د افغانستان کرېکټ ملي لوبډله نن چهارشنبه، وږي ۲۸مه له سوېليافریقا سره د یو ورځنیو سیالیو د تاریخي لوبلړۍ، لومړۍ لوبه کوي.
ټاکل شوې چې یاده لوبه نن مازدیګر د افغانستان پر وخت ۴:۳۰ بجې په شارجه کرېکټ لوبغالي کې پیل شي.
دا لومړی ځل دی چې افغانستان له سوېليافریقا سره د یو ورځنیو سیالیو لوبلړۍ کوي. افغانستان له دې وړاندې له سوېليافریقا کرېکټ ملي لوبډلې سره دوه یو ورځنۍ لوبې کړي چې دواړه یې، بایللې دي.
افغانستان دغه لوبلړۍ ته د ملي لوبډلې ۱۷ کسیز نوملړ اعلان کړی چې د کورني کرېکټ یوشمېر لوبغاړو ته هم د لوبېدو چانس ورکړل شوی دی. راشدخان هم بېرته لوبډلې ته راغلی، خو ابراهیم ځدراڼ او مجیبالرحمن د ټپونو له امله له لوبډلې کېښنول شوې دي.
سوېليافریقا او افغانستان روان کال د شل اووره سیالیو نړیوال جام په نیمه پایلوبه کې هم د یوه بل پر وړاندې لوبه وکړه او افغانستان په یاده لوبه کې له دې لوبډلې ستره ماته وخوړه.
سوېليافریقا بیا پایلوبه کې هند ته سیالي وبایلله.