د افغانستان لپاره د سیمې د تماس ډلې دویمه غونډه د شنبې په ورځ د افغانستان په چارو کې د ایران، روسیې، چین او پاکستان د ځانګړو استازیو په ګډون د ایران په پلازمېنه تهران کې جوړه شوه. سره له دې چې دا غونډه د افغانستان په اړه وه او لومړۍ هغه یې په کابل کې جوړه شوې وه، خو د ا.ا کوم استازي پهکې ګډون نهدی کړی.
د کاپیسا د امنیې قومانداني ویاند عبدالفتاح فایز وایي، په دغه ولایت کې له جګړې پاتې د هاوان مرمۍ چاودنه کې یو ماشوم وژل شوی او درې نور ټپیان دي.
د ا.ا د بهرنیو چارو وزارت وايي، له المان څخه د افغان کډوالو د را اېستلو پرېکړه څاري او هیلهمند دی چې دواړه لوري له ډیپلوماټیکو لاروچارو یاده موضوع مدیریت کړي. هغه زیاتوي چې ا.ا د المان له دولت څخه غواړي چې د افغان کډوالو د اېستلو موضوع د دواړو لوریو د هوکړې پر بنسټ د معمولو کونسلي تعاملاتو په چوکاټ کې حل کړي.
د ا.ا د عدلیې وزارت ویاند برکتالله رسولي وايي، د تمدن ټلوېزیون فعالیت له سیاسي ګوند سره د تړاو او د غصب شوې ځمکې د کارولو له کبله درېږي.
نوموړي پر خپل اېکس لیکلي چې عدلیې وزارت له دې مخکې د هر ډول سیاسي ګوند پر فعالیت بندیز لګولی او د دې پرېکړې پر بنسټ، له دغو ګوندونو سره تړلې رسنۍ د فعالیت حق نه لري.
د ا.ا د کار او ټولنیزو چارو وزارت ویاند سمېعالله ابراهیمي سلاموطندار ته ویلي چې په دې غونډه کې د دغه وزارت سرپرست عبدالمنان عمري هم ګډون کړی او هغه به بهرنیو پانګوالو ته د سوداګریزو اړیکو د پراختیا، په افغانستان کې د شته فرصتونو او د پانګونې را جلبولو په اړه وینا وکړي.
د هرات د حوزوي روغتون مسوولان په دغه ولایت کې پر سرطان ناروغي د اخته کېدونکو مېرمنو د شمېر زیاتېدو سره هممهاله وايي، سږ کال د «رحم سرطان» د تېر هغه په پرتله ۳۰ سلنه زیات شوی دی.
د هرات د حوزوي روغتون د سرطان څانګې مسوول احمدفاروق صدیقي سلاموطندار ته ویلي چې د «رحم سرطان» د پېژندنې برخه کې کمزورتیا د دې ناروغي د زیاتېدو لامل شوې ده.
په سېلابځپلیو ولایتونو کې یوشمېر ښځې وايي، په وروستۍ یوه میاشت کې د راغلیو سېلابونو له کبله روغتیايي خدمتونو ته لاسرسی نهلري. دا ښځې وايي، د سېلابونو راتلل او د روغتیايي مرکزونو لرېوالی لامل شوی چې هېڅ ډول روغتیايي خدمتونو ته لاسرسی ونه لري.
په دغه راپور کې له اووهلسو ښځو سره چې پنځه یې په هرات، پنځه په تخار، څلور په بدخشان او درې هم په ننګرهار کې دي، مرکې شوې دي.
د راپورونو له مخې، د افغانستان لپاره د روسیې د ولسمشر ځانګړي استازي ضمیر کابلوف د سېشنبې په ورځ یوې خبري غونډې ته ویلي، مسکو د شانګهای همکاریو سازمان کې د افغانستان د غړیتوب ملاتړ کوي.
د ا.ا د چاپېریال ساتنې ملي ادارې د چهارشنبې په ورځ په کابل کې د یوې غونډې پر مهال د جون ۵مه یا د چاپېریال ساتنې نړیواله ورځ ونمانځله.
د چاپېریال ساتنې ادارې سرپرست حافظ عزیزالرحمان دوامداره وچکالي، د سېلابونو راوتل او د چاپېریال ککړتیا د اقلیمي بدلونونو مهم لاملونه بولي او وايي، د اقلیم په بدلون سره هېواد کې ۵۰ سلنه ځنګلونه له منځه تللي دي.
د ا.ا د کورنیو چارو وزارت سرپرست سراجالدین حقاني د ملګرو ملتونو له لوري د سفر له بندیز سره سره په خپل لومړني بهرني سفر کې متحده عربي اماراتو ته تللی دی. له نوموړي سره په دغه سفر کې د ا.ا د استخباراتو رییس عبدالحق وثیق او د هغه ورور انس حقاني هم ملګرتیا کوي. د یاد سفر موخه د دواړو هېوادونو ترمنځ د دوهاړخیزو اړیکو ښهوالی بلل شوی دی.
د ننګرهار د مرکز جلالاباد ښار په څلورمه ناحیه کې د جميله شېرزاد په نوم شرکت کې لسګونه مېرمنې د لاسي صنایعو پر تولید بوختې دي. خیاطي، سیندي، خامکګنډل او سلمه ګنډل هغه هنرونه دي چې دغه مېرمنې پهکې کار کوي.
د عامې روغتیا وزارت د ګوزڼ له منځه وړلو د عملیاتي مرکز مسوول عبدالقدوس بریالی وايي، د دوشنبې په ورځ به په ټول هېواد کې د ګوزڼ ضد واکسین څلورورځنی کمپاین پیل شي.
هغه وویل، په دغه څلور ورځني کمپاین کې به په ټولو ولایتونو کې ۱۱،۲ میلیونه هغه ماشومان چې عمرونه یې له پنځو کلونو څخه کم وي، واکسین شي.
د هرات د والي مرستیال حیاتالله مهاجر فراهي د غبرګولي په دیارلسمه، د شنبې ورځ پر خپلې اېکسپاڼې په دغه ولایت کې د یوشمېر هغو داعشیانو د نیول کېدو خبر ورکړی چې نږدې یوه میاشت مخکې یې د هرات په ګذره ولسوالي کې شوی برید پلان کړی و.
د غور یوشمېر اوسېدونکي وايي، وروستیو سېلابونو یې زرګونه هېکټاره ځمکه ویجاړه او د دوی له ښې یې اېستلې ده. د غور د مرکز فېروزکوه ښار د مدرسې اوسېدونکی فضلالحق زماني وايي، وروستیو سېلابونو یې کرنیزه ځمکه ویجاړه کړې ده.
په افغانستان کې د ترهګرو ډلو د شتون په اړه د ځینو ګاونډیو هېوادونو له اندېښنو وروسته د روسیې دفاع وزیر په دې وروستیو کې ادعا کړې چې افغانستان لا هم د سیمې او منځنۍ اسیا د بېثباتۍ اصلي سرچینه ده.
د افغانستان لپاره د روسیې ځانګړي استازي ضمیر کابلوف په دې وروستیو کې د دغه هېواد رسنیو ته ویلي چې د روسیې د بهرنیو چارو او عدلیې وزارتونو د ترهګرو ډلو له نوملړ څخه د ا.ا د نوم اېستلو د احتمال په اړه ولسمشر ولادیمیر پوتین ته خبر ورکړی دی.
