د دایکندي د عامې روغتیا ریاست مسوولان وايي چې یوې مور بېګاه د دغه ولایت په ولایتي روغتون کې پنځهګوني چې درې یې هلکان او دوه یې نجونې دي، زېږولي دي.
د دایکندي د عامې روغتیا رییس غني صمیم وايي، یاده مور د روزګان د ګېزاب ولسوالي اوسېدونکې ده او دا یې لومړی زېږون و.
د سرپرست حکومت د بهرنیو چارو وزارت سرپرست امیرخان متقي ویلي چې د ټاپي پروژې عملي کېدل د ا.ا لپاره لومړیتوب لري او په نږدې راتلونکې کې به یې په افغانستان کې عملي چارې پیل شي.
د دغه وزارت د ویاند مرستیال ضیااحمد تکل پرون (د زمري څلورمه، د پنجشنبې ورځ) پر اېکس لیکلي چې متقي دا خبره په کابل کې د ترکمنستان له سفیر خواجه عوضوف سره په لیدنه کې کړې ده.
د پکتيا د امنيې قومانداني مسوولان وايي، یوه دولس کلن ماشوم د دغه ولايت په زرمت ولسوالي کې د کورني تاوتريخوالي له امله ځان را ځړولی او وژلی دی.
د ا.ا یوشمېر چارواکو د روان لمریز کال له پیل راهیسې له افغانستان سره په اقتصادي، سوداګریزو او ټرانزیټي برخو کې د هېوادونو د همکاریو را جلبولو په موخه بېلابېلو هېوادونو ته لږترلږه لس سفرونه کړي او هلته یې په ځینو مهمو غونډو کې هم ګډون کړی دی. په دوحه کې د افغانستان لپاره د ملګرو ملتونو ناسته یې وروستۍ او مهمه غونډه وه چې د ا.ا د ویاند ذ.بېحالله م.جاهد په مشري یوه پلاوي پهکې ګډون کړی و.
مالیې وزارت د یکشنبې په ورځ د یوې خبرپاڼې په خپرولو سره اعلان وکړ چې د کورنیو تولیداتو د ملاتړ په موخه یې افغانستان ته پر یوولسو واردېدونکو توکو ګمرکي تعرفه لوړه کړې ده. په همدې حال کې یوشمېر صنعتکارانو سلاموطندار ته ویلي چې پر ځینو وارداتي توکو د ګمرکي تعرفې په لوړولو سره به د کورنیو تولیداتو د پلور لپاره لاره هواره شي.
په تېره یوه ورځ کې ۳۷۷۵ افغانان له ایران او پاکستان څخه په زوره او خپله خوښه بېرته هېواد ته را ګرځېدلي دي.
د کډوالو او بېرته راستنېدونکو چارو وزارت نن (د زمري لومړۍ، د دوشنبې ورځ) پر اېکس لیکلي چې چې ۳۲۶۹ کسان د هرات د اسلامکلا او د نیمروز د ورېښمو پُل له لارې بېرته افغانستان ته را ګرځېدلي دي.
د امریکا د ولسمشریزو ټاکنو لپاره له نوماندۍ د جو بایډن له تېرېدو سره هممهاله، د هغه مرستیالې کامله هېرس لیکلي چې د ولسمشریزو ټاکنو لپاره نومانده شي.
هېرس نن (د زمري لومړۍ، د دوشنبې ورځ) پر اېکس لیکلي چې د امریکا د ۲۰۲۴ کال په ټاکنو کې به د بریا لپاره هڅه وکړي.
د هرات د کرنې، اوبو لګولو او مالدارۍ ریاست مسوولان وايي، د روان لمریز کال په لومړنیو درېوو میاشتو کې د غویانو ۴۰۰ ټنه پوستکي له دغه ولایت څخه ترکیې ته صادر شوي دي. د هرات د کرنې، اوبو لګولو او مالدارۍ ریاست د مالدارۍ امر محمدعمر قاصد سلاموطندار ته ویلي چې هره ورځ د دغه ولایت په مرکز کې ۵۰ غویان حلالېږي او ۵۰ پوستکي یوازې په مرکز کې ترې لاس ته راځي.
د سوداګرۍ او صنایعو وزارت ویاند عبدالسلام جواد اخوندزاده وايي، قزاقستان د اوسپنې پټلۍ له لارې د افغانستان پر صادراتو تعرفه ۵۰ سلنه کمه کړې ده.
د نوموړي په وینا، دا هوکړه په قزاقستان کې د شمالـسوېل فارمټ غونډې په څنډه کې د دغه هېواد له چارواکو سره د سوداګرۍ او صنایعو وزارت د سرپرست نورالدین عزیزي په لیدنه کې شوې ده.
د امریکا د جمهوري غوښتونکو ګوند نوماندا او د دغه هېواد پخواني ولسمشر ډونالډ ټرمپ ادعا کړې چې له افغانستانه د دغه هېواد د ځواکونو له وتلو وروسته د ۸۵ میلیارډه ډالرو په ارزښت د امریکا پوځي تجهیزات پاتې شوي چې په خبره يې، افغانستان د امریکايي وسلو د خرڅلاو په تر ټولو لوی بازار بدل شوی دی.
که څه هم خواړه، د اوسېدو ځای، درمل او زدهکړې د انسان لومړنۍ اړتیاوې دي، خو یوشمېر کلیوالې ښځې دغو امکاناتو ته لاسرسی نه لري او که ځینې یې لري هم، ډېر کم دی.
سلاموطندار په فاریاب، تخار، کندوز، جوزجان، سرپل، بامیان، ننګرهار او کاپیسا ولایتونو کې له ۲۰ ښځو سره مرکې کړي چې له ډلې یې پنځلسو هغو ویلي چې روغتیايي خدمتونو، زدهکړو، تفرېح او د څښاک اوبو ته لاسرسی نه لري، خو پنځو نورو بیا ویلي چې یادو امکاناتو ته ډېر کم لاسرسی لري.
په هرات کې یوشمېر شنډې ښځې د اولاد نه لرلو له کبله ځورېږي او وايي، په دغه ولایت کې د بېاولادۍ د درملنې بیه لوړه ده او دوی یې د پرې کولو وسه نه لري؛ نو له کلونو راهیسې د ماشوم په ارمان ناستې دي. دغه ښځې له سرپرست حکومت څخه غواړي چې په یاده برخه کې د روغتیايي مرکزونو په جوړولو سره یې دا ستونزې حل کړي.
معصومه چې ۴۰ کاله عمر لري او هرات کې د زعفرانو په یوه کرونده کې کار کوي وايي، خالي دسترخوان او د ماشومانو لوږې اړ کړې چې له سهاره تر ماښامه د زعفرانو په یوه کرونده کې په ډېر کم مزد کار کوي. هغه وايي چې کلونو راهیسې د یو کیلو زعفرانو پاکولو په بدل کې ورته ۵۰ افغانۍ ورکوي. معصومه وايي، له پاڼو نه د ګل جلا کول اسانه کار نهدی او له سهار څخه تر بېګاه پورې یوازې له درې تر څلورو پورې زعفران پاکوي.
د ننګرهار محلي مسوولان وايي، په دغه ولایت کې د پروني باران، توپان او سېلاب له کبله د مړو شویو شمېر ۴۵ کسانو ته ورسېدو.
د ننګرهار د اطلاعاتو او کلتور ریاست د اطلاعاتو امر صدیقالله قریشي وايي، په یادو سېلابونو کې د ژوبل شویو کسانو شمېر ۳۰۰ ته رسېدلی دی. د نوموړي په خبره، دا شمېرې وروستۍ نهدي او ښايي نورې هم ډېرې شي.
د هرات د ښاروالي ویاند عبدالهادي نوري سلاموطندار ته ویلي چې نن (د چنګاښ ۲۶مه، د سهشنبې ورځ) یې د هرات نانوایيګانو ته نوې نرخنامې ورکړي چې له مخې یې، د یوې ډوډۍ بیه چې ۲۶۰ ګرامه وزن لري، له ۱۰ افغانیو څخه ۸ افغانیو ته را ټیټه شوې ده.
په بغلان کې امنیتي مسوولان وايي چې په دغه ولایت کې یوې ټرافیکي پېښې د ۱۷ کسانو ژوند اخیستی او ۳۴ نور یې ټپیان کړي دي.
د بغلان د امنیې قومانداني ویاند شېراحمد برهاني وايي، نن سهار (د چنګاښ ۲۶مه، د سهشنبې ورځ) یو ۵۸۰ ډوله موټر چې مسافر یې لېږدول، د خنجان ولسوالي اړوند د شمالي سالنګ په تختهسنګ کې له سړک څخه ښي لوري ته اوښتی او رغړېدلی دی.
