولایت څخه ۲۵ ټُنه حیواني خواړه چې د یاد ولایت په یوه خصوصي شرکت کې تولید شوي، تاجکستان ته لېږدول شوې دي.
د یاد شرکت مسوول محمدافضل افضلي وايي، د حیواني خوړو لومړی جوپه چې ۲۵ ټُنه کېږي، تاجکستان ته صادر شوي دي.
د کابل او ځینو ولایتونو اوسېدونکي د وروستیو ورځو پرمهال د برښنا پرچاوۍ له زیاتېدو شکایت کوي او وايي، یوه شپه او ورځ کې یوازې څو ساعته برښنا لري.
د کابل د نويښار اوسېدونکی عبدالبصیر سلاموطندار ته وايي چې دې وروستیو ورځو کې د برښنا پرچاوي زیاته شوې چې له امله یې ورځني ژوند کې ستونزو سره مخ شوی دی.
د ریاستالوزرا سیاسي مرستیال محمدعبدالکبیر په خپل لومړني بهرني سفر کې د ایران په بلنه دغه هېواد ته تللی دی.
ټاکل شوې چې نوموړی به ایران ته د سفر پرمهال د دغه هېواد د نوي ولسمشر مسعود پزشکیان د لوړې مراسمو کې ګډون وکړي.
هلمند کې د کرنې ریاست مسوولان وايي، د تېرکال په پرتله سږکال هلمند کې د ریحان کرکېله زیاته شوې او د اټکل له مخې، حاصلات به یې څو برابره ترلاسه شي.
مسوولان اټکل کوي چې سږکال به د ریحان حاصلاتو کې هم د پام وړ زیاتوالی راشي. دغه کروندګر له کرنې ریاست څخه د کرنیزو مرستو او روزنیزو پروګرامونو د زیاتیدو غوښتنه هم لري.
د هرات محلي مسوولان وايي چې دغه ولایت کې د ټرافیکي پېښې پرمهال د یوې کورنۍ اووه غړي مړه شوې دي.
پېښه بېګاه شپه ۷:۳۰ بجې د هرات ښار-ادرسکن ولسوالي پر لویه لاره رامنځته شوې.
د غور د کلیو بیارغونې او پراختیا ریاست مسوولان وايي چې دغه ولایت کې د درې میلیونه افغانۍ په لګښت د اوبو رسونې څلور شبکې جوړې او ګټېاخیستنې ته سپارل شوې دي.
د بادغیس محلي مسوولان وايي چې دغه ولایت کې د دوو جلا پېښو پرمهال د یوې ښځې په ګډون، درې کسان وژل شوي دي.
د بادغیس امنیې قومنداني ویاند صدیقالله صدیقي سلاموطندار ته وايي چې نن دوشنبه، زمري اتمه، د تګابعالم ولسوالي «نخچیرستان» کلي کې یوه مېرمن او نارینه وژل شوي دي. د نوموړي په وینا، یاد مېرمن او نارینه د ناپېژنده وسلهوالو لهخوا وژل شوي او تراوسه یې د وژنې لامل نهدی په ډاګه شوی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
