د کار او ټولنیزو چارو وزارت وایي، قطر ته د ۱۳۰۰ نورو کارګرانو په لېږد یې هم هوکړه کړې.
دغه وزارت تېره ورځ (چهارشنبه، اسد لومړۍ) یوه اعلامیه کې ویلي، د تېر اعلان په دوام قطر هېواد ته ۱۳۰۰ نور کاري فرصتونه هم اعلانوي چې په دې سره د ټولو قانوني کاري فرصتونو شمېر ۲۰۰۰ ته پورته شو.
اعلامیه کې ویل شوي چې دا د کارګرانو د قانوني لېږد لړۍ پيل دی او دا شمېرې به راتلونکې کې څو برابره زیاتې شي او دوام ومومي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دغه وزارت په شرایطو برابرو هېوادوالو ته څرګنده کړې چې د نوملیکنې او ثبت بهیر څرنګوالی، اړونده رشتې او حرفې، شرايط او د نومليکنې مرکزونو ټول جزئيات او مشخصات به ډیر ژر په ډاګه شي.
د یادولو ده چې د کار او ټولنیزو چارو وزارت دوه ورځې وړاندې وویل، په لومړي ځل یې قطر ته د ۷۰۰ افغان کارګرانو د لېږد په تړاو هوکړه کړې ده.