روسیې د اوکراین پر بېلابېلو ښارونو د توغندو بریدونه کړي چې پرمهال یې ۴۱ کسان وژل شوي او لسګونه نور ټپیان دي.
رویټرز خبري اژانس نن سهشنبه، جولای نهمه راپور ورکړی چې د برید پرمهال پلازمېنه کیېف کې د ماشومانو یو روغتون هم په نښه شوی دی.
د پاکستان حکومت وايي چې دغه هېواد کې له مېشت افغان کډوالو سره د مرستو کمښت د خواشینۍ خبر ده او له ملګروملتونو د مرستې غوښتنه کوي. نوموړي دغه څرګندونې د روانې جولای میاشتې پر اتمه، د یاد هېواد پلازمېنه اسلاماباد کې د ملګروملتونو د کډوالو ادارې له مشر فیلیپو ګرانډي سره د لیدنې پرمهال کړې دي.
د پاکستان په کراچۍ ښار کې د جرمني د سفارت قونسلکرۍ مسوولان وايي چې دغه ښار کې د ناامنو ډېرېدو له امله خپله قونسلګرۍ تړلې ده.
قونسلګرۍ د جولای پر اتمه پر خپله اېکسپاڼه یوې خبرپاڼه کې لیکلي چې له اروپایي ټولنې بهر هېوادونو د وګړو لپاره قونسلګرۍ تر بلې خبرتیا پورې تړل شوې ده.
د اروپا ملتونو فوټبال جام په لومړۍ نیمه پایلوبه کې نن شپه د فرانسې فوټبال ملي لوبډله له اسپانیا سره سیالي کوي.
ټاکل شوې چې یاده لوبه نن شپه د افغانستان پر وخت ۱۱:۳۰ بجې پیل شي.
پکتیکا کې چارواکي وايي چې د دغه ولایت په دوو ولسوالیو کې د ۲۲۲ میلیونه افغانیو په لګښت په بېلابېلو برخو کې ۱۵۵ رغنیزې پروژې بشپړې او ګټېاخیستنې ته سپارل شوې دي.
د ميدانوردګ د اطلاعاتو او فرهنګ رياست له لوري د دغه ولايت نرخ ولسوالي په «صدمردې» سیمه کې د مڼېګل دوديزه او کلني مشاعره جوړه شوه.
جوړې شوې مشاعرې ته د ميدانوردګ د اطلاعاتو او فرهنګ رياست رییس حبیبالله مجاهد وويل، په دغه مشاعره کې د هېواد د بېلابېلو ولايتونو سلګونه شاعرانو او ليکوالانو ګډون کړی.
د لبنان حزبالله ډله وايي چې د اسراییلو پر بېلابېلو سیمو یې د توغندیو او بېپېلوټه الوتکو نږدې ۲۰۰ ګوزارونه کړې دي. حزبالله یاد بریدونه د خپل یوه جګپوړي قومندان د وژلکېدو په ځواب کې کړې دي.
د چین د برښنايي موټر جوړونې «بایډ» شرکت په ټایلنډ کې د دې شرکت نوې څانګه پرانېستله.
دا په سوېلختیځه اسیا کې د برښنايي موټر جوړولو لومړنی شرکت دی چې پرانېستل کېږي او ورسره دې سیمه کې د برښنايي موټرو بازار د ودې لامل به شي.
د ټلګرام پلټفرم یوه بنسټګر پاول دوروف وايي چې د روان کال تر پایه به د یاد پلټفرم د میاشتني فعال کاروونکو شمېر یو ملیارډ کسانو ته ورسېږي.
ټلګرام د نړۍ شپږم مشهور اپلېکېشن دی چې نړۍ کې یې د کاروونکو شمېر ورځ ترې بلې په ډېرېدو دی.
د هند په اترپردېش ایالت کې د «ستسنګ» مذهبي مراسمو پرمهال د ګڼېګوڼې له امله ۱۲۱ کسان مړه شوي دي.
دغه پېښه سهشنبه، جولای دویمه د اترپردېش ایالت په هاتراس ولسوالي کې رامنځته شوې.
د افغانستان کرېکټ ملي لوبډلې مینهوال او د «کرېکټ بابا» رضاخان کاکا د ورپېښې ناروغۍ له امله ساه ورکړه.
رضاخان کاکا له نږدې یوې اوونۍ راهیسې د ورپېښې ناروغۍ له امله روغتون کې بستر و او سهشنبه، جولای دویمه، د همدې ناروغۍ له امله ومړ. د کرېکټ ګڼشمېر مینهوالو او لوبغاړو ترڅنګ د افغانستان کرېکټ د نوموړي د مړینې له امله خواشیني ښودلې.
هلمند کې ۵۶کلن سیدولي د روان کال کانکور ازموینې کې تر ټولو د لوړ عمر ګډونکوونکی دی.
هغه په ۵۶کلنۍ کې له شپي ښوونځي فارغ شوی او په وینا یې، خوښ دی چې د کانکور ازموینه کې ګډون کوي.
ایران او پاکستان کې د افغان کډوالو د نیولو، وهلو-ټکولو او اېستلو لړۍ پر دوام، دغو هېوادونو کې یوشمېر افغانان وايي، دې وروستیو کې یې پر وړاندې سخت چلند او فشارونه دوه برابره شوي او دغه وضعیت نور تر بلې مخ پر خرابېدو دی.
پاکستان کې افغان کډوال هادي غفاري هم وايي، کډوال نهباید د هېوادونو ترمنځ د سیاسي مسایلو قرباني شي.
د تخار کرنې، اوبولګولو او مالدارۍ ریاست بزګرانو ته د اسانتیاوو او مشورو ورکولو په موخه د انلاین مشورې ورکولو مرکز فعال کړی چې له دې لارې غواړي د بڼوالو ستونزې حل او مشورې ورکړي.
تخار کې چارواکي وايي، د مرکز په اړه د کروندګرو په خبرولو کې د جوماتونو امامانو او تبیلغاتي پاڼو ورسره مرسته کړې
پکتیا کې د ګردېز ښاروالي مسوولان وايي چې ګردېز ښار کې يې د لاسي توکو پلورونکو د فعالیت او ښاري بېنظمیو مخنیوي په موخه ۹۰ غرفې کېښودې دي.
ګردېز ښاروال حبيبالرحمن منصور وايي چې يادې غرفې د ملګروملتونو د بشري هستوګنځايونو ادارې «UN-HABITAT» لهخوا جوړې شوې چې ۴۹زره امريکايي ډالره لګښت پرې راغلی دی.
د لوګر عامې روغتیا ریاست مسوولان وایي چې د روغتیايي قوانینو د څار مدیریت له لوري په پلعلم ښار کې د ډاکټرانو اته شخصي کتنځایونه (معاینهخانې) د غیرېقانوني فعالیت له امله تړل شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
