د لوګر کلیو پراختیا او بیارغونې ریاست چارواکي وایي چي د ماشومانو لپاره د ملګروملتونو ملاتړې ادارې (UNICEF) له لوري په برهکي برک ولسوالي کې د څښاک پاکو رسولو یوه شبکه جوړه او ګټېاخیستنې ته سپارل شوې.
د دغه ولایت د کلیو پراختیا او بیارغونې ریاست مطبوعاتي مسوول صبغتالله ناېبخېل سلاموطندار ته وویل، د څښاک پاکو اوبورسولو دغه شبکه د برهکي برک ولسوالي په «مومند» کلي کې د (UNICEF) له لوري د ۹ میاشتو په ترڅ کې د شاوخوا ۵ میلیونه افغانیو په مالي لګښت جوړه شوې.
د سلاموطندار پښتو فېسبوکپاڼه وڅارئ
نایبخېل زیاته کړه، د یادې شبکې له پرانیستې سره سم، شاوخوا ۲۵۰ کورنیو ته په مستقیم ډول او ۳۰۰ کورنیو ته په غیرمستقیم ډول د څښاک پاکو اوبورسولو اسانتیا برابره شوه.
هغه همدارنګه وویل: «د څښاک پاکو اوبو دغه شبکې لپاره یوه ژوره څاه، ۱۰ تختې سولر، د اوبو یوه لویه ذخیره، د هستوګنې کورنو ته ۳ زره متره پايب غځول، ۹۰ د اوبو نلکۍ نصبول شامل دي او سلګونه کورنیو ته د څښاک پاکې اوبه برابرې شوي.»
باید وویل شي چې د ( (UNICEF له لوري په مرکز پلعلم او یوشمېر لروپرتو ولسوالیو کې ۶ د څښاک پاکو اوبو رسولو نورې شبکې هم تر کار لاندې دي چې له پرانیستې سره به یې زرګونه کورنۍ د څښاک پاکو اوبو ته لاسرسی پيدا کړي.