د افغانستان بانک مسوولان وايي چې سبا «سه‌‌شنبه، چنګاښ ۱۲مه» به «۱۵» میلیونه امریکايي ډالر د لیلام په توګه بازار ته وړاندې کړي.

د افغانستان بانک نن (دو‌‌شنبه، د چنګاښ ۱۱مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سه‌شنبه «۱۵» میلیونه امریکايي ډالر لیلام کړي.

د کانونو او پترولیم وزارت سرپرست شهاب‌الدین دلاور نن پنج‌شنبه، چنګاښ اوومه، په یوې غونډه کې وویل چې سږکال د امو دریا نفتي حوزه کې ۲۰ نورې څاګانې کیندل کېږي. ده وویل، د دغو څاګانو په کیندلو شاوخوا ۳۵ میلیون ډالره لګښت راځي.

د جمهوریت له پرځېدو او هېواد کې د وزګارتیا کچې پراخېدو وروسته، ګڼ‌شمېر ځوانانو کوچنیو اقتصادي فعالیتونو ته مخه کړې او له دې لارې ښه ګټه وټه ترلاسه کوي.

په دې راپور کې له لسو نجونو او هلکانو سره خبرې شوې چې د تېرو نږدې درېوو کلونو پرمهال یې په بېلابېلو برخو کې کوچني کاروبارونه پیل کړې دي.