د عامې روغتیا وزارت اړوند د خوړو او درملو معینیت مسوولان وايي چې د روان لمریز کال له پیل راهیسې تر دې مهاله ۸۶۰ ټُنه تاریخ تېر درمل او خوراکي توکي راټول او لهمنځه وړل شوې دي. تېر کال هم له مرکز او یوشمېر ولایتونو څخه ۸۵۰ ټُنه بېکیفیته او تاریخ تېره خوراکي توکي او درمل راټول او لهمنځه وړل شوي وو.
د پیسو نړیوال صندوق یا ایاېاېف پاکستان ته د اوه میلیارډ ډالرو پور د ورکړې منظوري ورکړې ده.
د پاکستان دولتي بانک مسوولان وايي چې د یادو پیسو لومړی قسط چې ۱.۱ میلیارډ ډالر دي، ډېر ژر به پاکستان ته ورکړل شي.
د سمنګان محلي مسوولان وايي چې دغه ولایت کې د تېرکال په پرتله سږکال د غنمو په حاصلاتو کې ۶۰سلنه زیاتوالی راغلی دی.
د یاد ولایت د کرنې ریاست د کرنیزو چارو امر انجینیر خلیل کریمي وايي، سږکال پر وخت اورښتونه د غنمو حاصلاتو د ډېروالي لامل شوې دي.
بادغیس کې چارواکي وايي چې دغه ولایت کې د ۲۲زره ډالرو په ارزښت د توبرکلوز د تشخیص دستګاه فعاله شوه.
د مسوولانو په وینا، د توبرکلوز د تشخیص دغه څلورمه دستګاه د جوند ولسوالي روغتیايي مرکز کې فعاله شوې.
د پروان د کلیوبیارغونې او پراختیا ریاست مسوولان وايي چې دغه ولایت کې د پنځو میلیونه افغانیو په ارزښت د اوبو یوه شبکه جوړه او ګټېاخیستنې ته سپارل شوې ده.
د مسوولانو په وینا، د اوبو دغه ذخیزه چې ۱۱۰۰۰ مټره اوږدوالی لري، د یاد ولایت په سرخپارسا ولسوالي کې جوړه شوې.
د خوست محلي مسوولان وايي چې دغه ولایت کې د ۴۰زره امریکايي ډالرو په لګښت د څښاک پاکو اوبو رسولو یوه شبکه جوړه او ګټېاخیستنې ته وسپارل شوه.
د جوزجان پوهنې ریاست مسوولان وايي چې دغه ولایت کې د درې میلیونه او ۶۲۰زره افغانیو په ارزښت یوه ښوونځي ته د ودانۍ د جوړېدو چارې پیل شوې.
د مسوولانو په وینا، د ښوونځي دغه ودانۍ د اقچه ولسوالي په بیشاریغ کلي کې جوړېږي او مالي لګښت یې، د ماشومانو لپاره د ملګروملتونو ملاتړې ادارې یا یونېسف لهخوا ورکول کېږي.
د خوست محلي مسوولان وايي چې دغه ولایت کې د یوه سیاحتي شرکت دوه کارکوونکي د جعلي پاسپټورونو د لېږد په تور نیول شوي دي.
د خوست د والي ویاند مستغفر ګربز سلاموطندار ته وايي، د «الخليج» په نوم سياحتي شرکت دوه کارکونکي هغه مهال نیول شوي چې د دغه ولایت هوايي ډګر ته یې، جعلي پاسپورټونه ننوېستل.
د عامې روغتیا وزارت مسوولانو د «کتلوي معافیت د ملي پروګرام» د ودانۍ پرانیستو مراسمو کې وویل چې هېواد کې ۱.۸ میلیونه ماشومان له واکسین څخه محروم پاتې شوي.
د دوی په وینا، د یادو ماشومانو تر پوښښ لاندې راوستو لپاره یې، د کتلوي معافیت ملاتړیز پروګرام یې جوړ کړی دی.
د ملګروملتونو له لوري د امر بالمعروف او نهې عنالمنکر وزارت پر نوي قانون د نیوکو ترڅنګ، د ا.ا مشر شیخ هبتالله اخندزاده د دغه قانون پر پليکېدو ټینګار
کړی دی.
د اسلامي امارت مشر کندوز ته د سفر پر مهال د دغه ولایت له چارواکو او دیني عالمانو سره کتنه کې ویلي، په هېڅ صورت نهغواړي چې د شریعت پر سر معامله وکړي. نوموړي افغانستان کې د بشري حقونو په برخه کې د لوېديځو هېوادونو پر تګلارې هم نيوکه کړې.
In Herat, this year’s grape harvest is expected to increase by 35 percent
د خوست د ګربزو ولسوالي اړوند د غلامخان بندر سيمې څخه د افغانستان او پاکستان د ځواکونو ترمنځ د وروستيو نښتو له امله له یادې سیمې بېځايه شوې کورنۍ د مرستو غوښتنه کوي. ګڼشمېر دغه کورنۍ وايي، د پاکستاني ځواکونو له لوري توغول شوې مرمۍ د دوی پر کورونو لګېدلې او اړ شوي چې خپلې مېنې پرېږدي.
د روسیې دولتي خبري اژانس «ریانووستي» لهخوا په خپور شوي یوه راپور کې ویل شوي چې د افغانستان د صنعت او سوداګرۍ وزارت د دغه هېواد د ولسمشر مرستیال ته په یوه لیک کې د برېکس جوړېدونکې غونډه کې د ګډون غوښتنه کړې. دا ډله روان کال د مصر، سعودي عربستان، عربي متحده اماراتو، ایران او ایتوپیا په غړیتوب سره پراخه شوه.
د اپل شرکت خپل نوی ایفون ۱۶ موبایل تېره اوونۍ بازار ته وړاندې کړ چې ځانګړنیو بازار کې د دغه موبایلونو پېر ته غوښتنې زیاتې کړې دي.
د ایفون موبایلونو د پلور یوې نمایندګي رویټرز خبري اژانس ته ویلي چې د نورو هېوادونو په پرتله روسیه کې ایفون ۱۶ ته د خلکو تقاضا ۱۵سلنه لوړه شوې. ایفون۱۶ پرومکس، یو ټيبي بیا امریکا ۱۵۹۹ ډالره دی او روسیه کې یې، بیه ۲۴۹۹۹۹ «۲۷۱۰ ډالر» روبل ښودل شوې.
د کندوز محلي مسوولان وايي چې دغه ولایت کې د کډوالو په چارو کې د ملګروملتونو عالي کمېشنري لهخوا په ۴۵۰زره ډالرو یو روغتیايي مرکز جوړېږي.
دغه روغتیايي مرکز د کندوز د چهاردرې ولسوالي په نواباد کلي جوړېږي. افغانستان کې د یواېاېچسيار سیمهییز دفتر مسوول عرفات جمال وايي چې د یاد روغتیايي مرکز په جوړېدو سره به د سیمو شاوخوا اووه زره خلکو ته روغتیايي خدمتونه وړاندې شي.
هلمند کې محلي چارواکي وايي، د امنیتي ځواکونو له لوري هغه کس نیول شوی چې خپله مېرمن یې، په کاڼو وژلې وه.
د هلمند د والي ویاند مولوي محمدقاسم ریاض سلاموطندار ته وايي، یاد کس د سنګین ولسوالي ساروان کلا سیمه کې نیول شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
