د افغانستان فوټبال ملي لوبډله به نن پنجشنبه، غبرګولي ۱۷مه د فوټبال نړیوال جام غوراوي او اسیا جام ته د لارموندنې سیالیو په لړ کې نن شپه له قطر سره سیالي وکړي.
ټاکل شوې چې یاده لوبه به نن شپه د افغانستان پر وخت ۸:۳۰ بجې پیل شي. یاده سیالي د سعودي عربستان په کوربهتوب کېږي.
د سلاموطندار پښتو فېسبوکپاڼه وڅارئ
افغانستان د یادو سیالیو په اې ګروپ کې له قطر، هند او کوېټ سره یوځای دی.
قطر د یاد ګروپ د جدول په لومړي سر کې شتون لري. دغې لوبډلې څلور لوبې کړي چې څلور واړه یې ګټلې دي.
هند بیا په دوو ماتو، یوې بریا او یوې مساوي لوبې سره دویم ځای کې دی. افغانستان هم درېیم ځای لري چې دوه لوبې یې بایللي، یوه یې ګټلې او یوه یې مساوي کړې.
کوېټ بیا له څلور لوبو یوازې یوه ګټلې او پاتې یې بایللې دي. د جدول د سر دوه لوبډلې بل پړاو ته د تلو چانس لري.