د افغانستان د فوټسال ملي لوبډله نن چهارشنبې د اسیا فوټسال جام سیالیو کې خپله لومړۍ لوبه د سعودي عربستان پر وړاندې ترسره کوي.
افغان لوبډله په دې سیالیو کې چې اندونیزیا یې کوربه ده، په څلورم ګروپ کې له سعودي عربستان، مالیزیا او ایران سره یو ځای دی.
د افغانستان د فوټبال فدراسیون په خبره، د فوټسال ملي لوبډلې د دې سیالیو لپاره د چمتوالي په ترڅ کې په ټایلنډ کې تمریناتي لوبې هم ترسره کړي دي.