د بلخ محلي چارواکي وایي، په مزارشریف ښار کې د ۲۴۷ میلیونه او ۵۰۰ زره افغانیو په لګښت یو سوداګریز مرکزجوړ شوی دی.
د مزارشریف ښاروالي سکتوري رییس احمد جاوید مایار وایي، دا تجارتي مارکېټ چې د درې جریبه څخه په زیاته ځمکه جوړ شوی، نن دوشنبه، د لړم پنځمه، پهرسمي توګه ګټېاخستنې ته سپارل شوی.
یاد سوداګریز مرکز چې «مزارمال» نومېږي، د حضرت علي کرامالله وجهه ته منسوب زیارت ته نږدې جوړ شوی او ۲۰۰ معیاري دوکانونه لري.
مایار زیاتوي: «ټولې اسانتیاوې د نړیوالو معیارونو او مناسب انجینري په بنسټ رامنځته شوي دي. دا پروژه به د ښار ښکلا، د سوداګرۍ پراختیا او د کاري فرصتونو په زیاتېدو کې مهم رول ولوبوي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
یوشمېر هټۍوال چې په دغه مرکز کې فعالیت کوي، د اسلامي امارت له هڅو خوښي څرګندوي او وایي، د سوداګرۍ لپاره د مناسب چاپېریال برابرول د خلکو په اقتصادي پرمختګ کې مرسته کوي.
یاسیني چې په دغه مرکز کې دوکان لري، وایي: «دلته دوکانونه ډېر معیاري او مناسب جوړ شوي دي. کله چې موږ خپله سوداګري پیل کړو، کولی شو خپلې کورنۍ ته ښه ژوند برابر کړو او د هېواد په اقتصادي وده کې هم ونډه واخلو.»
د یادونې وړ ده چې د دغه سوداګریز مرکز ځمکه د مزارشریف ښاروالي پورې اړه لري او د یوه خصوصي پانګهوال په مالي ملاتړ جوړ شوی چې د ۳۰ کلونو لپاره ورسره تړون شوی دی.