د خوست په ملکي روغتون کې د ۶۰ میلیونه افغانیو په ارزښت د جدي پاملرنې څانګې (ICU) لپاره د ودانۍ جوړېدو د بنسټ ډبره کېښودل شوه.
د خوست ولايت مقام څخه سلاموطندار ته په رالېږل شوې خبرپاڼه کې ويل شوي چې د عامې روغتیا وزارت له لوري د خوست ولایت په ملکي روغتون کې د جدي پاملرنې څانګې (ICU) لپاره د ۶۰ ميليونه افغانيو په ارزښت د ودانۍ د جوړېدو چارې پيل شوې.
د سلاموطندار پښتو فېسبوکپاڼه وڅارئ
خبرپاڼه کې د عامې روغتیا وزارت د روغتیایي خدمتونو وړاندې کولو معین عبدالولي حقاني له قوله راغلي چې د جدي پاملرنې څانګې د ودانۍ چارې په څه باندې ۶۰ میلیونه افغانۍ د عامې روغتیا وزارت په مالي لګښت جوړېږي چې د یوکال په موده کې به بشپړې شي.
خبرپاڼه کې د حقاني له قوله ویل شوي چې په یوشمېر ولسوالیو کې یې د جيایچ په کچه د روغتونونو جوړولو چارې پیل کړي او دغهراز، پلان سره سم په ځینو سپینو ساحو کې د کوچنیو کلینیکونو جوړلو چارې هم روانې دي.
نوموړي ټينګار کړی چې په ولسواليو او لرېپرتو سيمو کې د روغتيايي مرکزونو په جوړېدو سره به د خوست په ملکي روغتون د ناروغانو ګڼهګوڼه کمه شي او د خلکو ستونزې به پر وخت او په اړونده نږدې روغتونونو او کلینیکونو کې حل شي.