غزني چې د هېواد یو له لرغونو ولایتونو دی او ګڼشمېر لرغوني اثار او تاریخي سیمې لري، ټاکل شوې چې یوشمېراثار یې په نړیوالو نندارتونونو کې نندارې ته کېښودل شي.
د اغاخان بنسټ فرهنګي رییس اجمل میوندي د المان او امریکا یوشمېر لرغونپوهانو سره نن جمعه، غبرګولي ۲۵مه، غزني ته سفر کړی او هلته یې د لرغونو اثارو له جوړ شوي نندارتون لیدنه کړې.
د سلاموطندار پښتو فېسبوکپاڼه وڅارئ
میوندي غزني ته د یاد سفر موخه نړیوالو نندارتونونو کې د یاد ولایت د لرغونونو اثارو د غوراوي څرنګوالی یاد کړی دی.
د نوموړي په وینا، دوی به د دغه ولایت لرغوني اثار وارزوي او یوشمېر به یې نړیوالو نندارتونونو کې د نندارې لپاره غوره کړي.
غزني ته د لرغونپوهانو تللي پلاوي د یاد ولایت موزیم کې د اسلام او بودايي دورو لرغوني اثار د هېواد له تاریخي اثارو وبلل او د غزني اطلاعاتو او فرهنګ ریاست هڅې یې وستایلې.