د ټولګټو وزارت مسوولان وايي چې د سالنګ لویه لاره د کانکرېټ اچوونې له امله د باروړونکو او مسافروړونکو لویو موټرو د تګراتګ پرمخ تړل شوې.
د یاد وزارت ویاند محمداشرف حقشناس نن پنجشنبه، وږي لومړۍ نېټه سلاموطندار ته وویل چې دغه لویه لاره د کانکرېټ اچوونې چارو پیله په دلیل نن سهار راهیسې تړل شوې.
د لوګر د کرنې، اوبولګولو او مالدارۍ ریاست چارواکي وايي چې د ملګروملتونو د کرنې او خوړو نړیوال پروګرام (FAO) په مالي ملاتړ د راتلوونکو نسلونو موسسې (FGA) په تخنیکي همکارۍ د درې ولسوالیو پر څلور زره مالدارو د حیواني خوراکې برابرولو ماشینونونه ووېشل شول.
د اسلامي امارت مسوولان ډاډ ورکوي چې د امربالمعروف وزارت توشیح شوی قانون به د منکراتو په مخنیوي کې مرسته وکړي.
د امربالمعروف او نهې عنالمنکر وزارت ویاند مولوي عبدالغفار فاروق وویل، د دغه وزارت شرعي قانون چې د ا.ا د مشرتابه له لوري توشېح او د عدلیې وزارت لهخوا رسمي جریده کې خپور شوی، موخه یې د دغه وزارت د اړوند چارو ترڅنګ، د محتسبینو د دندو او صلاحیتونو تنظیمول دي.
د پاسپورټ ریاست مسوولان وايي، هېواد کې د پاسپورټ وېش بهیر روان دی او دا مهال هره ورځ ۱۲زره پاسپورټونه وېشل کېږي.
د یاد ریاست ویاند نورالله پتمن سلاموطندار ته وايي، ولایتونو کې د پاسپورټ غوښتونکو شمېر کم شوی او په وینا یې، مرکز او ولایتونو کې د پاسپورټ وېش عادي حالت ته ګرځېدلی دی. د یاد ریاست د مسوولانو په وینا، دا مهال د کابل د پاسپورټ وېش په درېوو نویو څانګو کې هره ورځ ۲۰۰۰ پاسپورټونه وېشل کېږي.
د شهیدانو او معلولانو چارو وزارت مسوولان وايي چې د تېر یوه کال پر مهال یې، کونډو، یتیمانو او معلولانو سره په ټولییز ډول څه باندې ۱۵ میلیارډ افغانۍ مرسته کړې.
د یاد وزارت مسوولانو دغه څرګندونې نن چهارشنبه، د زمري ۳۱مه کابل کې د «امارتي ادارو د یو کلنو لاستهراوړنو د تشرېح پروګرام کې» کړې دي.
د شپږیزې کرېکټ لیګ په روان نهم پړاو کې نن په لومړۍ لوبه کې بُست ساتونکې لوبډلې مېسعینک اتلانو ته د ۸۴ منډو په توپیر ماته ورکړه.
دغه سیالي نن چهارشنبه، زمري ۳۱مه د کابل کرېکټ لوبغالي کې ترسره شوه.
د افغاني سرې میاشتې ټولنې مسوولان وايي چې هلمند کې د سترګو ناروغانو د درملنې بهیر بهیر پیل شوی چې سلګونه ناروغانو ته به وړیا خدمتونه وړاندې شي.
د دوی په وینا، د سترګو ناروغانو دغه درملنه د «قطر حلال احمر ټولنې» په مالي لګښت د هلمند سرې میاشتې ریاست په هلوځلو وړاندې کېږي.
غزه کې پر یوه ښوونځي د اسراییلي ځواکونو د هوايي برید پرمهال د دوو ماشومانو په ګډون لس کسان وژل شوي دي.
برید د مصطفی حافظ په نوم پر یوه ښوونځي شوی چې شاوخوا ۷۰۰ بېځایه شوي پهکې مېشت وو.
د یاد وزارت د مسوولانو په وینا، ایراني پانګوال لېواله دي چې د افغانستان د اوسپنې پر کانونو پانګونه وکړي او دامهال هم د یاد هېواد یوشمېر شرکتونو د هرات غوریان د اوسپنې پر کان پانګونه کړې. افغانستان او ایران هغه دوه هېوادونه دي چې حکومتونه یې د نړۍ لهخوا له ځینو اقتصادي بندیزونو سره مخ دي.
د امربالمروف وزارت مسوولان وايي چې تېرکال یې، په هېواد کې د موسیقۍ ۲۱۳۲۸ الې سوځولي او ۴۴۸ تعویذګر او ۵۲۸ جادوګر یې، نیولي دي.
یاد وزارت مسوولانو دغه څرګندونې نن سهشنبه، زمري ۳۰مه کابل کې د امارتي ادارو د یو کلونو لاستهراوړنو د تشرېح پروګرام کې کړې دي.
د میدانوردګ د طبیعي پېښو پروړاندې د مبارزې ریاست چارواکي وایي چې د ډيارسي موسسې په همکارۍ یې، په چک ولسوالي کې پر شاوخوا ۳۰۰ بېوزله کورنیو نغدي مرسته ووېشله.
د میدانوردګ د اطلاعاتو او فرهنګ ریاست چارواکي وایي چې د دغه ولایت مرکز میدانښار په «کوته عشرو» سیمه کې د خواجه اسحاق ولي په نوم زیارت د جوړېدو چارې پیل شوې. مجاهد زیاتوي، خواجه اسحاق ولي د حضرت ابوبکر صديق «ر» له اولادې څخه دی چې سلګونه کاله وړاندې په یاده سیمه کې خښ شوی دی.
د پکتيکا مرکز ښرنې اړوند د «پلتوني بند» چارې نن دوشنبه، زمري ۲۹مه په شاوخوا ۸۵۰ میلیونه افغانۍ په لګښت د سرپرست حکومت د لوړو پوړو چارواکو په شتون کې بېرته پيل شوې.
د رییسالوزرا اقتصادي مرستيال عبدالغني برادر د دغه بند د چارو پرانیستو مراسمو ته وویل، هېواد کې د اوبو مديريت د اوسني حکومت په لومړيتوبونو کې دي.
د روزګان چهارچینو اوسېدونکي وايي چې سیمه کې یې، روغتیايي خدمتونه نشته او ډېری وخت یې، ناروغان نورو روغتیايي مرکزونو ته د لېږد پرمهال ساه ورکوي.
پاکستاني رسنیو د دغه هېواد د دولتي چارواکو قوله راپور ورکړی چې د روان میلادي کال د جولای له ۲۱مې د اګست تر ۱۷مې شاوخوا ۳۲زره او ۲۰۰ افغان کډوال بېرته افغانستان ته استول شوي دي. له دغه هېواد څخه د ناقانونه افغان کډوالو د ایستلو بهیر له پیل راهیسې، نږدې اووه سوه زره کډوال افغانستان ته ستانه کړل شوي دي.
سلاموطندار له مډرن او کلاسیک اړخه د ځوانانو د ژوند سبک ارزونې په موخه د هېواد په ۲۵ ولایتونو کې سروې کړې چې دې سروې کې ۵۴۵ نجونو او هلکانو ګډون کړی دی.
د سروې پایلې ښيي چې ډېری ځوانان په خپل ژوند کې د عصري او کلاسیک سبکونو د یو ځای کېدو په لټه کې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
