هرات کې چارواکي وايي چې د «بلخ-هرات» ترمنځ مسافرو ته د اسانتیاوو رامنځته کولو په موخه د مسافروړونکو موټرو نمایندګي پرانېستل شوه.
د یاد ولایت د ځمکني ټرانسپورټ ریاست اداري او مالي امر عبدالحنان سنګري سلاموطندار ته وايي، د موټرو دغه نمایندګي یې له ایران دغه ولایت ته راستنېدونکو افغانانو ته د اسانتیاو لپاره جوړه کړې.
د سلاموطندار پښتو فېسبوکپاڼه وڅارئ
نوموړي دغه څرګندونې یکشنبه، غبرګولي شپږمه سلاموطندار ته کړې دي.
د هرات د ځمکني ټرانسپورټ ریاست اداري او مالي امر عبدالحنان سنګري د مسافروړونکو موټرو دغه نمایندګي د ټرانزیټي زېربناوو او خلکو ته د اسنتیاوو رامنځته کېدو برخه کې ګټوره وبلله.
هغه زیاته کړه چې د دې نمایندګي د موټرو په مرسته به مزارشریف ښار ته تلونکي مسافر په ۱۷ساعتونو کې ورسېږي چې په وینا یې، ورسره به د یادې لارې د مسافرو ډېرې ستونزې هوارې شي.
خو نوموړي دا ونهویل چې دغه کوچني مسافر وړونکي موټر به له هرات تر مزارشریفه له یوه کس څخه څومره کرایه واخلي.