د کار او ټولنیزو چارو وزارت ویلي چې د ایران د کار، تعاون او ټولنیزې هوساینې وزارت د مرستیال په مشرۍ یوه پلاوي، د کاري ځواک تبادلې لپاره کابل ته سفر کړی.
دغه وزارت نن (یکشنبه، جدي ۱۴) پر اېکسپاڼه لیکلي چې تمه ده ایراني پلاوی به، د کار او ټولنیزو چارو وزیر ملاعبدالمنان عمري سره په دوه اړخیزو کاري اړیکو او د کار ځواک په تبادلې لیدنې او کتنې ولري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همدارنګه دواړه لوري به د فني او حرفوي زدهکړو د پراختیا پر څرنګوالي، ایران کې د مېشتو افغانان کارګرانو د حقوقو پر خوندیتوب او نورو مهمو موضوعاتو هم بحث او خبرې وکړي.
دغه ایراني پلاوي کې د ایران د کار، تعاون او ټولنیزې هوساینې وزارت مرستیال وزیر سید مالک حسیني، د خارجي اتباعو د اشتغال عمومي مدیر علي باقري، د کاري آتشو ګروپ او دوه اړخیزو اړیکو رئیس حمید رضا رایکا، د کارپنځونې او اشتغال د پراختیا معاونیت دستیار محسن قوامي شاملیږي.